📰 Marca xabariga ko'ra, «Bernabeu» tribunalarida Vinisiusga nisbatan norozilik kuchaymoqda. Braziliyalik futbolchi o'zining eng yaxshi sport formasidan yiroq va muxlislar sabri tugab borayotganga o'xshaydi. Kecha u to'pni yo'qotgan vaziyatlardan so'ng bir necha bor hushtakbozlik ostida qoldi.
📻 Ortego (Onda Cero jurnalisti): «Madrid»ning ayrim muxlislari Vinisiusning jamoadan ketishiga befarq qarashgan bo'lardi».
📻 A. Lopes (Onda Cero jurnalisti): «Madrid»ning ko'plab muxlislari Vinisiusga uning Alonso bilan bo'lgan mojarosini hali ham kechira olishmayapti».
M. Torres («Madrid» sobiq himoyachisi): «Vinisiusga «Madrid»da juda ko'p narsaga ruxsat berishdi. Ammo bunda faqat bitta aybdor yo'q».
📻 Erraes (Cadena SER jurnalisti): «Vinisius «Bernabeu»dagi muxlislarning ishonchini qaytadan qozonmoqchi. Ammo «Madrid»ning ko'plab muxlislari uning xarakterini yaxshi bilishadi, shuning uchun u nima qilsa ham, uni hushtakbozlik qilishda davom etishadi».
📻 Lama (Cope jurnalisti): «Vinisiusning muammosi shundaki, u hozir juda yomon formada. Uning maqomi va maoshini hisobga olsak, u «Madrid» muxlislarining talablarini juda yaxshi tushunishi kerak».
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!