#Jessi Bisivu — yangiliklari

Nil Sola xabariga ko'ra, bugun tushdan keyin Jessi Bisivu "Barselona" bilan shartnoma imzolaydi.

🚨 Fabrisio Romano xabariga ko'ra, Barselona Bryugge bilan Jessi Bisivuning transferi bo'yicha kelishuvga erishdi. Here we go!

Transfer summasi 8,5 million yevroni tashkil etadi. Shuningdek, Bryugge futbolchining kelajakdagi sotuvidan 20 foiz ulush oladi.

Jessi Bisivu Dekuning shaxsiy tanlovi bo'lgan. U klub ichidagi 8,5 million yevrolik transfer summasiga nisbatan shubhalarga qaramay, bitimni yakunlashni talab qilgan.

"Barselona" o'yinchini Xansi Flikning asosiy jamoasiga kirish istiqboli bilan ishontirdi va "Bryugge"ga uning kelajakdagi sotuvidan 20 foiz ulush berishga rozi bo'ldi.

Klubda Bisivu uzoq muddatli istiqbolda jamoaning asosiy chap qanot hujumchisiga aylanishiga ishonishmoqda.

❓Sevimli futbolchilaringiz kimlar?

🗣 Jessi Bisivu: «Mening sevimli futbolchim — Neymar. Aytishim mumkinki, u juda yoshligimdan beri sevimli o'yinchim bo'lib kelgan va men aynan undan o'rnak olaman».

❓Demak, o'zingizni Neymar bilan taqqoslaysizmi?

🗣 Jessi Bisivu: «Yo'q, bunday demagan bo'lardim. Lekin u mening sevimli futbolchim. Men undan o'rnak olaman».

❓Nega aynan u?

🗣 Jessi Bisivu: «O'yin uslubi tufayli. Menga uning futbol o'ynashni, to'p bilan muomalada bo'lishni yaxshi ko'rishi juda yoqadi. Futbol o'ynashni boshlashimga ham aynan shu narsa sabab bo'lgan».

❓«Barselona»dagi hozirgi futbolchilardan kim sizga ko'proq yoqadi?

🗣 Jessi Bisivu: «O'z pozitsiyamdan kelib chiqib aytadigan bo'lsam, menga Rafinya yoqadi. U juda yaxshi futbolchi va men undan ham o'rnak olaman».

❓Rafa bilan gaplashib oldingizmi?

🗣 Jessi Bisivu: «Ha, bir necha bor».

❓Demak, barcha braziliyaliklar sizga yoqadi?

🗣 Jessi Bisivu: «Ha, men Braziliya uslubini juda yaxshi ko'raman. U juda ajoyib. Ha».

❓Lamin Yamal haqida nimalar deya olasiz?

🗣 Jessi Bisivu: «Lamin, shubhasiz, juda o'ziga xos futbolchi deb aytgan bo'lardim. O'ylaymanki, barchamiz uning mahoratini bilamiz, u juda kuchli o'yinchi».

❓«Barselona» loyihasi sizga nima uchun yoqadi, axir bu yerda yoshlarga katta ishonch bildiriladi?

🗣 Jessi Bisivu: «O'zingiz bilasizki, «Barselona» yosh futbolchilar bilan ishlashni yoqtiradi. Men esa bu yerga «Barselona» bilan birga ishlash va bor kuchimni berish uchun kelgan navbatdagi futbolchi bo'lishga intilayapman, xolos».

Rasman: Jessie Bisiwu «Barselona» futbolchisiga aylandi.

Shartnoma 2031-yilning iyuniga qadar mo'ljallangan.

Rasmiy taqdimot yaqin vaqt ichida klub ofisida bo'lib o'tadi.

Klub ma'lumotiga ko'ra, u asosiy jamoa tarkibiga qo'shib olindi.

Bisiu «Barsa» bilan shartnoma imzolaganidan so'ng Sport shaharchasini tark etdi. ✅

Sacha Tavolieri xabariga ko'ra, Jessi Bisivu Barselona bilan to'rt yillik shartnoma imzolaydi.

Bisivu Barselona asosiy jamoasining to'laqonli a'zosiga aylanadi. Uning ba'zi o'yinlarda Barsa Atletik safida maydonga tushishi istisno qilinmaydi, ammo u asosiy tarkib o'yinchisi sifatida ko'rilmoqda.