📰 Marca xabariga ko'ra, Mourinyo Vinisiusning "Espanyol"ga qarshi o'yindagi sust harakatlaridan xavotirda emas. Murabbiy braziliyalik futbolchi jismoniy holati, o'ziga bo'lgan ishonchi va jamoadoshlari bilan o'zaro tushunishni yaxshilash orqali o'yinini kuchaytirishini kutmoqda.
O'tgan uchrashuvdan so'ng Mourinyo shaxsan Vinisiusni har doim qo'llab-quvvatlashiga ishontirdi. Shu bois vinger portugaliyalik mutaxassis yangi mavsumda uning uchun "qalqon" bo'lishini biladi.
Mourinyo Vinisiusni "Madrid" uchun fundamental futbolchi deb hisoblaydi. "Qirollik klubi" ustozi tashabbusni o'z qo'liga olib, o'yin taqdirini hal qila oladigan vingerlarga muhtoj. Vinisius chap qanotdagi faol harakatlari bilan Mbappe, Bellingem va boshqa hujumkor o'yinchilar uchun bo'sh zonalarni yaratib bermoqda.
Bundan tashqari, Mourinyo raqobatbardosh, tajovuzkor va ambitsiyali "Real Madrid"ni ko'rishni istaydi. 63 yoshli mutaxassis braziliyalik futbolchi aynan shu DNKni o'zida mujassam etgan deb hisoblaydi, shu bois uning xarakteri, motivatsiyasi va jamoaning hal qiluvchi futbolchisi bo'lishga bo'lgan intilishini yuqori baholaydi.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!