#FC Barcelona — yangiliklari

📻 A. Romero (Cadena SER jurnalisti):

Rodrini qo'lga kirita olmaslik — Peres davridagi "Madrid"ning eng katta xatolaridan biri. Rodri uchun ustuvor variant aynan "Real Madrid"ga o'tish edi.

📻 Talavera (Cadena SER tahlilchisi):

Rodrining transfer qilinmagani "Madrid" uchun tizimli xato, chunki u jamoani kuchaytirishi aniq edi. "Madrid"ga Rodri shunchalik kerak ediki, muxlislar klub Bernardo va Kukurelyani imzolaganiga ham e'tibor berishmayapti...

📻 Valentin (Radio Marca jurnalisti):

"Madrid"da Rodrini sotib olish bo'yicha qaror qabul qilish cho'zilib ketdi, chunki uning kerakligiga shubhalar bor edi. Klub uni qo'lga kiritishni 100 foiz istayotganini ko'rsata olmadi. Keyin esa "Barselona" paydo bo'ldi va futbolchi ularning foydasiga tanlov qildi.

✔️ Rodri «Barselona» futbolchisiga aylandi.

💸 Transfer summasi: 76 million yevro (60 million yevro + 16 million yevro bonuslar). Shartnoma 2030-yilgacha mo'ljallangan.

Matteo Moretto xabariga ko'ra, «Barselona» Rodri bo'yicha muzokaralarni chorshanba yoki payshanba kunigacha yakunlashni maqsad qilgan. Klub ishni cho'zib o'tirmaslik tarafdori.

G'oya taklifni oshirish va bonuslar bilan birga 70 million yevroga yetkazishdan iborat.

📻 Cope xabariga ko'ra, Rodri Pep Gvardioladan qaysi klubga o'tish bo'yicha maslahat so'ragan: «Barselona» yoki «Real Madrid».

«Manchester Siti» sobiq ustozi yarim himoyachiga kataloniyaliklar safiga qo'shilishni tavsiya qilgan. Biroq suhbat davomida Gvardiola Rodriga yakuniy qaror baribir o'zida ekanligini ta'kidlagan.

Natijada Ispaniya terma jamoasi sardori «Barselona»ga o'tishga qaror qildi, chunki uning fikricha, «ko'k-anorranglilar» o'yin uslubi unga «qaymoqranglilar» futbolidan ko'ra ko'proq mos keladi.

🚨 Xorxe Pikon xabariga ko'ra, «Barselona» Rodri transferi ustida faol ish olib bormoqda.

Kataloniya klubi futbolchiga juda manfaatli moliyaviy shartlar taklif qilgan.

Ashraf Ben Ayad xabariga ko'ra, Barselona'ning Xulian Alvares masalasidagi so'nggi umidi - bu futbolchining o'zi. Boshqa imkoniyat yo'q va hatto bu umid ham kafolatlanmagan.

Barselona'ning maqsadi shundan iboratki, Xulian klub uning uchun harakat qilganini ko'rishi kerak.

Agar sizda boshqa g'oyalar bo'lsa, hurmat bilan aytaman, siz shunchaki o'zingizni aldayapsiz.

❓PSJ siz bilan muzokaralar olib borayotgani haqida xabarlar bor. Bu borada qandaydir ma'lumot bera olasizmi?

🗣 Ferran Torres: «Sizni bunday jamoalar o'z saflarida ko'rishni istashi doim yoqimli. Yakuniy hisobda, mening «Barselona» bilan shartnomam bor. Futbolda nima bo'lishini hech qachon bilmaysiz, bu rost, ammo yaxshi tomoni shundaki, shartnomam bor ekan, men kutishim va o'zim qaror qabul qilishim mumkin».

❓«Barselona»ni yaxshi ko'rishingiz aniq va shartnomangiz ham bor. Qolishingiz uchun klub nima qilishi kerak?

❗️🗣 Ferran Torres: «Xo'sh, ularga kerakligimni isbotlashsin! Muzokaralar stoliga o'tirishsin va yakunda hammasini muhokama qilib olamiz».

Jose Feliks Dias xabariga ko'ra, Jahon chempionati vaqtida «Barselona» Laport haqida ma'lumot so'ragan. Biroq «Atletik»ning javobi qat'iy bo'lgan: futbolchining narxi 80 million yevroni tashkil qiladi.

🎙 Karim Adeyemi bilan intervyu:

❓Flik seni "Barsa"ga o'tishga qanday ko'ndirdi?

🗣 Adeyemi: "Ko'ndirish" — bu unchalik to'g'ri so'z emas. U shunchaki menga qo'ng'iroq qilib, o'tishni xohlaysanmi, deb so'radi. Men albatta, dedim, chunki bu dunyodagi eng buyuk klub va bunday imkoniyatlar hayotda bir marta bo'ladi. Uni meni ishontirishi shart emasdi. Men unga anchadan beri ishonaman va uni juda hurmat qilaman.

❓Flik sendan nimalarni kutmoqda deb o'ylaysan?

🗣 Adeyemi: Umid qilamanki, u mendagi maydonda jamoaga bera oladigan narsalarni ko'rmoqda. U meni terma jamoadan juda yaxshi biladi va biz yaqinmiz.

❓O'tmishda "Barsa"ga o'tish imkoniyati bo'lganmi?

🗣 Adeyemi: Kichik aloqalar bo'lgandi, lekin aniq hech narsa yo'q edi.

❓2025-yilgi Chempionlar ligasida "Barsa"ga qarshi o'ynagansan. Bu jamoaga qarshi o'ynash qanday tuyg'u?

🗣 Adeyemi: Uf. Bu o'ynash mumkin bo'lgan eng yaxshi o'yinlardan biri. Buyuk jamoa, buyuk klubga qarshi turasan va eng yaxshilarga qarshi o'ynaganingda doim motivatsiya yuqori bo'ladi. O'sha ikki o'yin haqiqatan ham qiyin bo'lgan, lekin biz ulardan zavq olgandik.

❓Javob o'yinida deyarli hisobni tenglashtirib qo'yayozdinglar.

🗣 Adeyemi: Sal qoldi, ha. Biroz omad kulib boqqanida yutib ketishimiz ham mumkin edi.

❓Sen hech qachon "Kamp Nou"da o'ynamagansan. Bu tajriba qanday bo'ladi deb o'ylaysan?

🗣 Adeyemi: O'ylashimcha, bu ajoyib bo'ladi. Nazarimda, u hali to'liq qurib bitkazilmagan, lekin do'stim, bu boy tarixga ega stadion va uning bir qismi bo'lish yoqimli bo'ladi.

❓Terma jamoaga qaytish istaging bor deb o'ylayman. "Barsa"dagi o'yin bunga yordam beradimi?

🗣 Adeyemi: O'ylashimcha, ha, lekin yakunda buni maydonda isbotlashim kerak. Terma jamoaga qaytamanmi yoki yo'q, buni faqat o'zim hal qila olaman. Ishonchim komilki, agar yaxshi o'ynasam, terma jamoaga chaqiruv olaman.

❓Hayoting davomida ko'rgan "Barsa" o'yinlari orasida o'ziga xos xotiralaring bormi?

🗣 Adeyemi: Ha, albatta. Eng buyuk va tarixiy o'yinlardan biri PSJga qarshi bo'lgan. O'ylashimcha, bu tarixdagi eng aqldan ozdiradigan o'yinlardan biri. Bundaylari bir nechta edi, lekin aynan shuni tanlagan bo'lardim.

❓O'zingni futbolchi sifatida qanday ta'riflagan bo'larding?

🗣 Adeyemi: Menda tezlik bor, albatta, lekin o'yinga boshqa sifatlarni ham qo'sha olaman: tezlik, yakkama-yakka vaziyatlarda o'ynash, qanotlarda harakat qilish, hujumchi pozitsiyasida o'ynash... Men o'zimni universal futbolchi deb bilaman va o'ylashimcha, aynan shu narsa meni biroz o'ziga xos qiladi.

❓Futbolni qanday boshlaganingni eslaysanmi?

🗣 Adeyemi: Ha, men Myunxenda, kichik bir klubda o'ynaganman. Eng boshidan kattaroq yigitlar bilan o'ynaganman. Ko'chada o'ynaganimda ham o'zimdan kattalar bilan to'p surardim.

❓Bir jamoada o'ynagan eng yaxshi futbolching kim?

🗣 Adeyemi: O'ylashimcha, Marko Roys eng yaxshilaridan biri edi. Tomas Myuller ham.

❓Qarshi o'ynagan eng yaxshi futbolching-chi?

🗣 Adeyemi: O'sha o'yinda u eng yaxshi sport formasida emasdi, lekin bir marta Krishtianuga qarshi o'ynaganman va u eng yaxshilardan biri.

❓Sen uchun eng yaxshisi — Messi?

🗣 Adeyemi: Albatta.

❓Futboldagi eng yaqin do'sting kim?

🗣 Adeyemi: Aytish qiyin, lekin Marko Roysni aytgan bo'lardim, bizning munosabatlarimiz yaxshi.

❓Bu mavsumdan nimalar kutyapsan?

🗣 Adeyemi: Menda bu juda yaxshi mavsum bo'lishi haqida oldindan sezgi bor, umid qilamanki, ko'plab sovrinlar bilan. Bizni buyuk ishlar kutmoqda, biz hamma narsaga erishmoqchimiz va bunga qodirmiz — buning uchun har kuni mashg'ulot qilamiz va bor kuchimizni beramiz.

❓Chempionlar ligasi finalchisi bo'lgansan. "Barsa"da revansh olishing mumkin deb o'ylaysanmi?

🗣 Adeyemi: Albatta, mening orzuim — Chempionlar ligasini yutish. Men bunga juda yaqin kelgandim, lekin afsuski, yutqazdik va bu mening orzuimligicha qolmoqda. Buning uchun har kuni mehnat qilyapman.

Jerar Romero (🌖): Xulian bilan bog'liq variant deyarli barbod bo'lgani uchun, agar uni uzil-kesil ko'milgan deb aytmasak, Xansi Flik va "Barsa" ishlayotgan nom bu - Lautaro Martines.

Bu juda murakkab operatsiya, juda murakkab, juda murakkab. Ammo ustuvorliklar ro'yxatida birinchi raqamda Xulian, keyin Lautaro va boshqa variantlar edi. Endi esa Lautaroning vaqti.

"Barsa" agar uning "Inter"dan ketishiga ozgina bo'lsa ham imkoniyat bo'lsa, so'nggi kunlarda bor kuchini ishga soladi.

Bir necha kun oldin Madridda uning vakili bilan bo'lib o'tgan uchrashuv poydevor qo'yish, real qiziqishni ko'rish va haqiqatan ham imkoniyatlar bor-yo'qligini tushunish uchun boshlanish nuqtasi bo'ldi va Lautaro "Barsa" uchun eshikni ochdi.

Shunday qilib, Xulian bilan bog'liq vaziyat qanday bo'lsa, shundayligicha qolayotgan ekan, Lautaro hozir birinchi o'rinda turibdi. So'nggi 10 kun ichida hammasi qanday yakunlanishini ko'ramiz, ammo Lautaro hozirgi vaqtda asosiy variant hisoblanadi.

❓Nega boshqa jamoani emas, aynan «Barselona»ni tanladingiz?

🗣 Rodri: «Bu yerda ekanligimdan juda xursandman. Bu faoliyatimda juda muhim yangi sahifaning boshlanishi. Bu qiyin qaror bo'ldi. Avvalo, «Manchester Siti»dan ketyapman – bu klub menga hamma narsani berdi va u yerda juda baxtli edim. Ularga cheksiz minnatdorchilik bildiraman. Shuningdek, ketish uchun to'g'ri vaqt kelganini tushunganlari uchun rahmat aytmoqchiman.

«Barselona» – buyuk klub, o'zining futbol falsafasi va qadriyatlari bilan dunyo etaloni. Boshqa imkoniyatlarim ham bor edi, lekin «Barsa» mening birinchi tanlovim edi va bu haqda Laportaga aytganman».

❓Yaqinda belingizdan operatsiya qilindingiz. Mashg'ulotlarni qachon boshlaysiz va debyutingiz qachon bo'ladi?

🗣 Rodri: «Men o'yinga tayyorman. Bu operatsiya jiddiy emasdi, ambulator jarayon bo'ldi. Umid qilamanki, ertaga jamoa bilan normal mashg'ulot o'tkaza olaman. Bu murabbiyning qaroriga bog'liq. Xansi ixtiyoriga imkon qadar tezroq kirishni istayman».

❓Xansi Flik bilan birinchi suhbat qanday o'tdi?

🗣 Rodri: «Xansi bilan gaplashdim. U o'z g'ayratini menga yuqtirdi. Uning qo'l ostida mashg'ulot o'tkazish imkoniyati meni juda ruhlantirmoqda. Uning jasur o'yin konsepsiyasi menga juda yoqadi. O'sish uchun hali imkoniyatlarim bor va bu meni yanada universal o'yinchiga aylantirishi mumkin. Deku va Joan bilan ham gaplashdim. Xansi – ochiq murabbiy, u sizdan nima kutayotganini to'g'ridan-to'g'ri aytadi. Gap, xususan, jamoaga kerak bo'lgan tajribali o'yinchi roli haqida bormoqda. Men jamoadoshlarimni o'z yondashuvim bilan ruhlantirishim va jamoaga yordam berishim kerak».

❓Jahon chempionati oldidan «Barsa»dagi jamoadoshlaringiz sizni o'tishga ko'ndirishganmi?

🗣 Rodri: «Yo'q, biz Jahon chempionatida g'alaba qozonishga e'tibor qaratgandik. Bunday paytda klublar mavjud emas, faqat terma jamoa bor. O'yin uslubi haqida hazillar bo'lgan, lekin bularning hammasi keyinroq yuz berdi».

❓Sizni Buskets bilan solishtirishadi. Bu solishtiruv sizga yoqadimi?

🗣 Rodri: «Bu haqda oldin ham aytganman. U har doim men uchun katta namuna bo'lgan. Pozitsiya va o'yin uslubi tufayli bu solishtiruvni tushunaman. Serxio bilan solishtirilishim – men uchun sharaf. Pozitsiya doirasida bizda o'xshashliklar ham, farqlar ham bor. Unga doim qoyil qolganman va terma jamoada bo'lgan vaqtimizda ko'p narsani o'rganishga harakat qilganman. Hozir u zaxira jamoasida, shuning uchun u bilan tez-tez ko'rishib turamiz. U – ajoyib do'st, jamoadosh va namuna».

❓«Siti»da Alvares bilan ikki yil birga o'ynadingiz. «Barsa» uni sotib olmoqchi. U bilan yana birga bo'lishni istarmidingiz?

🗣 Rodri: «Odatda klubga tegishli bo'lmagan o'yinchilar haqida gapirishda ehtiyot bo'lishga harakat qilaman. «Atletiko»ga katta hurmatim bor, u esa «Atletiko» o'yinchisi. Xulian – ajoyib futbolchi, eng yaxshi hujumchilardan biri, shuni ayta olaman. Bizdagi o'yinchilardan mamnunman, lekin Deku va rahbariyat doimo tarkibni kuchaytirish haqida o'ylashadi, bu ularning ishi».

❓O'zingizni Bernalga ustoz sifatida ko'ryapsizmi?

🗣 Rodri: «Ha, albatta. Aytganimdek, men 30 yoshda, tarkibdagi ko'plab o'yinchilarda yo'q tajriba bilan kelyapman. Men nafaqat o'yinchi sifatida, balki jamoadoshlarimga bera oladigan narsalarim bilan ham foyda keltirish uchun kelganimni tushunishim muhim. Markning rivojlanishi ta'sirli – u og'ir jarohatdan qaytdi. Unga qo'limdan kelgancha yordam berishni va o'rgatishni istayman. Yoshlar tashqaridan kelgan va hayotiy tajribaga ega o'yinchilarni ko'rishlari va bizdan o'rganishlari muhim».

Jerar Romero xabariga ko'ra, "Barselona" Rodri uchun 60 million yevro va bonuslar to'lashga tayyor.

"Manchester Siti" dastlab 90 million so'radi, keyin esa narxni 80 millionga tushirdi. Ularning 70 millionga rozi bo'lish-bo'lmasligini ko'ramiz. Hozir tomonlar detallar ustida ishlamoqda. Rodri "kules"ga aylanishga tobora yaqinlashmoqda, shuning uchun xotirjam bo'linglar, garchi hammangiz juda xavotirda ekanligingizni tushunsam ham. Biroz xotirjamlik kerak", - deydi jurnalist.

Jerar Romero xabariga ko'ra:

Barselona hujumchi pozitsiyasidagi vaziyatni hal qilganidan so'ng, markaziy himoyachi izlashni boshlaydi.

Barselona klubi rasmiy bayonot berdi:

Barselona prezidenti va direktorlar kengashi futbolchi va klub afsonasi Lionel Messining otasi Xorxe Messining vafoti munosabati bilan chuqur ta'ziya izhor etadi hamda barcha Barselona muxlislari nomidan Messi oilasiga hamdardlik bildiradi.

Barselona Xorxe Messiga klubimizga bo'lgan sadoqati, shuningdek, o'g'li Leoning futbolchilik faoliyatidagi dastlabki qadamlari va eng yorqin yillarida bizga bildirgan ishonchi uchun minnatdorchilik bildiradi.

Oxirati obod bo'lsin.

Matteo Moretto xabariga ko'ra, «Barselona» yaqin soatlar ichida «Manchester Siti» bilan bog'lanib, o'zining ilk rasmiy taklifini taqdim etadi.

Fernando Morientes (Madridning sobiq hujumchisi):

Madridning Rodrini qo'lga kirita olmagani haqidagi xabarlar menga ahmoqona hazildek tuyuldi. Demak, Madrid uni o'z safiga qo'shib olishni unchalik ham istamagan. Chunki klub bunday bitimlarni odatda xotirjamlik bilan yakunlaydi.

📻 Valentin (Radio Marca jurnalisti):

Rodrining agenti Madrid unga yaxshi taklif qilganini aytdi. Ammo nimgadir u klub Siti'ga yaxshi taklif qilganmi yoki yo'q, buni aytmayapti. Javob esa yo'q. Chunki Madrid bir necha million tejashga urindi. Oxir-oqibat, ular masalani shunchalik cho'zib yuborishdiki, Barselona paydo bo'ldi va Rodri o'z qarorini kataloniyaliklar foydasiga o'zgartirdi. Madrid unga qiziqmaganmi? Ha, albatta (kinoya). Aynan shuning uchun klub u bilan shaxsiy shartnomani kelishib olgan edi. Hammasi oddiy: Madrid bu hikoyada qurbonga aylandi, chunki ular tavakkal qilib, bir necha million tejash ilinjida transferni yakunlashni cho'zib yuborishdi.

📰 Ronsero (AS gazetasi direktor o'rinbosari):

Rodri Barselona safiga o'tish uchun Madridga rad javobini berdi. Uning oldida eng yaxshi klub eshiklari ochilgandi, ammo u yonidan o'tib ketishni ma'qul ko'rdi. Vaqt o'tib, u qanday xatoga yo'l qo'yganini o'zi ham tushunib yetadi.

📺 Naranho (Telemadrid jurnalisti):

Vinisius bilan shartnomani uzaytirish va Diomande transferi — juda yaxshi yangiliklar. Ammo madridistlar eng ko'p aynan Rodrini kutishgandi. Agar u ommaviy axborot vositalarida tilga olingan narxga [50–60 million yevro] Barselonaga o'tib ketsa, buni tushunib bo'lmaydi.

📰 Ortega (El Confidencial jurnalisti):

Madridning muammosi Rodrini qo'ldan chiqarganida emas. Muammo shundaki, jamoada ikki mavsumdan beri o'yinni chuqurlikdan tashkil eta oladigan yarim himoyachi yo'q. Kroos ketganidan keyin tarkibda bunday profildagi futbolchi qolmadi. Aynan shu narsa yozgi transfer oynasida klubning asosiy maqsadi bo'lishi kerak edi.

🖥 The Athletic (Kortegana) | "Barselona" Rodri transferi imkoniyatini ko'rib chiqmoqda. Kataloniyaliklar allaqachon futbolchining vakillari bilan muzokaralar o'tkazishdi.

30 yoshli tayanch yarim himoyachisiga "Barselona" loyihasi ham ma'qul kelmoqda. Rodri jamoada Ispaniya terma jamoasining 8 nafar vakili borligi sababli "ko'k-anorranglilar" safida tezda moslashib keta olishiga ishonmoqda.

Shu bilan birga, "Real Madrid" hamon Rodri uchun kurashda ishtirok etmoqda.

📝 Rodra (ESPN muxbiri): "Barselona" Rodri uchun kurashga kirishdi. Shu sababli "Madrid"da yarim himoyachi klubga o'tmasligiga ishonishmoqda".

📝 Fabrisio Romano (insayder) | "Barselona" allaqachon ham Rodri, ham "Manchester Siti" bilan bog'landi. "Madrid" esa futbolchi va "shaharliklar" bilan bir necha haftadan buyon muzokara olib bormoqda. "Barselona" va "qaymoqranglilar" Rodri uchun deyarli bir xil summani to'lashga tayyor. Endi hammasi ispaniyalik futbolchining o'ziga bog'liq.

🎤 Pikon (sobiq Relevo jurnalisti): "Barselona" Rodri transferiga faol erishmoqda. Klub allaqachon Ispaniya terma jamoasi sardoriga katta taklif bilan chiqdi. Kataloniyaliklar uchun yarim himoyachini o'tishini amalga oshirish yo'lidagi asosiy muammo - uning La Ligada ro'yxatdan o'tkazilishi".

🎤 Moretto (sobiq Relevo jurnalisti): "Rodri ancha oldin "Madrid" bilan shaxsiy shartnoma shartlarini kelishib olgan edi. Ammo terma jamoadagi ko'plab jamoadoshlari uni fikridan qaytarishga urinishmoqda.

"Barselona"da "qaymoqranglilar"ning "Manchester Siti" bilan muzokaralari berk ko'chaga kirib qolganini bilishdi. Shu sababli kataloniyaliklar Rodri uchun kurashga kirishdi. Ular katta taklif berishga tayyor. Hozir Rodri "Barselona"ga o'tish imkoniyatini ko'rib chiqmoqda".

📻 Cope | "Madrid"da yana bir markaziy himoyachi va markaziy yarim himoyachi sotib olish uchun Asensio va Kamavinga bilan xayrlashish rejalashtirilgan edi. Ammo ispaniyalik va fransiyalik futbolchilar klubni tark etishni istashmayapti. Shu sababli, "qaymoqranglilar" uchun yozgi transfer oynasi yakunlangan bo'lishi mumkin".

Fernando Polo xabariga ko'ra, «Barsa» rahbariyati bir necha haftadan buyon Ferran Torresga shartnomani uzaytirish niyatida ekanini bildirib kelmoqda, biroq bu moliyaviy feyr-pley qoidalari sababli sentyabr oyida amalga oshishi kerak. Futbolchining klub unga bo'lgan ishonchini ko'rsatishi kerakligi haqidagi bayonoti klubda ajablanish uyg'otdi.

Klub o'z pozitsiyasidan bir qadam ham chekinmoqchi emas. «Barsa» unga ishonishini, ammo bu faqat belgilangan muddatlar va maosh shartlari doirasida bo'lishini aniq tushuntirmoqda.

Klub Ferranning maoshi uning tarkibdagi o'rni va murabbiy bahosiga mos keladi deb hisoblaydi, shu bois taklif etiladigan shartnomada maoshning sezilarli darajada oshishi kutilmayapti. Sport nuqtai nazaridan esa, maydondagi daqiqalar va tarkibdagi rol Xansi Flikka bog'liq.

Klubda Ferran nima uchun xafa bo'layotganini tushunishmayapti, chunki Flik uni asosiy hujumchi deb hisoblamaydi, terma jamoada ham u zaxiradan maydonga tushadi.

Agar Ferran ketishni istasa, buni o'zi so'rashi kerak. U sotib olmoqchi bo'lgan klubdan taklif taqdim etishini so'rasin va «Barsa» rahbariyati buni ko'rib chiqadi. Ammo hozircha bunday taklif kelib tushmagan va u umuman kelishiga shubha qilayotganlar ham bor. Gap shundaki, «Barsa»da Ferran shunchaki shartnomani foydaliroq shartlarda uzaytirish uchun o'zini ko'rsatmoqchi bo'layotganini istisno qilmaydigan nufuzli shaxslar bor.

Ispaniya Superkubogi-2026 yarim finalida «Real Madrid» «Real Sosedad»ga qarshi maydonga tushadi. Ikkinchi yarim finalda esa «Barselona» «Atletiko» bilan kuch sinashadi.

Marca xabariga ko'ra, Ispaniya Superkubogi-2026 musobaqasini Qatarda o'tkazish masalasi so'roq ostida qolmoqda.

Turnir katta ehtimol bilan fevral oyining birinchi haftasida AQSH, Meksika, Xitoy yoki Misrda tashkil etilishi mumkin. Biroq, musobaqa o'tkaziladigan joy bo'yicha yakuniy qaror hali qabul qilinmagan.