Bruno Gimarays «Nyukasl» bilan xayrlashdi

🗣 Bruno:

Bu hayotimdagi eng qiyin qarorlardan biri. Klubga kelganimda «Nyukasl» og'ir vaziyatda edi va biz birgalikda erishgan yutuqlarimizdan juda faxrlanaman.

Men bu joyni sevib qoldim. Birinchi kundan boshlab muxlislar, jamoadoshlarim, Eddi va uning shtabi, shuningdek, klub bilan bog'liq barcha insonlar menga va oilamga o'zimizni uydagidek his qilishimizga yordam berishdi.

PIF, klub raisi Yasir Al-Rumayyan va Jeymi Rubenga men va «Nyukasl» uchun qilgan barcha ishlari uchun minnatdorchilik bildiraman. Shuningdek, butun jarayon davomida menga ko'rsatgan ulkan hurmati uchun Devid va Rossga rahmat aytmoqchiman. Ular meni klubda saqlab qolish uchun qo'llaridan kelganini qilishdi va biz birga o'tkazgan vaqt uchun juda minnatdorman.

Bu o'tish men uchun juda og'ir kechmoqda, chunki «Nyukasl» men uchun juda ko'p narsani anglatadi. Ammo men hayotimda yangi narsalarni sinab ko'rmoqchi edim. O'zim va oilam uchun yangi chaqiriqqa tayyor ekanimni his qilyapman. Mattias Yayssle bilan juda ijobiy suhbat o'tkazdim va klub ishonchli qo'llarda ekanini bilgan holda ketyapman.

Muxlislarga qancha rahmat aytmayin, baribir kamdek tuyuladi, lekin buni chin qalbimdan aytaman. Men har doim ushbu klub tarixining bir qismi bo'lganimdan faxrlanaman. Hammasi uchun rahmat.