Joze Mourinyo: Bernardo jismoniy holati yomon

Joze Mourinyo "Ferensvarosh"ga qarshi o'rtoqlik uchrashuvidan so'ng o'z fikrlari bilan o'rtoqlashdi.

"Ferensvarosh"ga bugungi o'yin uchun minnatdorchilik bildiraman. Biz juda yaxshi o'rtoqlik uchrashuvini o'tkazdik.

"Madrid"ning birinchi bo'limdagi o'yini menga ikkinchisidan ko'ra ko'proq yoqdi. Bu ajablanarli emas, chunki birinchi bo'limda maydonda biz uzoqroq vaqt birga ishlagan va bir nechta o'yin o'tkazgan futbolchilar harakat qilishdi. Bugun biz yanada jipslashgan holda o'ynadik va o'yin borishini nazorat qildik.

Eng muhimi — nafaqat hammasini to'g'ri bajarish, balki o'sishga erishish uchun futbolchilar bilan birga tahlil qilish imkonini beradigan xatolarga yo'l qo'yishdir.

Vinisiusmi? U "Madrid" bilan shartnomasini uzaytirdi va bu eng muhimi. Klub bilan yangi bitim imzolash ham Vinisiusni, ham barchamizni xursand qildi.

Vinisius jamoa bilan juda kam mashg'ulot o'tkazdi. Men bugun u to'pni nazorat qilib, gol urish uchun 50 metr yugurishini kutmagandim. Ta'tildan so'ng uning oyoqlari hali ham charchagan.

"Deportivo"ga qarshi o'yinda Vinisius yaxshiroq formada bo'ladi, "Shalke" bilan o'yinga esa u yanada yaxshiroq jismoniy holatda yetib keladi.

Bernardu — biz uchun juda muhim futbolchi. Ammo u, bechora, ta'tilga chiqqanda hech qanday mashg'ulotlarsiz to'liq dam olishni yaxshi ko'radi. Shu sababli Bernardo "Madrid" ixtiyoriga odatdagidan ko'ra yomonroq jismoniy holatda qaytdi. Endi u jiddiy ishlashi kerak.

Qanday bo'lmasin, Bernardo 3-4 ta pozitsiyada o'ynay oladi va bu har qanday murabbiy uchun juda yaxshi. Ayniqsa, bizning ixtiyorimizda atigi 20 nafar futbolchi va bir nechta jarohat olganlar bo'lganida.