Devayn Rensh uch haftaga safdan chiqdi
Devayn Rensh «Manchester Yunayted»ga qarshi o'yinda jarohat oldi va taxminan uch haftaga safdan chiqdi.
Devayn Rensh Chempionlar ligasi doirasidagi «Manchester Yunayted»ga qarshi o'yinda o'ng son mushaklaridan yengil jarohat oldi.
Sky Sport xabariga ko'ra, gollandiyalik qanot himoyachisi taxminan uch hafta maydonga tusha olmaydi.
Rensh «Old Trafford»dagi uchrashuvning 22-daqiqasidayoq maydonni tark etishga majbur bo'ldi va uning o'rniga yosh Lulli tushdi. Tibbiy ko'rik mushak jarohatini aniqladi, shu sababli futbolchi shanba oqshomida «Olimpiko»da bo'lib o'tadigan chempionatning «Sassuolo»ga qarshi o'yinini o'tkazib yuboradi.
Uning safga qaytishi terma jamoalar o'yinlari uchun tanaffusdan oldin kutilmayapti — hammasi tiklanish jarayoniga bog'liq bo'ladi.