Napoli bosh murabbiyi Como bilan o'yin va transferlar haqida gapirdi

Hakamlik masalasi: biz o'yin to'xtalishlari kamroq bo'lgan inglizcha uslubga qarab ketyapmizmi?

Hakamlikda ijobiy o'zgarishlar bor, ayniqsa yon chiziqdan to'pni o'yinga kiritish uchun 5 soniya va burchak zarbalari uchun 7 soniyalik limit belgilangani o'yin vaqtini ko'paytirdi, aslida o'yin vaqti 5 daqiqaga uzaydi. Bu o'yinni yanada tomoshabop qiladi. Futbol — erkaklar o'yini, biz to'qnashuvlarni istisno qila olmaymiz; aynan shu narsa uni buyuk qiladi, aks holda biz kontaktsiz sport turi bilan shug'ullangan bo'lardik, lekin bu futbol bo'lmay qoladi.

Como, Inter, Arsenal... Qiyin davr, shunday bo'lishini kutganmidingiz?

Agar g'alaba qozonsak, hammasi oson bo'ladi, aks holda qiyinchiliklarga duch kelamiz. Hammasi natijaga bog'liq. Jenoa bilan ham oson bo'lmagandi, lekin biz ularga qarshi qat'iyat va xotirjamlik bilan maydonga tushdik.

Transfer bozoridan nimadir kutyapsizmi?

Menda bor tarkibdan mamnunman. Jamoaning texnik darajasini oshirmaydigan o'yinchilarni sotib olishning ma'nosi yo'q, aks holda tarkib bilan bog'liq muammolar yuzaga keladi. Men hozirgi o'yinchilarimdan qoniqish hosil qilganman.

Lang haqida nima deya olasiz?

U Jenuada o'zini yaxshi ko'rsatdi, Neres ham tiklanmoqda, Bekema jamoa bilan shug'ullanyapti. Badyashil tayyorgarlikda ortda qolmoqda va unga sport formasini tiklab olish uchun biroz vaqt kerak bo'ladi.

Como bilan o'yindagi qiyinchilik nimada?

Biz ularning kuchli tomonlarini: dribling va maydon markazidan uyushtiriladigan hujumlarini zararsizlantirishimiz kerak.

Chempionlar ligasi guruh bosqichi qur'asiga izoh bering.

Ochko jamg'arish kerak; keyingi bosqichga chiqishga yordam beradigan narsani aytish qiyin. Barcha o'yinlar murakkab. Kuchsiz jamoalar qolmadi; ularning hammasi taktik va jismoniy jihatdan yaxshi tashkil etilgan. Biz shu o'yinlar uchun yashaymiz. Arsenal haqida o'ylashga vaqtimiz bor, lekin hozir xayolimiz Como bilan o'yinda. Men hayajondaman va Maradonadagi birinchi o'yinni intiqlik bilan kutyapman.

Transferlar haqida bir-ikki og'iz so'z...

Klub transfer bozorini kuzatib bormoqda, lekin biz tarkibdan mamnunmiz. Ba'zi o'yinchilar Montsaga ketishdi, keyin Prisko Bariga o'tdi, Garofalo esa B seriyaga yo'l oldi, umumiy hisobda tarkib taxminan shunday qoladi, lekin transfer bozori — oldindan aytib bo'lmaydigan narsa. Bizda 28 yoki 29 nafar o'yinchi bor, nima bo'lishini ko'ramiz, lekin biz bor o'yinchilarga e'tibor qaratganmiz.

Xoylund va Lukka jamoa maqsadlariga erishish uchun kerakli gollarni ura oladimi?

Ular fidoyilik va o'sishga intilishni namoyish etishmoqda. Lukka Jenuadagi o'yinda yaxshi harakat qildi, har doim o'ynashga tayyor edi. Bu o'yinchilar jismoniy holati ustida ishlashi va tezlikni oshirishi kerak. Hozir hech kim eng yaxshi formada emas, shuning uchun juda aqlli o'ynashimiz kerak.

Siz va Fabregas o'rtasidagi qarama-qarshilik qanday kechadi?

O'tgan yili ba'zi narsalar yuz berdi va hozirgi bahs o'sha-o'sha qolmoqda. Bu Allegri va Fabregasning emas, balki Napoli va Comoning qarama-qarshiligi. U ham Italiyada, ham xorijda muvaffaqiyatga erisha oladigan ko'plab yosh murabbiylar kabi yaxshi mutaxassis.