Gabriel Martinelli "Arsenal"da o'yin amaliyotiga ega bo'lmayotgani sababli, Saudiya Arabistoni klubi loyihasiga qiziqish bildirmoqda. Yozgi transfer oynasi boshida futbolchi "Galatasaroy" taklifini rad etgan edi. Hozirda braziliyalik hujumchi "Al-Hilol"ning asosiy nishoniga aylangan va u klubni tark etgan Malkomning o'rnini bosishi kutilmoqda. Avvalroq "Al-Hilol" "Bornmut" vakili Rayan bilan bog'langan, ammo rad javobini olgan edi.
Martinelli "Arsenal"ning mavsum boshidagi dastlabki ikki o'yinida qaydnomaga kiritilmadi. Shu boisdan futbolchining klubdan ketishi deyarli aniq bo'lib turibdi. Futbolchining vakillari "Al-Hilol"ga ijobiy signal berishdi va klubga "Arsenal" bilan to'g'ridan-to'g'ri muzokaralarni boshlashga ruxsat berishdi.
Martinellining "Arsenal" bilan amaldagi shartnomasi yakunlanishiga bir yil qolgan. Bu holat uning transferini osonlashtirishi mumkin. "Al-Hilol" ro'yxatida shuningdek, "Chelsi" futbolchisi Pedru Netu ham bor. Saudiya Arabistonida transfer oynasi 6-sentabr kuni yopiladi.
Fabrisio Romano xabariga ko'ra, "Al-Hilol" Martinelli borasida "Arsenal" bilan aloqalarni faollashtirgan.
Ge / Globo va Kahe Mota ma'lumotiga ko'ra, tomonlar yaqin kunlarda muzokaralar rivojlanishini kutishmoqda.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!