#Kristof Dyugarri — yangiliklari

Jerom Roten (TV-ekspert, Fransiya terma jamoasi sobiq yarim himoyachisi):

Kilian, men seni tinchlantirib qo'yay: hech kim seni dunyoning eng yaxshi futbolchisi deb hisoblamaydi! O'tgan mavsumda sen bitta ham jamoaviy sovrin yutmading... Shuning uchun jim yur!

Nima, Mbappe'ning intervyusi haqiqatan ham jiddiy edimi?! Hazil emasmi?! Bunga javob berish kerakmi?! U bilan doim shunday holat yuz beradi... Mbappe'ning barcha gaplari oldindan o'ylangan, ayniqsa bu intervyu chiqish sanasini hisobga olsak. Kilian bunday gaplarni «Betis»ga qarshi omadsiz o'yindan keyin ham aytmoqda, lekin hech qisi yo'q... Uni faqat «Oltin to'p» qiziqtiradi.

So'nggi yillarda «Oltin to'p» sohiblari Mbappe qilayotganidek, bu sovrinni yutish istagi haqida ochiqchasiga shunchalik faol gapirishganmi?! Bir necha oy oldin uni «Bernabeu»da hushtakbozlik bilan kutib olishganini unutdingizmi?

Kristof Dyuqarri (Fransiya terma jamoasi sobiq futbolchisi):

Rotenning fikri-chi? Nega Mbappe dunyoning eng yaxshi futbolchisi bo'la olmaydi?! U o'tgan mavsum klub miqyosida 44 ta gol urdi va JCH tarixidagi eng yaxshi to'purarga aylandi. Bugun qaysi futbolchi Kilian'dan yaxshiroq ekanini ayta oladi?

Ha, Mbappe mukammal emas va u hech qanday sovrin yutmadi... Lekin «Oltin to'p» — bu individual sovrin, shuning uchun u buning uchun kurashishga haqli. Roten juda qattiqqo'l deb hisoblayman. Qolaversa, o'tgan mavsumda jamoaviy darajada barcha sovrinlarni yutgan yoki individual jihatdan yetarlicha yorqin o'yin ko'rsatgan futbolchi yo'q.

Shuning uchun Mbappe «Oltin to'p» uchun kurashda boshqa futbolchilar bilan teng imkoniyatlarga ega. U o'zini dunyoning eng yaxshisi deb hisoblashi meni ajablantirmaydi. Boshqa futbolchilarning ham o'z argumentlari bor, albatta. Har holda, Mbappe «Men hamma narsaga erishdim» demayapti. U shunchaki bu kurashdagi o'z imkoniyatlarini himoya qilmoqda.

Pikon (Relevo sobiq jurnalisti):

Hozir «Madrid» futbolchilaridan birortasi OAVga chiqib, o'z yutuqlari bilan maqtanishi kerak bo'lgan vaqt emas.

Ayniqsa, bu klubga o'tganidan beri birorta ham yirik sovrin yutmagan va transferidan biroz oldin «Madrid» 3 mavsum ichida 2 ta Chempionlar ligasi, 2 ta La Liga va Ispaniya Kubogini yutganini televizor orqali tomosha qilgan futbolchiga tegishli.

Kristof Dyugarri: «Kechirasiz, lekin men Xulian Alvares va uning atrofidagilarni ahmoq deb hisoblayman.

Qanday qilib ochiqchasiga chiqib: «Men klubdan ketmoqchiman», deb ayta oladi? Rostdan ham, u ahmoqmi yoki nima?!

Bu transferga erishishning eng yaxshi yo'li emas.

Eng yaxshisi — jim yurish.

Sukut saqla, ko'zga tashlanma va muloqotda aqlli yondashuvni qo'll.

Atrofingdagilar, xususan, PR-menejerlaring, agenting (Fernando Idalgo), senga maslahat berayotganlarning barchasi, u yerda nima qilyapsizlar? Grizmann bilan nima bo'lganini ko'rmadingizmi? Klubingiz direktorlarini bilmaysizmi? Muxlislaringizni tanimaysizmi?

Bu qanaqa ish yuritish usuli? Bu qanaqa gapirish uslubi?

Mening asosiy pozitsiyam shuki, agar futbolchi ketishni xohlasa, uni qo'yib yuborish kerak. Ketishni istagan futbolchini ushlab qolish oxir-oqibat boshqa narsadan ko'ra ko'proq muammo tug'diradi deb hisoblayman. Men prinsipial jihatdan shu fikrdaman.

Ammo hurmat ikki tomonlama bo'lishi kerak deb ham hisoblayman.

Qachonki futbolchi chiqib, ochiqchasiga «Barsa»ga o'tmoqchiman», deb aytsa va boshqalarga tupurib qo'ygandek taassurot qoldirsa, kechirasiz, lekin shartnoma hurmat qilinmayapti. Chunki hurmat ham shartnomaning bir qismi. Va u ikki tomonlama ishlashi kerak.

Futbolchi va klubning o'z majburiyatlari bor. Ammo kelishuvga erishmoqchi bo'lganingizda, qiladigan birinchi ishingiz — muxlislaringiz va klubingizni hurmatsiz qilmaslikdir.

U buni amalga oshirgan usul bilan, ochiqchasiga chiqib, bularning hammasini aytib, kechirasiz, lekin u hammasini barbod qildi. Endi bu uning o'ziga qimmatga tushadi.

Yigit endi qattiq ishlashiga to'g'ri keladi. U o'z oyog'iga katta tosh bog'lab oldi va vaziyatni o'nglash qiyin bo'ladi.

O'ylaymanki, unda buni o'nglash uchun salohiyat, iqtidor va boshqa barcha narsalar yetarli.

Ammo «Barsa — mening orzuim, Barsa u, Barsa bu», deb ochiqchasiga chiqish qanchalik katta xato edi.

Hatto bu rost bo'lsa ham, jim yur!

Bu futbolchining lageridagi ahmoqgarchilik haqida aytadigan gapim shu».