#Kristiano Juntoli — yangiliklari

Fabrisio Romano xabariga ko'ra, Chelsi Axanor bilan shaxsiy shartlar bo'yicha kelishuvga erishdi. ⚽️

Juntoli esa futbolchini faqat yuqori taklif bo'lgan taqdirdagina sotadi.

🗣️ "Atalanta" sport direktori Kristiano Juntoli "Manchester Yunayted"ning Ederson transferidan voz kechgani haqida gapirdi:

"Biz hayron qoldik. Ederson klubda qolganidan xursand va hozir biz yangi shartnoma ustida ishlayapmiz".

Il Romanista, Corriere dello Sport va La Repubblica nashrlarining bugungi xabarlariga ko'ra, o'yindan keyingi vaziyat shunchaki oddiy tortishuvdan ancha jiddiyroq tus olgan.

Ma'lum qilinishicha, «Atalanta» bosh direktori klub vakillari va jamoa stadionni tark etayotgan vaqtda D'Amiko bilan mojaroga kirishgan va uni «Monte-Mario» avtoturargohigacha kuzatib borgan. Ular o'rtasida keskin bahs yuzaga kelgan — Corriere dello Sport yozishicha, Perkassi tomonidan aytilgan so'zlar nafaqat «jallorossi» funksionerining kasbiy layoqatini, balki uning shaxsiy fazilatlarini ham shubha ostiga olgan. D'Amiko, mavjud ma'lumotlarga ko'ra, javob qaytarmasdan, vaziyatni yumshatishga va mojaroni to'xtatishga uringan.

Biroq voqea shu bilan yakunlanmagan. Tasvirlarga ko'ra, ish avtoturargohgacha «ta'qib» qilish darajasiga yetgan: Perkassi «Roma» sport direktori manziliga haqoratlarni davom ettirgan. Il Romanista yozishicha, «Atalanta» bosh direktoriga rafiqasi hamrohlik qilgan, og'zaki tortishuv chog'ida esa o'sha vaqtda u yerda bo'lmagan Jan Pyero Gasperini nomi tilga olingan. Vaziyat shu qadar keskinlashganki, mojaroga styuardlar va xavfsizlik xizmati xodimlari aralashishiga to'g'ri kelgan.

Ushbu voqea negizida uzoq vaqtdan beri buzilib kelayotgan munosabatlar yotibdi. D'Amiko Bergamoda to'rt mavsum ishlagan, biroq uning «Atalanta»dan ketishi rasmiy tarzda taqdim etilganidek silliq o'tmagan. Funksioner «Roma»ga o'tishni istagan, «neradzurrilar» esa sport direktori lavozimiga Krishtiano Juntolini mo'ljallab qo'yishgandi. D'Amikoning ketish jarayoni bir necha haftaga cho'zilib ketgani «jallorossi»ning transfer faoliyatini sekinlashtirgan.

Munosabatlar Bergamo va Rim o'rtasidagi boshqa aloqalar bilan ham murakkablashgan: avvaliga Gasperini bilan bog'liq tarix, keyin D'Amiko va nihoyat Marten de Ron masalasi. Bugun gollandiyalik futbolchi bo'yicha muhim tafsilot ma'lum bo'ldi: Corriere dello Sport xabariga ko'ra, aynan Gasperini o'yinchi transferini «Roma»ga o'tishini tezlashtirish uchun Luka Perkassiga shaxsan qo'ng'iroq qilgan. Bu oddiy suhbat emasdi, chunki murabbiyning «Atalanta» rahbariyati vakili bilan bo'lgan kelishmovchiliklari tarixi mavjud edi — u Luka Perkassining otasi Antonio Perkassi bilan bo'lgan munosabatlaridan farqli o'laroq.

Endilikda ish Federativ prokuratura nazoratiga o'tmoqda. Voqea sodir bo'lgan hududda inspektorlar bo'lmagan bo'lsa-da, prokuror Juzeppe Kine mavjud dalillarni o'rganishga hamda styuardlar va guvohlarni so'roq qilishga tayyor. «Roma» Perkassining xatti-harakatlarini «qabul qilib bo'lmas» deb atadi, «Atalanta» esa «jallorossi» taqdim etgan voqealar talqinini keskin rad etdi. Tomonlarning versiyalari bir-biriga zid, ammo ish «Olimpiko» stadioni yo'laklaridan chiqib, rasman sport sudloviga o'tdi.

Kristiano Juntoli «Atalanta»ning transfer siyosati, Mauritsio Sarri va klub rejalari haqida gapirdi:

«Agar kengroq qaraydigan bo'lsak, «Atalanta»ning eng katta xaridi bu Mauritsio Sarri bo'ldi, biz uni juda muhim raqibdan tortib olishga muvaffaq bo'ldik.

Keyin biz Edersonni qolishga ko'ndirdik, Gaetanoni imzoladik, chunki bizga italyan futbolini yaxshi biladigan pleymeyker kerak edi. Shuningdek, klub uchun qilgan barcha ishlaridan keyin ketishni istagan Jimsitiga ham qarshilik qilmadik.

Biz bunga tayyor edik va darhol Kristensenni taklif qildik, u 10 yoshga yoshroq, chunki biz kelajak haqida o'ylayapmiz. Loyihalar vaqt va sabr talab qiladi, ularni g'ishtin-g'ishtin qurish kerak, ammo biz transfer oynasining so'nggi daqiqalarigacha diqqatli bo'lamiz».

⏳ Juntoli falsafani o'zgartirish vaqt va sabr talab qilishini ta'kidladi:

«Eng avvalo, biz o'z o'zligimizni topmoqchimiz. «Atalanta»ning kuchi har doim buyuk mavsumlarni g'ishtin-g'ishtin qurishda bo'lgan. «Atalanta» to'qqiz yil davomida Jan Pero Gasperini qo'l ostida bo'ldi, keyin uning shogirdi Ivan Yurichni va undan keyin Raffaele Palladinoni yollashga harakat qildi, ammo Sarri futbolga butunlay boshqacha yondashuvni, xususan, uch himoyachi sxemasidan voz kechishni taklif qilmoqda. Buni klub bilan muhokama qilganimda, ular meni to'liq qo'llab-quvvatlashdi. Vaqt va sabr kerak bo'ladi, ammo biz muvaffaqiyatga erisha olishimizga ishonchimiz komil. Biz nima xohlayotganimizni bilamiz va bunga erishamiz».

🤫 Noa Lang, Assane Diao va Sebastiano Espozito haqidagi savolga Juntoli potentsial transferlar bo'yicha izoh berishdan bosh tortdi:

«Shuni aytishim mumkinki: o'ylaymanki, Raspadori, Zalevski, shuningdek, Sulemana va ShDK hech kimdan qolishmaydi. Biz qo'limizdagi o'yinchilardan mamnunmiz, shuning uchun boshqalar haqida gapirishni istamayman. Biz o'z yo'limizda davom etamiz, bu yo'l murakkab va mashaqqatli bo'lishini bilamiz».

😎 Kolashinatsning ketishi ehtimoliga kelsak, Juntoli hozircha xavotirga o'rin ko'rmayapti:

«Hozircha bizdan hech kim hech narsa so'ramadi. O'yinchilar kundalik ishlariga e'tibor qaratishgan. Keyin nima bo'lishini ko'ramiz».