#Richard Garlik — yangiliklari

Klub bosh direktori Richard Garlik Mikelga yangi shartnomani 1886-yilda klub tashkil etilishi bilan bevosita bog'liq bo'lgan boy tarixga ega qadimiy yog'och qutida topshirdi.

Ushbu qutining tarixi Vulvichdagi Qirollik arsenalining ishchi kriket jamoasi bo'lgan Dial Square Cricket Club'dan boshlanadi. 4-oktyabr kuni Prince of Wales pabida jamoa mavsum yakunini o'sha davr uchun an'anaviy bo'lgan «smoking concert» bilan nishonlagan. Klubimizning birinchi sardori Devid Danskin ishtirok etgan tadbirda kriket klubini kengaytirish va futbol bo'limini yaratishga qaror qilingan. Shu tariqa Arsenal paydo bo'lgan.

Yangi loyihani ishga tushirishga yordam berish uchun kriket jamoasida ham shu rolni bajargan Elayja Uotkins kotib etib tayinlandi. Yakunlangan mavsumdagi hissasi va har ikki klubdagi kelgusi faoliyatini qo'llab-quvvatlash belgisi sifatida unga yozuv stoliga aylanadigan ushbu quti sovg'a qilingan. Uning ichki qismi ilmoqlar bilan bog'langan ikki qismdan iborat bo'lib, yozish uchun qiya sirt hosil qiladi. Ajablanarlisi shundaki, Arsenal asoschilaridan biriga sovg'a qilingan bu kichik yozuv stoli bugungi kungacha saqlanib qolgan. Bu biz bugun biladigan va yaxshi ko'radigan futbol klubining tug'ilishiga guvoh bo'lgan noyob yodgorlikdir.

Keyinchalik Uotkins Arsenal tarixidagi birinchi o'yinni ham tashkil qilgan — 1886-yil 11-dekabrda Eastern Wanderers'ga qarshi. Arsenal 6:0 hisobida g'alaba qozongan. Bu o'yin haqida aynan klubning ilk o'yini haqida yagona guvohlikni qoldirgan Uotkins tufayli ma'lum.

Richard Garlik shunday dedi:

«Biz o'z ildizlarimiz bilan juda chambarchas bog'langanmiz va Mikelga yangi shartnomasini Arsenalning haqiqiy merosiga hurmat bajo keltirgan holda topshirish biz uchun ayniqsa muhim edi. Bu lahza o'tmishimiz, bugunimiz va kelajagimiz o'rtasidagi bog'lovchi halqaga aylandi. Kelajakka nazar tashlar ekanmiz, klub tarixida o'ziga xos xususiyat bo'lib kelgan qadriyatlar va an'analarni saqlab qolish biz uchun muhim. Va bu kelajak muxlislarimiz bilan birgalikda bizda katta hayajon uyg'otmoqda».

"Arsenal" klubi bosh direktori Richard Garlik jamoani tark etayotgan futbolchilar haqida o'z fikrlari bilan o'rtoqlashdi:

Bu oson emas. Albatta, o'yinchilar bilan ma'lum bir munosabatlar o'rnatiladi va ularning har biri so'nggi yillarda erishgan muvaffaqiyatlarimizga o'z hissasini qo'shgan.

Ammo o'yinchilarning kelishi va ketishi futbolning odatiy qismi hisoblanadi. Har bir futbolchi bir klubda abadiy qolishni jiddiy rejalashtiradi deb o'ylamayman.

Biz ham ketishni istagan, ham ko'proq o'yin vaqti izlayotgan futbolchilarga hurmat bilan qaraymiz.

Biz tarkibni rivojlantirishda davom etamiz va o'yinchilar bilan bog'liq operatsiyalar ushbu jarayonning bir qismidir.

🚨 «Arsenal» bosh direktori Richard Garlik talkSPORT nashriga bergan intervyusida klubning transfer strategiyasi haqida to'xtalib o'tdi:

Hozirgi kunda aksariyat klublar futbolchilarni sotib olish va sotish orqali ishlamoqda. Ko'pchilik klublar modeli shundan iboratki, bir futbolchilar keladi, boshqalari ketadi. Bizda tarkib shundoq ham katta. Biz allaqachon ba'zi o'yinchilarning ketganini ko'rdik, masalan Nyorgo va Trossard, lekin, albatta, jamoamiz uchun nima yaxshi bo'lsa, shundan kelib chiqamiz. Biz doimo tarkibni kuchaytirish imkoniyatlarini qidiramiz. Agar buning uchun ba'zi o'yinchilar ketishi va boshqalari kelishi kerak bo'lsa, biz bu variantni ko'rib chiqamiz. O'ylaymanki, transfer faolligi va o'yinchilarning harakati hozir futbolning tabiiy qismiga aylandi.

Richard Garlik Mayls Lyuis-Skelli haqida:

Albatta, uning atrofida mish-mishlar bo'lishi mumkin. Men boshqa klublar tomonidan bo'lishi mumkin bo'lgan qiziqishlarga izoh bermoqchi emasman, lekin biz Maylsdan va uning klubdagi hozirgi holatidan juda mamnunmiz.

Yana bir maqola shu mavzuda tanishib chiqish uchun. Bularning barchasi samaradorlikni oshirish va klub o'sishini qo'llab-quvvatlash maqsadida amalga oshirilmoqda.

Daily Mail Sport xabariga ko'ra, BCG Amerika konsalting kompaniyasi so'nggi uch oy davomida Angliya chempioni faoliyatini tekshirmoqda. Jarayonga BCG boshqaruvchi direktori Jan-Pol Petranka rahbarlik qilmoqda. Ba'zi manbalarga ko'ra, o'tgan mavsumdagi ajoyib natijalarga qaramay, bu tekshiruv klub ofis tuzilmasi ichida bo'linishni keltirib chiqargan. "Arsenal" ichidagi manbalar BCG klub biznesini rivojlantirish, sportdagi muvaffaqiyatlardan maksimal foydalanish va yuqori natijalar davriyligini ta'minlash uchun taklif etilganini ta'kidlashmoqda. Biroq, ko'plab xodimlar qisqartirishlar muqarrar deb hisoblamoqda. Shuningdek, futbol bo'linmasiga bu o'zgarishlar ta'sir qilmasligi haqidagi qarashlar norozilik uyg'otmoqda.

BCG saytidagi ma'lumotlarga ko'ra, "Arsenal" bosh direktori Richard Garlikka hisobot beruvchi Petranka strategiya, transformatsiya va tashkiliy samaradorlik bo'yicha 20 yillik tajribaga ega. "Arsenal" izoh berishdan bosh tortdi, ammo samaradorlikni oshirish va xarajatlarni qisqartirish Petrankaning vazifalariga kirishi taxmin qilinmoqda. Ayniqsa, tijorat departamentida jiddiy xavotir kuzatilmoqda. Yozda ushbu bo'lim rahbari Jyuliyet Slot klubni tark etgandi. Ko'pchilik asosiy e'tibor mavjud hamkorlar bilan aloqalarni saqlash va yangi homiylik bitimlarini izlashga qaratilishi kerak deb hisoblaydi.

Klub xodimlaridan biri anonim tarzda shunday dedi: "Albatta, barcha o'tgan mavsumdagi muvaffaqiyatlardan xursand edi. Ammo odamlar futbol departamenti kengayib borayotgani va kutilayotgan o'zgarishlar unga umuman ta'sir qilmayotganiga e'tibor qaratishdi. Bu noto'g'ridek ko'rinadi. Futbol qismiga qancha pul sarflanayotganini hisobga olsak, ijara va to'lovlarni to'lashi kerak bo'lgan oddiy xodimlar endi o'z ish o'rinlari xavf ostida ekanligini his qilishmoqda. Hozir bu yer ishlash uchun ajoyib joy deb o'ylashingiz mumkin, lekin aslida unday emas. Agar qisqartirishlar ro'y bersa, qarorlarni rahbaringiz emas, chetdan kelgan odam qabul qilishidan ham norozilik bor".

🗣️ Richard Garlick transfer bozori haqida:

Biz doimo jamoani kuchaytirishga intilamiz. Biz shunchaki o'tirib, ish yakunlandi deb aytmaymiz.

Tarkibni kuchaytirish uchun mavjud variantlarni o'rganishda davom etamiz. Transfer oynasi yopilishiga ikki hafta qoldi. Transfer oynasi yakunida Berta uchun hali qo'l o'pib qolasizlar.