#Todd Boehly — yangiliklari

💸 The Athletic o'z manbalariga tayanib xabar berishicha, Boehli ulushini sotib olish bo'yicha muzokaralar ikki yildan buyon davom etmoqda — bu uning Clearlake bilan munosabatlari keskin yomonlashgan davrdan boshlangan.

Boehli va Uolter o'zlarining shaxsiy aksiyalar paketini (har biri 12,8 foizdan) allaqachon 61,5 foiz ulushga ega bo'lgan Clearlake kompaniyasiga sotishadi, ammo bu jarayon vaqt talab qiladi. Hozircha hech kim shoshilmayapti.

Hujjatlarga ko'ra, Boehli va Clearlake boshqaruvda teng huquqlarga ega bo'lsa-da, klub ustidan amaliy operatsion nazorat allaqachon Clearlake qo'lida.

Egbali o'z ulushini Boehliga sotishdan mutlaqo manfaatdor emas. Aksincha, u loyihani tark etgandan ko'ra, qolgan aksiyalarni sotib olish ehtimoli yuqoriroq.

Eslatib o'tamiz, Todd Boehlining «Chelsi» direktorlar kengashi raisi sifatidagi to'rt yillik muddati 2027-yilning yozida rasman yakunlanadi va shartnomaga ko'ra, uning vorisini tanlash huquqi aynan Clearlakega tegishli.

🚨 Financial Times xabariga ko'ra, Todd Boehly va Mark Walter "Chelsi"dagi o'z ulushlarini klubning aksariyat aksiyadori bo'lgan Clearlake Capital kompaniyasiga sotish bo'yicha muzokara olib bormoqda.

Tomonlar o'rtasidagi bir necha yillik taranglikdan so'ng muzokaralar qayta tiklandi, biroq hozircha kelishuvga erishilishiga hech qanday kafolat yo'q.

The Athletic xabariga ko'ra, Todd Boehly va Mark Walter'ning "Chelsi"dagi ulushlarini sotish jarayoni har qanday holatda ham tez kechmaydi.