«Yuventus» muxlislarining bir qismi kecha «Inter» afsonasi Sandro Matsola xotirasiga bag'ishlangan sukut saqlash daqiqasida yuz o'girishdi.
Curva Sud birinchi markaziy yarusining salmoqli qismi maydonga orqa o'girib oldi. Xotira daqiqasida ishtirok etish o'rniga, tifozilar avvaliga: «Yana bittaga kamaydi!» deb baqirishdi, so'ngra marhum «byankonerilar» — Gaetano Shirea, Andrea Fortunato va Janni Anyelli nomlarini hayqirishdi.
Matsola (otasi «Grande Torino» sardori bo'lgan va Superga aviahalokatida vafot etgan) «Yuventus» haqida ko'pincha keskin fikrlar bildirardi:
«Men butun tun «Yuve»ning Chempionlar ligasi finalidagi mag'lubiyatini (2017-yil «Real»ga qarshi) nishonlaganman. Men butun tun mashinada yurdim, Milan provinsiyasidagi ko'plab boshqalar kabi signal chalib yurdim. Hatto signal kuchliroq bo'lishi uchun uni o'zgartirgan edim!»
Shuningdek, u televideniyeda hakamlarning «byankonerilar»ga bo'lgan mehrini ham bir necha bor tanqid qilgan:
«Yuventus» futbolchilari qo'llarini ko'tarishi kifoya edi, hakam darhol penalti belgilardi».
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!