KMI komissiyasi Gabriel va Martines o'rtasidagi bahsli vaziyat yuzasidan qaror chiqardi

Rasman: KMI komissiyasi "Arsenal" — "Chelsi" uchrashuvidagi epizoddan so'ng Gabrielni qo'llab-quvvatladi.

Rikkardo Kalafyori urgan gol ofsayd sabab bekor qilindi, Kay Havertsning javob goli esa ofsayd borasidagi juda nozik vaziyatga qaramay hisobga olindi. Komissiya har ikkala qarorni 5:0 hisobida bir ovozdan qo'llab-quvvatladi.

Biroq, eng ko'p bahs-munozaralarga boshqa bir epizod sabab bo'ldi. To'p jarima maydonchasi ichida yotganida, "Arsenal" va "Chelsi"ning bir nechta o'yinchisi unga yetib olishga intildi, darvozabon Emiliano Martines esa to'pni ikki qo'li bilan egallashga harakat qildi. Gabriel to'pga oyoq bilan o'ynashga urindi va chamasi uning yuqori qismiga yengil tegdi, biroq shundan so'ng oyog'i Martinesning boshiga tegib ketdi. Kontakt natijasida to'p argentinalik darvozabonning qo'lidan chiqib ketdi.

Ueyn Runi Match of the Day efirida Gabriel chetlatishdan qutulib qolganiga "juda omadi keldi" deb aytdi:

Martines allaqachon to'pni ushlab turibdi, Gabriel esa uning boshiga tepdi. Darvozabonning qo'lida to'p bor, Gabriel oyog'ini to'pdan ancha baland ko'tarib, uning boshiga tegmoqda. O'ylashimcha, uning maydonda qolgani juda katta omad.

Eshli Yang ham u bilan rozi bo'ldi:

Men ham xuddi shunday deb o'ylayman. To'p gazonda yotgan va Martines uni qo'li bilan ushlab turgan paytda, Gabriel oyog'ini juda baland ko'taradi. VAR nima uchun normal aralashmagani va bu epizodni o'rganmaganini tushunmayapman, chunki u deyarli to'pga o'ynamayapti. O'ylashimcha, u bu vaziyatdan quruq chiqib ketdi.

Biroq, muhim o'yin epizodlari bo'yicha komissiya bir ovozdan — 5:0 hisobida Gabriel maydonda qoldirilishi to'g'ri bo'lgani haqida qaror chiqardi.

Komissiya xulosasida shunday deyiladi:

Komissiya hakamning qizil kartochka ko'rsatmaslik qarorini bir ovozdan qo'llab-quvvatladi. Gazonda bo'lgan bir nechta o'yinchi bir vaqtning o'zida erkin to'p uchun kurash olib borishdi, Gabrielning harakatlari esa tajovuzkor xulq-atvor yoki qoidalarning jiddiy buzilishi sifatida baholanmadi.