Napoli sardori Jovanni Di Lorenso klub bilan shartnomasini 2030-yilga qadar uzaytiradi. Bu haqda taniqli jurnalistlar xabar bermoqda.
⚡️ Napoli va Jovanni Di Lorenso shartnomani uzaytirish bo'yicha kelishuvga erishdi.
🔊 Bu haqda transfer bozorini yoritib borayotgan italiyalik jurnalistlar Janluka Di Marsio va Fabrisio Romano xabar bermoqda.
🔷 Jamoa sardori klubda 2030-yilga qadar qoladi.
Kevin De Bryuyne va «Napoli» o'rtasidagi kelishmovchiliklar hamda murabbiy va direktorning vaziyatga munosabati haqida.
«Vaqt o'tishi bilan Kevin OAVda chiqqan xabarlar sabab mojarolar markazida qoldi. So'nggi voqea uning Belgiya terma jamoasi yig'inidagi so'zlari bilan bog'liq:
«Konte futbolga menikidan butunlay boshqacha qarashga ega — gapni aylantirib o'tirmayman. Men o'zimga qulay pozitsiyada o'ynay olmadim. Konte ketganidan xursandmanmi? Ha. Nazarimda, u qolmasligi kerak edi».
Belgiyalik futbolchi nafaqat Konteni, balki klubni ham tanqid qildi:
«Qolamanmi? O'yin uslubini muhokama qilish muhim deb o'ylayman. Bu yil men uchun bu prinsipial masala ekanini tushundim. O'yindan zavq olishda davom etishim kerak, afsuski, bunga biroz erisha olmadim.
Shartnomam tugashiga yana bir yil bor, lekin gaplashib olishni istayman.
O'tgan yili muayyan gaplar aytilgandi — shunday o'ynaymiz, bunday qilamiz deb, lekin amalda ko'p narsa bajarilmadi va bundan hafsalam pir bo'ldi».
Sport direktori shunday dedi:
«Rostini aytsam, uning so'zlari menga yoqmadi; biz buni keyinroq muhokama qilamiz, lekin hech qanday muammo yo'q».
Manna bilan suhbat hozircha qoldirilgan bo'lsa-da, jamoa ichidagi vaziyat og'riqli mavzu bo'lib qolmoqda. Jovanni Di Lorentso Dimarodagi matbuot anjumanida buni tan oldi:
«De Bryuyne masalasida direktorning so'zlariga ko'p jihatdan qo'shilaman: jamoa qanday o'ynashini aynan murabbiy hal qiladi; biz bir futbolchiga bog'lanib qolmasligimiz kerak».
«Napoli»ning yangi murabbiyi Massimiliano Allegri «Karrareze»ga qarshi ikkinchi o'rtoqlik o'yinidan so'ng olovga moy sepdi:
«De Bryuyne? Texnik jihatdan u juda kuchli. U keladi va o'z motivatsiyasiga ega bo'lishi kerak».
Fabrisio Romano xabariga ko'ra, «Napoli» Antonio Vergara va Jovanni Di Lorenso bilan shartnomalarni uzaytirish bo'yicha kelishuvga erishdi.
Fabrisio Romano xabariga ko'ra, «Napoli» rahbariyati hamda Antonio Vergara va Jovanni Di Lorensoning agenti Mario Juffredi muzokaralarni muvaffaqiyatli yakunlashdi.
Birinchidan, tomonlar Antonio Vergaraning maoshi borasida kelishuvga erishdilar va u klub bilan yangi shartnoma imzolaydi.
Ikkinchidan, Jovanni Di Lorenso bilan shartnomani yana bir yilga, ya'ni 2029 yilga qadar uzaytirish bo'yicha kelishuvga erishildi.
Juffredi muzokaralar o'tkazilgan «Hotel de Bonart»ni tark etar ekan, natijalardan mamnunligini yashirmadi.
ESPN jurnalisti Julen Lorensga ko'ra, Manchester Yunayted Meyson Grinvudning transferidan 35 foiz ulush oladi.
Julen Lorens, ESPN xabariga ko'ra:
Manchester Yunayted Meyson Grinvudning transfer summasidan 35 foiz ulush oladi.
Ushbu hisob-kitobga ko'ra, Atletiko Madridning 38 million funt sterlinglik taklifi Yunayted uchun sof 13,5 million funtni tashkil etadi.
Fenerbaxche taklif qilayotgan 36 million funt esa mankunianliklar uchun 12 million funt daromad degani.
Kostantino Favazuli «Napoli»ga o'tishi va kelajakdagi maqsadlari haqida Il Corriere dello Sport nashriga intervyu berdi.
Il Corriere dello Sport xabariga ko'ra, Kostantino Favazuli o'z orzulari haqida gapirib o'tdi:
Men o'z orzuimni ro'yobga chiqaryapman. Xudo xohlasa, barchasi yaxshi bo'lishini kutyapman. Bu menga juda ajoyib tuyulyapti. Men hali Allegri bilan gaplashmadim. Hali emas, lekin buni intiqlik bilan kutyapman. Men undan ko'p narsani o'rganmoqchiman. Uning futboldagi yutuqlari hammaga ma'lum deb o'ylayman. Shunchaki tayyor bo'lishim kerak.
Di Lorenso – ajoyib futbolchi va professional. Uning o'yinini kuzatib, ko'p narsani o'rganishim mumkin. Bu juda qiyin, ammo «Napoli»da, balki milliy terma jamoada ham xuddi shunday yo'lni bosib o'tish ajoyib bo'lardi, ayniqsa ular Yevropa chempionligini qo'lga kiritganini hisobga olsak. Sardor va agentim Mario menga mashg'ulotlar bazasidan videoqo'ng'iroq qilishdi. Yevropaning eng yaxshi qanot himoyachilaridan biri yonida shug'ullanish juda zo'r bo'ladi.
Biz, yoshlar, o'sishimiz kerak. Shunchaki o'ynashni boshlashimiz lozim. «Napoli» ko'plab boshqa klublar uchun namuna bo'la oladi.
Jovanni Di Lorenso "Selta" bilan o'yindan so'ng jamoaning tayyorgarligi va kelgusi mavsumdagi maqsadlari haqida gapirdi.
🎙 SKY Sport xabariga ko'ra, Jovanni Di Lorenso "Selta"ga qarshi o'yindan so'ng o'z fikrlari bilan o'rtoqlashdi:
Bu, shubhasiz, foydali bo'ldi. "Selta" bizdan ko'ra yaxshiroq formada, chunki kelasi hafta La Liga boshlanadi. Oyoqlar biroz og'ir, ammo hamma o'zini yaxshi tomondan ko'rsatdi. Biz murabbiylar shtabining g'oyalarini tobora yaxshiroq tushunib boryapmiz. O'ylaymanki, murabbiy jamoaning tayyorgarligidan mamnun va bizda yaxshi mavsum o'tkazish uchun barcha imkoniyatlar bor.
Hozir biz Kastel-di-Sangrodagi yig'inni yakunlayapmiz, keyin esa chempionat boshlanishiga tayyorgarlik ko'ramiz. Biz kuchli ekanimizni bilamiz, bir necha yildan beri birga o'ynayapmiz. Bir-birimizni yaxshi tushunamiz va munosib o'yin ko'rsatishni juda istaymiz. Hammasi qanday kechishi noma'lum, ammo biz barcha musobaqalarda yaxshi natijalar qayd etishni maqsad qilganmiz. Bu bizning vazifamiz.
Murabbiy menga o'yin tizimida taktika o'zgartirishni, "Selta"ga qarshi o'yinda ko'proq markazga siljishni aytdi.
Murabbiylik faoliyati? Hozircha bu haqda o'ylaganim yo'q, bu murakkab ish. Bu meni qiziqtiradi va o'ylab ko'rish uchun hali vaqtim bo'ladi.
Jovanni Di Lorenso «Napoli»dagi faoliyati, yangi murabbiy Allegri bilan ish jarayoni va jamoaning kelgusi mavsumdagi maqsadlari haqida gapirdi.
Dimaro shahrida Jovanni Di Lorensoning matbuot anjumani bo'lib o'tdi.
🔘 Yig'inlar qanday o'tmoqda?
«Allegri bilan o'tgan dastlabki kunlar ijobiy ruhda bo'ldi. Biz bir-birimizni yaqindan o'rganmoqdamiz. Ijobiy yondashuv bilan ishlamoqdamiz. U katta tajribaga ega va ajoyib xarakterli murabbiy. U biz bilan birga ekanligidan xursandmiz.»
🔘 Mas'uliyatni his qilyapsizmi?
«Albatta. Yubiley yilimizda muvaffaqiyatga erishmoqchimiz; yaxshi mavsum o'tkazish niyatidamiz. Bu bir-birini yaxshi tushunadigan jamoa va biz astoydil mehnat qilyapmiz.»
🔘 Allegri va Konte o'rtasidagi farq nimada?
«Har bir murabbiyning o'z g'oyalari va ish uslublari bor. Biz oldingi yillarga qaraganda to'p bilan ko'proq ishlamoqdamiz. To'p bilan ishlashni maydondagi mashqlar bilan uyg'unlashtirmoqdamiz. Mashg'ulotlar shiddatli va murabbiy texnik xatolarga yo'l qo'yishimizni istamaydi.»
🔘 Faoliyatingizni «Napoli»da yakunlashni istarmidingiz?
«Ha, istardim. Bu «Napoli»dagi sakkizinchi mavsumim va men uchun bu uy hisoblanadi. Futbolda o'zgarishlar bo'lishi mumkin, ammo men barchasidan mamnunman. Agar klub rozi bo'lsa, menda hech qanday muammo bo'lmaydi.»
"Napoli" rahbariyati Antonio Vergara va Jovanni Di Lorentso bilan shartnomalarni uzaytirish masalasida agent Mario Giuffredi bilan muzokara o'tkazadi.
Ertaga "Napoli" klubi va futbol agenti Mario Giuffredi o'rtasida uchrashuv rejalashtirilgan.
Italiyalik transfer bozori eksperti Nikolo Skira xabariga ko'ra, soat 16:00 (CET) ga belgilangan uchrashuvda klub nomidan xo'jayin Aurelio De Laurentis hamda sport direktori Jovanni Manna ishtirok etadi. Ular Antonio Vergara va Jovanni Di Lorentso manfaatlarini himoya qiluvchi agent bilan futbolchilarning shartnomalarini uzaytirish bo'yicha kelishuvga erishishga urinib ko'rishadi.
Fikr qoldirish va reaksiya uchun Telegram orqali kiring.