Erik ten Xag iste'fosi va klub rahbariyati haqida gapirdi
Манчестер Юнайтед ↗ ●●●●○ Matbuot 👁 34

Erik ten Xag iste'fosi va klub rahbariyati haqida gapirdi

Erik ten Xag — o'zining ishdan bo'shatilishi, rahbariyatning bajarilmagan va'dalari va Jim Retkliff haqida:

Barcha ko'rsatkichlar biz to'g'ri yo'nalishda ketayotganimizni ko'rsatardi. Ha, "Liverpul" va "Tottenxem"ga qarshi ikkita muvaffaqiyatsiz o'yin bo'ldi (ikkalasi ham 0:3), ammo jarayon endigina boshlanayotgan edi. Jamoa asta-sekin kuchayib borayotgandi.
Bahslashish mumkin, lekin men futbolchilar har bir uchrashuvda bor kuchini berayotganini ko'rdim.
"Vest Xem"ga qarshi so'nggi o'yin umuman men qo'l ostimdagi eng yaxshi o'yinlardan biri edi. Biz g'alabaga loyiq edik.
Biroq, o'ylashimcha, meni ishdan bo'shatish qarorini oldindan qabul qilishgan. Ehtimol, klub ichidagi ba'zi odamlar bu haqda rasmiy e'londan oldin ham bilishgan.
Shartnoma yakuniga bir yil qolganida, ishimizni birgalikda davom ettirishimiz uchun kelishuvni yana bir mavsumga uzaytirishni so'ragandim.
Rahbariyat ishonch, qo'llab-quvvatlash va ochiq muloqotni va'da qilgandi. Biz mavjud muammolarni muhokama qildik, ammo yakunda ular o'z majburiyatlarini bajarmadilar.
Karringtondagi birinchi uchrashuvda Retkliff klub tuzilmasini o'zgartirish va menejerni oddiy bosh murabbiyga aylantirish haqida gap ochdi. Men buni muhokama qilishga tayyor edim, lekin shartnomamda boshqa vakolatlar ko'zda tutilganini eslatdim. Shundan so'ng suhbatning davomi bo'lmadi.
Shu bilan birga, jurnalistlar doimiy ravishda mendan yangi tuzilma haqida so'rashardi. Men har doim falsafa, o'yin uslubi va tarkibni shakllantirish ustida birgalikda ishlash tarafdori bo'lganman. Ammo bu rahbariyat bilan to'liq muloqot o'xshamadi.
Ulashish

Izohlar (0)

Hozircha izoh yo'q. Birinchi bo'lib fikr bildiring!