Andoni Iraola: «O'yin boshlanishida ayb o'zimda»

Andoni Iraolaning o'yindan keyingi fikrlari:

🛑O'yinning birinchi bo'limidan keyingi o'zgarishlar haqida

O'ylaymanki, bugun o'yin boshlanishida ayb o'zimda. Nazarimda, «Atletiko» bu mavsumda ilgari qo'llamagan strukturadan foydalandi va bu bizga to'liq kuch bilan o'ynashimizga biroz xalaqit berdi. Gol o'tkazib yuborganimizdan so'ng va bir necha daqiqalik tuzatishlardan keyin biz ancha yaxshiroq o'ynay boshladik.

Tanaffusda nimalar bo'layotganiga ta'sir o'tkazish uchun ko'proq vaqtimiz bo'ldi. Ikkinchi bo'limda, nazarimda, biz yaxshiroq jamoa edik. Futbolchilar aqlbovar qilmas xarakter ko'rsatishdi. Bundan tashqari, muxlislar ikkinchi bo'limda bizga juda katta yordam berishdi. Bilasizmi, bunday oqshomlarda sen o'z ishingni qilasan, lekin shu bilan birga lahzadan zavq ham olishing mumkin.

🛑Mak haqida

Bu Aleksisdan ajoyib gol, Domdan ajoyib gol bo'ldi. Yarim himoyachilar gol ura olishi yaxshi, chunki bizda jarima maydonchasiga tabiiy ravishda yaqinlashadigan o'yinchilar bor. Ba'zida biz struktura haqida gaplashamiz – ular o'z pozitsiyalarini saqlab qolishlari uchun – lekin bu Rayan, Soboslai va Aleksisda tabiiy ravishda sodir bo'ladi. Ular jarima maydonchasiga yaqinlashganda hujumda ham foyda ko'ra olishimiz yaxshi.

🛑Chempionlar ligasidagi ilk tajribasi haqida

Menga juda yoqdi. O'yin borishini nazorat qilayotganingda atmosfera haqida ko'p o'ylay olmaysan. Ammo ayniqsa 2:1 hisobidan keyin bizda juda yaxshi kesma bo'ldi va bir nechta vaziyat yaratdik. Biz hujum qildik va bu stadionda sezilib turdi. Hatto yakunida raqib biroz hujum qilganda, biz himoyalanishga majbur bo'ldik va o'yinchilar charchashdi. Muxlislar bizga juda yordam berishdi va men ulardan juda minnatdorman.

🛑O'z uslubini joriy etish haqida

Bugungi natijadan mamnunman, chunki o'yin boshida biz juda qiyin vaziyatga tushib qoldik, birinchi golni o'tkazib yubordik va bizda aniq reja yo'q edi, chunki ular o'yindan oldin taktik o'zgarishlar kiritishdi. O'ylaymanki, biz o'yinda hammasini yaxshi tuzatdik va bu tajriba bizga keyingi safar yordam beradi. Bizda «o'sha o'yinni eslaysizmi?» deb darhol hammasini tuzatib qo'yadigan uch yillik tajribamiz yo'q.

Hozir o'yinchilar bilan ko'p gaplashish, xatolarni tuzatish va natijalarga erishish kerak. Orqaga qaytish va o'yinlarni yutish... O'ylaymanki, to'rt o'yinda uch marta qandaydir tarzda hisobni tenglashtirishga muvaffaq bo'ldik. Bu o'yinchilar bor kuchini berayotganini, xarakter ko'rsatayotganini anglatadi va endi masala o'yinni yanada toza va aniqroq qilishda.