Paolo Di Kanio "Inter"ning transfer siyosati va futbolchilar haqida fikr bildirdi

Paolo Di Kanio "Inter"ning transfer siyosati va ayrim futbolchilarning o'yini haqida o'z fikrlari bilan o'rtoqlashdi:

"Inter" har doimgidek juda aqlli transferlarni amalga oshirmoqda. Ular bozorni ko'p yillardan buyon o'rganib kelishadi. "Arsenal"ga qarshi o'yindan so'ng Kivu shunday degandi: "Premer-ligada sur'at boshqacha". Shundan so'ng ular Stounzni xarid qilishni boshlashdi — bu ajoyib futbolchi. U raqib maydonida o'ynashni istaydi, Akanji buni uddalaydi, Stounz esa undan ham yaxshiroq. Mavsum nuqtai nazaridan qaraganda, u kerakli daraja va tajribaga ega.

Kertis Jons "Inter"ga yetishmayotgan edi. Bu deyarli har bir o'yinda barqaror 6,5 ballik o'yin ko'rsatadigan futbolchi: unda Chalxano'g'li kabi "to'qqizlik" yo'q, lekin u hech qachon "beshlik"dan past baho olmaydi. Gollar soni kammi? Maktomineyda ham ular ko'p emasdi. Jons yosh, tetik va aniq bir loyiha uchun kelmoqda.

Spensni esa hali tarbiyalash kerak. U o'ziga ishongan, driblingga kiradi, raqibni aldashga urinadi, ammo juda tez-tez o'z jarima maydonchasida turli fintlar ishlatadi. Agar Spens o'z jarima maydonchasida bunday qiliqlarni yig'ishtirsa, u shunchaki o'ta samarali futbolchiga aylanadi".