#Nottingham Forest — yangiliklari

Fabrisio Romano xabariga ko'ra, «Nottingem Forest» «Sporting» bilan 22 yoshli ivuarlik markaziy himoyachi Usmon Diomande transferi bo'yicha kelishuvga erishdi. Bitim summasi 40 million yevroni tashkil etadi (A Bola ma'lumotiga ko'ra, yana 5 million yevro bonuslar ko'rinishida). Shartnoma besh yilga mo'ljallangan. Tibbiy ko'rik hafta boshida bo'lib o'tadi.

«Sporting» Diomandeni 2023-yil yanvarida Daniyaning «Midtyulland» klubidan 7,5 million yevroga sotib olgan edi. «Sporting» bu transferdan 38 million yevro foyda ko'rmoqda, «Midtyulland»ning qayta sotuvdan 20 foizlik ulushini hisobga olganda, bu summa 30,4 million yevroga tushadi.

«Nottingem» uchun transfer yiliga 8 million yevroga tushadi (besh yillik amortizatsiya) hamda futbolchining maoshi. Bonuslar faqat ular faollashganda xarajatlarga qo'shiladi.

Bu juda yaxshi kelishuv. «Sporting» yosh futbolchini rivojlantirib, katta foyda bilan sotishga muvaffaq bo'ldi. «Forest» esa himoyani bozor narxida kuchaytirib olmoqda. Ivuarli futbolchi uzoq vaqt davomida «Arsenal», «MYu» va «Real» kabi top-klublar nishonida bo'lgan, ammo «Forest» tezroq harakat qildi. Diomande «Forest» himoyasining o'ng qanoti uchun ideal figura hisoblanadi – u Murillo va Milenkovich bilan birga uchlikda o'ynashi kutilmoqda.

Ko'plab mish-mishlardan so'ng turnir rasman tasdiqlandi. 8-avgust kuni Bluenergy Stadium (Stadio Friuli) stadionida tarixda ilk bor Friuli Venezia-Giulia kubogi bo'lib o'tadi. Mini-turnirda Udinese, Barcelona va Nottingham Forest jamoalari ishtirok etadi.

Turnir uchburchak formatida o'tkaziladi va har biri 45 daqiqadan iborat uchta o'yindan iborat bo'ladi.

Uchrashuvlar jadvali:

Udinese — Nottingham Forest (20:00)

Barcelona — Nottingham Forest (birinchi o'yindan so'ng)

Udinese — Barcelona (ikkinchi o'yindan so'ng)

Agar asosiy vaqt durang bilan yakunlansa, g'olib penaltilar seriyasida aniqlanadi. Penaltilar seriyasidagi g'alaba jamoaga 2 ochko, mag'lub bo'lgan tomonga esa 1 ochko taqdim etadi. Asosiy vaqtdagi g'alaba uchun klassik tizim bo'yicha 3 ochko beriladi.

Friuli Venezia-Giulia mintaqasi prezidenti Massimiliano Fedriga turnir o'tkazilishi bo'yicha o'z fikrlarini bildirdi:

Biz birinchi Friuli Venezia-Giulia kubogini o'tkazishni faol qo'llab-quvvatladik, chunki bu turnir bizning hududni rivojlantirish bo'yicha qarashlarimizni to'liq aks ettiradi: sport, turizm va mintaqani xalqaro tadbir doirasida targ'ib qilishni birlashtirish. Biz Buyuk Britaniya va Kataloniyadan keladigan mehmonlarni samimiy kutib olamiz hamda ularni o'lkamizning go'zalligi, boy merosi va mashhur gastronomik an'analari bilan tanishtirishga tayyormiz. Umid qilamizki, ushbu sport bayrami ular uchun mintaqamizga yana tashrif buyurishga sabab bo'ladi.

Friuli-Venetsiya-Juliya mintaqaviy ma'muriyatiga yaqin manbalar xabariga ko'ra, 8-avgust kuni Udinedagi «Friuli — Bluenergy Stadium» o'yingohida bo'lib o'tadigan «Barselona» va «Nottingem Forest» ishtirokidagi FVG Cup o'rtoqlik turnirini o'tkazish uchun mintaqaviy byudjetdan taxminan 2 million yevro ajratilishi mumkin edi.

Hozircha aniq summa rasman oshkor etilmagan, biroq mavjud ma'lumotlarga ko'ra, aynan mintaqaviy hokimiyat «Barselona» va «Nottingem Forest»ning ushbu turnirdagi ishtirokini to'g'ridan-to'g'ri moliyalashtirmoqda.

Ushbu ma'lumot Friuli-Venetsiya-Juliya Mintaqaviy kengashida davlat mablag'larini sog'liqni saqlash, ekologik dasturlar va aholini ijtimoiy qo'llab-quvvatlash o'rniga shunday tadbirlarga sarflash maqsadga muvofiqligi borasida qizg'in bahslarni keltirib chiqardi.

Shu bilan birga, turnir o'tkazilishi mintaqa uchun katta imij effektini berishi hamda turizm va mehmonxona biznesiga ijobiy ta'sir ko'rsatishi kutilmoqda. Ayni damda 20 mingga yaqin chipta sotilgan va katta ehtimol bilan turnir uchun barcha chiptalar sotib bo'linadi.