#Sesar Aspilikueta — yangiliklari

Sesar Aspilikueta kecha PFA biznes-maktabini tamomladi.

Ispaniyalik futbolchi global futbol menejmenti sohasida diplom oldi.

💙🎙️ Sesar Aspilikueta BBC Sport nashriga bergan intervyusida:

«Men faoliyatimni o'ng qanot vingeri sifatida boshlaganman, keyin Fransiyaga ko'chib o'tdim, so'ngra «Chelsi»ga o'tdim. Men yulduzli xarid emasdim. O'z yo'limni izlashimga to'g'ri keldi. Chap qanot himoyachisi, lateral, uchlikdagi markaziy himoyachi».

«Hammasi barqarorlikda edi. Formada qolish, turli murabbiylar va turli pozitsiyalarga moslashish uchun ko'p ishlashimga to'g'ri keldi».

💬 «Chelsi»dagi madaniyat va talablar haqida:

««Chelsi»ga kelganingizda, darhol klub ambitsiyalarini his qilasiz. Har uch kunda g'alaba qozonishingiz kerak. Har bir o'yin va har bir sovrin muhim ahamiyatga ega».

«Bu madaniyat meni borimni berishga majbur qildi va ayniqsa «Chelsi»ni tark etganimda, klubga bor kuchimni berganimni his qildim».

«Men «Chelsi»dan ketdim, ammo «Chelsi» abadiy qalbimda qoladi. Men har bir o'yinni kuzatib boraman va klub o'z munosib o'rniga qaytishiga umid qilaman».

💬 «Chelsi»dan kutilayotgan yuqori natijalar haqida:

«Hozir bir nechta juda kuchli jamoalar bor, futbolda esa ba'zan biroz vaqt talab etiladi. Aloqalar kerak, odamlar birga o'ynashi va bir-birini tushunishi lozim».

««Chelsi» kabi katta klubda talablar yuqori. Ammo menimcha, bu normal holat. Talablar va ambitsiyalar yuqori bo'lishi kerak, chunki «Chelsi» muxlisi sifatida gapiradigan bo'lsam, har doim klub sovrinlar yutayotganini ko'rishni istaysiz».

💬 Xabi Alonso va hozirgi jamoa haqida:

«Ishonchim komilki, Xabi [Alonso], uning shtabi va o'yinchilar yaxshi ish bajarishadi. Umid qilamanki, ular muxlislarga ko'p quvonch keltira olishadi».

💬 «Chelsi»ga qaysidir sifatda qaytish ehtimoli va muxlislar tomonidan iliq kutib olinishi haqida:

«Bu haqda bilmayman. Ammo bir kun kelib qaytaman. Rostini aytsam, butsalarni endi kiymayman».