Kotrina Kulbite: Xitoyga qarshi natija biz uchun muhim
O'zbekiston ayollar milliy terma jamoasi bosh murabbiyi Kotrina Kulbite Xitoyga qarshi o'yindan so'ng o'z fikrlari bilan o'rtoqlashdi.
Kotrina Kulbite (O'zbekiston milliy terma jamoasi bosh murabbiyi) 🎙
Bu durang biz uchun muhim natija bo‘ldi. Xitoy Osiyoning eng kuchli terma jamoalaridan biri va O‘zbekistonning bu jamoaga qarshi shunday natija qayd etganiga ancha yillar bo‘lgan edi.
Bugun futbolchilarimiz katta jasorat, intizom va xarakter namoyish etdi. Jamoamiz bilan, ayniqsa, qizlarning maydonda ko‘rsatgan xarakteri bilan juda faxrlanaman.
Endi tiklanib, bor e’tiborimizni keyingi uchrashuvga qaratamiz. Turnir hali yakunlangani yo‘q.