Mark Nyupe: Kebbal, Mbou va Kamara yozda jamoadan ketmaydi

L'Equipe xabariga ko'ra, Parij klubi sport direktori Mark Nyupe jamoa yetakchilari qolishi haqida bayonot berdi.

Nyupe bosh murabbiy Liam Rozeniorni ishontirdi: uning rejasidagi birorta futbolchi yozgi transferlar oynasida klubni tark etmaydi.

🗣 «Bu futbolchilar bilan bog'liq vaziyat juda aniq. Ular buni bilishadi, klub ularni juda qadrlaydi va ular hech qachon ketish istagini bildirishmagan. Kebbal, Mbou va Kamara yozda ketishmaydi. Biz ular bilan birga o'sishda davom etishni istaymiz. Nkambadio haqida esa: biz u va uning agenti bilan ochiq gaplashib oldik; u yangi murabbiylar shtabi bilan tajriba orttirishni istaydi. Bizda ikkita ajoyib darvozabon bor, ular o'rtasida sog'lom raqobat mavjud. Obed yosh va u biz bilan rivojlanishda davom etishini biladi», - dedi Nyupe.