#Leganes — yangiliklari

«Real» «RB Leyptsig» bilan 19 yoshli ivuarlik vinger Yan Diomande transferi bo'yicha kelishuvga erishdi. Bitim summasi 125 million yevroni tashkil etadi, yana 15 million yevro bonus sifatida ko'zda tutilgan. Shartnoma 2033-yilning yoziga qadar mo'ljallangan.

💸 Moliyaviy tafsilotlar:

● «RB Leyptsig» Diomandeni 2025-yil yozida «Leganes»dan atigi 20 million yevroga sotib olgan edi, shartnoma 2030-yilgacha edi. Amortizatsiya yiliga 4 million yevroni (besh yilga) tashkil etadi, balans qoldig'i esa 16 million yevro. Bitimdan olingan birlamchi foyda 109 million yevroni tashkil qiladi, bonuslar faollashtirilganda hisobga olinadi.

● «Leyptsig»dan o'tish vaqtida qayta sotish foizi (sell-on clause) ko'zda tutilgan edi. Ba'zi manbalar (OneFootball) transfer summasidan 5 foiz, boshqalari esa foydadan 5 foiz deb xabar bermoqda. Birinchi holatda bu 6,3 million yevro, ikkinchisida esa 5,5 million yevroni tashkil etadi. Shunday qilib, «Leyptsig»ning sof foydasi kamida 102,7 million yevroni tashkil qiladi.

● «Real» uchun transfer yiliga 25 million yevroga tushadi (amortizatsiya maksimal besh yilga hisoblanadi, garchi shartnoma yetti yillik bo'lsa ham), bunga maosh qo'shiladi (hozircha oshkor etilmagan). Bonuslar faollashtirilganda xarajatlarga qo'shiladi.

👍 Bu davr bitimi – 19 yoshli futbolchi uchun 100 million yevrodan ortiq mablag' to'lash hech kimni ajablantirmay qo'ydi. «Leyptsig» klub tarixidagi eng yaxshi savdo operatsiyasini amalga oshirdi (bonuslarni hisobga olgan holda bir yilda +600 foiz) va yangi iqtidorlarni izlash uchun byudjetga ega bo'ldi. Joze Mourino boshchiligidagi «Real» transfer oynasining eng yaxshi lotlaridan birini – 2026-yilgi JCHda porlagan, portlovchi tezlikka ega 19 yoshli vingerini qo'lga kiritdi. Eng muhimi – «Madrid» vinger uchun kurashda «PSJ»dan ustun keldi. Tavakkalchilik yaqqol ko'rinib turibdi – asosan bitta katta mavsum o'tkazgan futbolchi uchun jami 140 million yevro to'lash salohiyatga tikilgan ulkan garovdir.

Rasman: "Real Madrid" "Leganes"ga qarshi o'rtoqlik o'yini o'tkazadi. Bahs 28-iyul kuni "qirollik klubi"ning Valdebebasdagi qarorgohida bo'lib o'tadi.

"Leganes" sobiq sardori va Yan Diomande bilan birga to'p tepgan Serxio Gonsales yosh futbolchining salohiyati haqida o'z fikrlari bilan o'rtoqlashdi:

Diomande Lamin Yamal darajasiga chiqa oladimi? Rostini aytsam, ha. Bu g'alati eshitilishi mumkin, ammo Yanning salohiyatiga qarab, u aynan shu darajada o'ynay oladi deb o'ylayman.

Lamin ancha vaqtdan beri barqaror va yuqori saviyada o'ynamoqda. Ammo Diomande o'zini ko'rsatish uchun imkoniyat olsa, u Yamal darajasiga yetib boradi va hatto undan ham o'zib ketishi mumkin. Yan aqlbovar qilmas salohiyatga ega, u fenomen va buni isbotlaydi.

Diomande faoliyatida ulkan qadamlar tashladi, endi uni yana bir katta o'tish kutmoqda ["Real Madrid"ga]. Menda faqat bitta katta savol bor: u ruhiy bosimga qanday bardosh beradi?