#Luka Marianuchchi — yangiliklari

🎤 Luka Marianuchchi Kastel-di-Sangrodagi muxlislar bilan uchrashuvda o'z fikrlari bilan o'rtoqlashdi:

«Menga «Napoli»dan qo'ng'iroq qilishganda, bu juda kutilmagan holat edi! Fevral oyi yakshanba kuni edi, bizda navbatdagi o'yin bo'lib o'tgandi. Kechqurun uyga qaytganimda, buni anglab yetdim va ota-onamga qo'ng'iroq qildim. Biz birga yig'ladik: bu men umr bo'yi kutgan muhim lahza edi.»

«Men «Empoli» kabi jamoadan kelgandim va u yerdan «Napoli»ga o'tish katta qadam edi. Ammo bu olti oy ham shaxs, ham futbolchi sifatida o'sishimga yordam berdi. Chempionlar bilan birga mashg'ulot o'tkazish o'sishga xizmat qiladi.»

«Men o'z hissamni qo'shish uchun qaytdim, bor kuchimni beryapman va barchangiz bilan birga quvonish uchun shu yerda qolishga umid qilaman.»

La Repubblica sharhlovchisi Antonio Korbo xabariga ko'ra, Massimiliano Allegri ikki futbolchining kelajagi borasida yakuniy qarorga kelgan.

Murabbiy Luka Marianuchchining salohiyatini yuqori baholadi va himoyachi transfer ro'yxatidan chiqarildi.

Yens Kayuste esa barcha urinishlariga qaramay Allegrini ishontira olmadi. Shu sababli, daniyalik futbolchi uchun yangi jamoa izlash jarayoni yana faol bosqichga o'tdi.

🚨 "Napoli" Luka Marianuchchining holati bo'yicha rasmiy bayonot berdi:

"Selta"ga qarshi o'rtoqlik uchrashuvida jarohat olgan Luka Marianuchchi "Pineta Grande" klinikasida tibbiy ko'rikdan o'tdi. Diagnostika chap tizza medial kollateral bog'lamining jiddiy shikastlanganini aniqladi."

📻 Radio Marte efiriga taklif etilgan tibbiy ekspert Korrado Antonioni buni tushunarliroq tilda izohladi: Marianuchchining safga qaytishi uchun 3 oygacha vaqt kerak bo'lishi mumkin.

Napoli klubi matbuot xizmati Luka Marianuchchining jarohati yuzasidan ma'lumot berdi.

Klub bayonotida futbolchining chap tizzasidagi paylar cho'zilishi va lat yeyish holati aniqlangani aytilgan. Ertaga tibbiy ko'rik o'tkazilishi kutilmoqda, shundan so'ng futbolchi qancha muddatga safdan chiqqani ma'lum bo'ladi.

Eslatib o'tamiz, neapolliklar 22-avgust kuni chempionatdagi ishtirokini boshlaydi.

🫷 Massimiliano Allegri Luka Marianuchchini transfer bozoridan olib tashladi

📻 Radio Marte sharhlovchisi xabariga ko'ra:

Massimiliano Allegri Luka Marianuchchidan juda mamnun. O'tgan mavsumda markaziy himoyachi Antonio Konteni ishontira olmagan edi. Ammo murabbiy Lukada Kampaniyada muvaffaqiyat qozonish uchun barcha imkoniyatlar bor deb hisoblaydi. Agar shov-shuvli taklif kelib tushmasa, futbolchi azzurrilar safida qoladi.

⏰ Osasuna bilan o'yinda Marianuchchi (Zambo-Angissa bilan bir qatorda) maydonda eng ko'p vaqt — 75 daqiqa harakat qilgani ham buni tasdiqlaydi.