Marca xabariga ko'ra, «Real» ushbu transfer oynasida boshqa bitimlarni amalga oshirishni rejalashtirmayapti.
⚽️ Marca xabariga ko'ra, «Real» ushbu transfer oynasida boshqa bitimlarni amalga oshirishni rejalashtirmayapti.
Yangi xaridlar bo'lmaydi, faqat favqulodda holatlar — to'satdan ketish yoki jiddiy jarohatlar bundan mustasno.
Ispaniyalik jurnalistlar "Real Madrid"ning Rodrini o'z vaqtida qo'lga kirita olmaganini klub tarixidagi eng katta xatolardan biri deb atashdi.
📻 A. Romero (Cadena SER jurnalisti):
Rodrini qo'lga kirita olmaslik — Peres davridagi "Madrid"ning eng katta xatolaridan biri. Rodri uchun ustuvor variant aynan "Real Madrid"ga o'tish edi.
📻 Talavera (Cadena SER tahlilchisi):
Rodrining transfer qilinmagani "Madrid" uchun tizimli xato, chunki u jamoani kuchaytirishi aniq edi. "Madrid"ga Rodri shunchalik kerak ediki, muxlislar klub Bernardo va Kukurelyani imzolaganiga ham e'tibor berishmayapti...
📻 Valentin (Radio Marca jurnalisti):
"Madrid"da Rodrini sotib olish bo'yicha qaror qabul qilish cho'zilib ketdi, chunki uning kerakligiga shubhalar bor edi. Klub uni qo'lga kiritishni 100 foiz istayotganini ko'rsata olmadi. Keyin esa "Barselona" paydo bo'ldi va futbolchi ularning foydasiga tanlov qildi.
Real Madrid klubi stadionning tashqi fasadiga o'rnatilgan "Bernabeu" yozuvining yoritilishini sinovdan o'tkazdi.
Ijtimoiy tarmoqlarda tarqalgan xabarlarga ko'ra, kecha oqshomda "Real Madrid" klubi stadionning tashqi fasadiga o'rnatilgan "Bernabeu" yozuvining yoritilishini sinovdan o'tkazdi. 🏟
Jurnalist A. Esteban xabariga ko'ra, Joze Mourinyo «Real»ning mavsumoldi tayyorgarligidan qoniqish hosil qilgan.
📰 A. Esteban xabariga ko'ra: «Mourinyo «Real»ning mavsumoldi tayyorgarligidagi o'yinidan mamnun. Jamoa mavsumdagi ilk rasmiy o'yinini «Espanyol»ga qarshi o'tkazadi (22.08).
Murabbiy jamoa jiddiy o'sishga erishganini va bu o'zgarishlar yangi mavsum boshlanishi bilan yanada yaqqolroq ko'rinishini ta'kidlamoqda.
Jurnalist B. Fernandes Mourinioning «Real» futbolchilariga singdirmoqchi bo'lgan DNK haqida fikr bildirdi.
Jurnalist B. Fernandes Mourinioning «Real» futbolchilariga singdirmoqchi bo'lgan DNK haqida fikr bildirdi:
⚪ Intensivlik;
⚪ Klub gerbiga sadoqat. Murabbiy avvalroq aytganidek, «Real» uchun mehnat qilish;
⚪ Jangovar ruh va jamoaviy o'yin;
⚪ Matonat va fidoyilik
«Santyago Bernabeu» stadioni tashqi fasadiga «Bernabeu» nomini o'rnatish ishlari qanday ketayotganini ko'rishingiz mumkin.
🏟 «Santyago Bernabeu» stadioni tashqi fasadiga «Bernabeu» nomini o'rnatish ishlari qanday ketayotganini ko'rishingiz mumkin.
Cope xabariga ko'ra, Real Madrid yozgi transferlar oynasini yakunladi. Klub futbolchilarni tark etishga majburlamayapti.
📻 Cope xabariga ko'ra, Madrid klubi manbalari hozirgi tarkibdagi futbolchilarning hech biri jamoadan ketishni istamayotganini ma'lum qilgan.
Madrid rahbariyati ham futbolchilarni, ayniqsa jarohat olgan o'yinchilarni jamoadan ketishga majburlamayapti.
Shu sababli, "qaymoqranglilar" uchun yozgi transferlar oynasi yopildi.
Ispaniya Superkubogi bahslari Istanbul shahrida bo'lib o'tadi. Turnirda Barselona, Atletiko, Real va Real Sosedad jamoalari ishtirok etadi.
Ispaniya Superkubogi Istanbulda bo'lib o'tadi.
"Barselona", "Atletiko", "Real" va "Real Sosedad" ishtirokidagi o'yinlar 2-fevraldan 7-fevralga qadar davom etadi.
AS jurnalisti A. Ruis "Real Madrid"ning mavsumoldi o'yinlaridagi darajasini keskin tanqid qildi.
📰 AS jurnalisti A. Ruis "Real Madrid"ning mavsumoldi tayyorgarligi haqida o'z fikrlarini bildirdi:
"Madrid"ning mavsumoldi o'yinlaridagi darajasi shunchaki yomon! Tushunaman, mavsumoldi o'yinlari va rasmiy mavsum — bular ikki xil narsa, shuningdek, barcha futbolchilar jamoa bilan birgalikda ishlashni boshlashi kerak... Ammo "Madrid"da yirik transferlarsiz hal qilib bo'lmaydigan muammolar bor".
Cadena SER xabariga ko'ra, "Real Madrid" yozgi transfer oynasi yopilgunga qadar yangi futbolchilar bilan shartnoma imzolashi mumkin.
📻 Cadena SER xabariga ko'ra, "Real Madrid" uchun yozgi transfer oynasi hali yakunlangani yo'q. Agar bozorda munosib variant paydo bo'lsa, klub yangi futbolchi bilan shartnoma imzolashga urinib ko'radi.
"Qirollik klubi"ning asosiy maqsadi — chap oyoqda o'ynaydigan markaziy himoyachi va tayanch yarim himoyachisini tarkibga qo'shib olish.
AS nashri xabariga ko'ra, "Real Madrid" yozgi transferlar oynasida hali ishlarni yakunlamadi. Klub tarkibda o'zgarishlar amalga oshirishi mumkin.
📰 AS xabariga ko'ra, "Real Madrid" uchun yozgi transferlar oynasi hali yakuniga yetgani yo'q.
Klub yozgi transferlar davomida yangi futbolchilarni tarkibga qo'shib olishi yoki aksincha, ayrim o'yinchilar bilan xayrlashishi mumkin.
Cope xabariga ko'ra, Rodri «Barselona» yoki «Real Madrid» tanlovi bo'yicha Pep Gvardioladan maslahat so'ragan.
📻 Cope xabariga ko'ra, Rodri Pep Gvardioladan qaysi klubga o'tish bo'yicha maslahat so'ragan: «Barselona» yoki «Real Madrid».
«Manchester Siti» sobiq ustozi yarim himoyachiga kataloniyaliklar safiga qo'shilishni tavsiya qilgan. Biroq suhbat davomida Gvardiola Rodriga yakuniy qaror baribir o'zida ekanligini ta'kidlagan.
Natijada Ispaniya terma jamoasi sardori «Barselona»ga o'tishga qaror qildi, chunki uning fikricha, «ko'k-anorranglilar» o'yin uslubi unga «qaymoqranglilar» futbolidan ko'ra ko'proq mos keladi.
Jurnalist B. Fernandesning xabar berishicha, Jose Mourinho «Real» futbolchilaridan mashg'ulotlardan so'ng bazada birga tushlik qilishni talab qilgan.
📰 B. Fernandes xabariga ko'ra: "Mourinho «Real» futbolchilaridan mashg'ulotlardan so'ng Valdebebasdagi klub bazasida doimo birga tushlik qilishni so'radi.
Murabbiy haqiqatan ham jipslashgan jamoa yaratmoqchi, unda barcha futbolchilar va xodimlar jarayonga jalb qilingan hamda bir to'lqinda bo'lishadi".
Rodrining transferi nega amalga oshmadi? Madrid klubi atrofidagi vaziyat va ekspertlarning fikrlari bilan tanishing.
Fernando Morientes (Madridning sobiq hujumchisi):
Madridning Rodrini qo'lga kirita olmagani haqidagi xabarlar menga ahmoqona hazildek tuyuldi. Demak, Madrid uni o'z safiga qo'shib olishni unchalik ham istamagan. Chunki klub bunday bitimlarni odatda xotirjamlik bilan yakunlaydi.
📻 Valentin (Radio Marca jurnalisti):
Rodrining agenti Madrid unga yaxshi taklif qilganini aytdi. Ammo nimgadir u klub Siti'ga yaxshi taklif qilganmi yoki yo'q, buni aytmayapti. Javob esa yo'q. Chunki Madrid bir necha million tejashga urindi. Oxir-oqibat, ular masalani shunchalik cho'zib yuborishdiki, Barselona paydo bo'ldi va Rodri o'z qarorini kataloniyaliklar foydasiga o'zgartirdi. Madrid unga qiziqmaganmi? Ha, albatta (kinoya). Aynan shuning uchun klub u bilan shaxsiy shartnomani kelishib olgan edi. Hammasi oddiy: Madrid bu hikoyada qurbonga aylandi, chunki ular tavakkal qilib, bir necha million tejash ilinjida transferni yakunlashni cho'zib yuborishdi.
📰 Ronsero (AS gazetasi direktor o'rinbosari):
Rodri Barselona safiga o'tish uchun Madridga rad javobini berdi. Uning oldida eng yaxshi klub eshiklari ochilgandi, ammo u yonidan o'tib ketishni ma'qul ko'rdi. Vaqt o'tib, u qanday xatoga yo'l qo'yganini o'zi ham tushunib yetadi.
📺 Naranho (Telemadrid jurnalisti):
Vinisius bilan shartnomani uzaytirish va Diomande transferi — juda yaxshi yangiliklar. Ammo madridistlar eng ko'p aynan Rodrini kutishgandi. Agar u ommaviy axborot vositalarida tilga olingan narxga [50–60 million yevro] Barselonaga o'tib ketsa, buni tushunib bo'lmaydi.
📰 Ortega (El Confidencial jurnalisti):
Madridning muammosi Rodrini qo'ldan chiqarganida emas. Muammo shundaki, jamoada ikki mavsumdan beri o'yinni chuqurlikdan tashkil eta oladigan yarim himoyachi yo'q. Kroos ketganidan keyin tarkibda bunday profildagi futbolchi qolmadi. Aynan shu narsa yozgi transfer oynasida klubning asosiy maqsadi bo'lishi kerak edi.
AS jurnalisti R. Martin "Real Madrid"ning yarim himoyachi transferi borasidagi siyosatini tanqid qildi.
📰 R. Martin (AS jurnalisti):
Kroos ketganidan keyin "Madrid"da yangi yarim himoyachi sotib olmasdan ham ishni eplasa bo'ladi, deb qaror qilishdi. 2024-yil yozida bu qaror dadil qadamdek ko'ringandi.
2024/25-yilgi mavsum yakunlariga ko'ra, klub yana o'sha uslubdagi futbolchini xarid qilmadi. Bu qarorni allaqachon xavfli deb hisoblash mumkin edi.
Biroq, agar shu yozda ham "Real Madrid" yarim himoyachi sotib olmasa, bu klub rahbariyatining qarori emas, balki beparvoligi bo'ladi.
«Rasing»ning yosh iqtidori Serxio «Barselona» va «Real»ning transfer nishoniga aylandi.
«Rasing»ning yana bir yosh iqtidori top-klublar eʼtiboriga tushdi. Xabarlarga koʻra, «Barselona» va «Real» Serxioni aynan shu transfer oynasida oʻz safiga qoʻshib olishni istamoqda. ☄️
"Real Madrid" OAV uchun cheklovlarni kuchaytirdi: endilikda jurnalistlar yangi futbolchilarning taqdimot marosimlariga kiritilmaydi.
❌ "Real Madrid" ommaviy axborot vositalari uchun cheklovlarni kuchaytirishda davom etmoqda. Avvalroq klub Movistar va DAZN telekanallariga "Santyago Bernabeu" stadionida o'yin oldidan dasturlar o'tkazishni taqiqlagan edi, endilikda esa jurnalistlar yangi futbolchilarning taqdimot marosimlarida ham ishtirok eta olmaydilar.
Shu bilan birga, muxlislar marosimlarni "Real Madrid"ning rasmiy kanali orqali bepul kuzatib borishlari mumkin.
Jose Mourinyo boshchiligidagi Real Madridning yangi o'yin uslubi va mashg'ulot jarayoni haqida jurnalistlar va The Athletic nashri fikrlari.
📰 Forxanes (AS jurnalisti):
Real Madrid Mourinyo qo'l ostida maydonda yaxlit jamoa kabi ko'rinmoqda: ishonchli, mehnatkash, himoyaga ko'proq e'tibor qaratadigan va hujumda to'g'ridan-to'g'ri o'yin ko'rsatadigan jamoa. Joze bunga futbolchilar bilan ko'plab video tahlillar o'tkazish yoki Alonso foydalanadigan boshqa zamonaviy usullar orqali emas, balki aniq g'oyalar va ularni o'zining kuchli shaxsiyati bilan uyg'unlashtirib, hayotga tatbiq etish orqali erishdi.
🖥 The Athletic: Mourinyo Madrid yig'inlarida juda talabchan bo'ldi. Shu sababli, jamoa kuniga ikki mahal mashg'ulot o'tkazdi. Madrid murabbiylar shtabidagi manbalarning ta'kidlashicha, ba'zida futbolchilar o'rtoqlik o'yinlarida aynan mashg'ulotlardagi katta yuklamalar tufayli charchagan ko'ringan.
📰 R. Martin (AS jurnalisti):
Real Madrid himoyadan to'p bilan chiqish va yuqori pressing ustida qattiq ishlamoqda. Mourinyo ushbu jihatlarni jamoa uchun hayotiy muhim deb hisoblaydi.
AS gazetasi direktor o'rinbosari Ronsero Mourinyoning «Real»dagi taqdimoti nima uchun o'tkazilmaganini tushuntirdi.
📰 AS gazetasi direktor o'rinbosari Ronsero Mourinyoning «Real» bosh murabbiyi sifatidagi taqdimoti nima uchun o'tkazilmaganiga izoh berdi:
Mourinyo o'z shaxsiga bo'lgan e'tibor qanchalik katta rezonans keltirib chiqarishini yaxshi biladi. Shu bois, vazminroq ommaviy obraz tanlashi unga klubdagi ilk faoliyati davrida yo'l qo'ygan xatolaridan qochishga yordam beradi. Bu ayniqsa, Joze «Real Madrid»ni tark etgan 2012/13-yilgi mavsumga tegishli.
Mourinyo media sohasida imkon qadar vazmin bo'lishni istaydi. Hozircha esa buni a'lo darajada uddalamoqda: u xotirjamlik bilan o'yinlarga tashrif buyurmoqda, klub matbuot xizmatiga qisqa intervyular bermoqda va stadionni tark etmoqda.
Shu bilan birga, parda ortida Mourinyo avvalgidek talabchanligicha qolmoqda. U har bir detallga e'tibor qaratib, o'yinlarga tayyorgarlik ko'rmoqda va barcha futbolchilarni o'yin tonusida ushlab turibdi.
The Athletic nashrining yozishicha, Real Madrid tarkibni ispaniyalik futbolchilar bilan kuchaytirishni maqsad qilgan. Espi transferi qanday amalga oshdi?
The Athletic xabariga ko'ra, Madrid klubi kelajakda tarkibni ispaniyalik futbolchilar bilan to'ldirishni rejalashtirmoqda. Espi klubning ushbu siyosatiga juda mos keladi, shu sababli ham u jamoaga olib kelindi.
Qizig'i shundaki, Espi transferi bo'yicha muzokaralar davomida Madrid rahbariyati barcha tomonlardan maksimal darajada ehtiyotkor bo'lishni so'ragan. Hatto futbolchining otasi ham o'g'lining transferi haqida oila a'zolariga hech narsa aytmagan.
Shu sababli, tomonlar o'rtasidagi muzokaralar so'nggi daqiqalargacha sir saqlangan.
Angliya Premer-ligasining ko'plab jamoalari Espiga qiziqish bildirgan edi. Biroq 21 yoshli ispaniyalik futbolchi Madrid klubi u bilan bog'langach, darhol ularning taklifini qabul qilishga qaror qildi. Mourinyuning futbolchiga qilgan qo'ng'irog'i transferda hal qiluvchi rol o'ynadi.
Shu bois, Espining yaqinlari uning yangi jamoaga oson moslashib ketishiga ishonishmoqda.
Diario AS xabariga ko'ra, Real Madrid mashg'ulotlar jadvalini o'zgartirib, kuniga ikki mahal mashg'ulot o'tkazishga o'tdi.
Diario AS xabariga ko'ra, jamoa endilikda kuniga bir emas, ikki mahal mashg'ulot o'tkazmoqda.
Mashg'ulotlar bazasida eng ko'p eshitilayotgan so'zlar esa «ko'proq intensivlik» bo'lmoqda. 🔥
«Real Madrid» o'z stadioni «Santyago Bernabeu»ning tashqi fasadiga nomni o'rnatish ishlarini davom ettirmoqda.
🏟 Ijtimoiy tarmoqlarda tarqalgan ma'lumotlarga ko'ra, «Real Madrid» stadion tashqi fasadiga «Bernabeu» nomini o'rnatish bo'yicha ishlarni qayta boshladi. Ushbu jarayon deyarli bir yil avval boshlangan edi.
Ispaniya Superkubogi bahslari fevral oyida Turkiyaning Istanbul shahrida tashkil etiladi.
✔️ Ispaniya Superkubogi fevral oyida Istanbulda bo'lib o'tadi.
The Athletic xabariga ko'ra, Real Madrid tarkibni sotuvlar hisobiga bo'shatmasa, yozda boshqa transferlar amalga oshirmaydi.
The Athletic (Kortegana) xabariga ko'ra, Madrid klubining pozitsiyasi aniq: agar tarkibni sotuvlar hisobiga bo'shatishning imkoni bo'lmasa, yozda boshqa transferlar amalga oshirilmaydi.
Rahbariyat tarkib to'liq shakllangan deb hisoblamoqda, chunki ro'yxatda 25 nafar futbolchi bor va har bir pozitsiyaga ikki nafardan o'yinchi to'g'ri keladi.
Real Madrid transfer bozori va jamoaning kelgusi rejalari haqida turli manbalardan olingan ma'lumotlar.
📰 Marca: "Madrid" tarkibni 95 foizga shakllantirib bo'lgan deb hisoblamoqda. Klub transfer oynasi yopilgunga qadar faqat amaldagi futbolchilar sotilsa yoki jiddiy jarohatlar yuz bergandagina bozorga chiqishi mumkin.
📰 AS: Ayni damda "Madrid" yangi yarim himoyachi xarid qilishni rejalashtirmayapti. Marko Asensio ketgan taqdirda, "qaymoqranglilar" uchun yarim himoyachidan ko'ra markaziy himoyachi sotib olish ehtimoli yuqoriroq.
🖥 The Athletic (Kortegana): "Madrid" yangi yarim himoyachi olmoqchi emas. Klub yarim himoyadagi muammolarni hal qilish uchun "Kastilya" futbolchisi Pitarchani ko'rib chiqmoqda.
"Madrid" manbalarining ta'kidlashicha, klub bozorda rad etib bo'lmaydigan darajada ajoyib imkoniyat paydo bo'lgandagina yana bir transferni amalga oshirish masalasini ko'rib chiqadi.
📻 Pereyro (Onda Cero jurnalisti): "Madrid" Smit, Uorton yoki Buaddiga qiziqish bildirmayapti.
Xose Feliks Dias ma'lumotiga ko'ra, «Real» 2025/26-yilgi mavsumda marketing, homiylik va stadion hisobiga katta daromad qildi.
💶 Xose Feliks Dias xabariga ko'ra, «Real» 2025/26-yilgi mavsumda marketing va homiylikdan 539 million yevro ishlab topdi — bu o'tgan mavsumdagiga nisbatan 6 foizga ko'p.
«Bernabeu» yana 363 million yevro daromad keltirdi, bu o'tgan ko'rsatkichdan 11 foizga yuqoridir.
Mourinho Rodri transferi amalga oshmagani uchun klub rahbariyatidan xafa emas va mavjud tarkibga ishonch bildirmoqda.
📰 B. Fernandes xabariga ko'ra:
Mourinho "Madrid" direktorlar kengashidan Rodri transferi barbod bo'lgani uchun xafa emas. Murabbiy ispaniyalik futbolchini jamoada ko'rishni istagan bo'lsa-da, uning transferi imkonsiz bo'lib chiqdi. Shu sababli bu mavzu yopildi.
Mourinho kelayotgan mavsumda hozirgi tarkib bilan ishlashga tayyor. Portugaliyalik mutaxassis mavjud futbolchilarga to'liq ishonch bildirmoqda va ularning ba'zilarini bugungi "Ferentsvarosh"ga qarshi o'yinda sinovdan o'tkazadi.
Mourinho "Madrid"dagi faoliyatidan juda xursand va muvaffaqiyatga erisha olishiga ishonadi. U qo'l ostidagi jamoa bunga qodir deb hisoblaydi.
📰 Gabilondo (AS) ma'lumotiga ko'ra:
"Real Madrid" Rodrini qo'lga kiritish uchun barcha choralarni ko'rdi. Hatto Mourinho shaxsan futbolchi bilan suhbatlashdi.
📰 R. Kanyisares (ABC) yozishicha:
"Madrid" Toni Kroos va Luka Modrichning o'rnini bosa oladigan yagona futbolchini qo'ldan chiqardi. Bu juda g'alati. Nazarimda, bizdan nimadir yashirishmoqda. Go'yoki "Madrid" Rodriga Xulian Alvaresga qiziqqanidek qiziqish bildirgan.
Marca nashrining yozishicha, "Real Madrid" yozgi transferlar oynasini yakunladi va tarkibni deyarli to'liq shakllantirib bo'ldi.
📰 Marca xabariga ko'ra, "Real" klubida yozgi transferlar oynasi yakunlangan deb hisoblanmoqda va jamoa tarkibi 95 foizga shakllantirib bo'lingan.
Vaziyat faqatgina amaldagi futbolchilardan biri uchun juda katta taklif tushgan taqdirdagina o'zgarishi mumkin. Biroq, bunday holat yuz berishi ehtimoli juda past.
Cadena SER xabariga ko'ra, «Real Madrid» jahon chempionatidan so'ng Rodri uchun juda jiddiy taklif bilan chiqqan, biroq futbolchi boshqa tanlov qilgan.
Cadena SER xabariga ko'ra, «Real Madrid» jahon chempionatidan so'ng Rodri uchun juda jiddiy taklif bilan chiqqan.
Klub qat'iy qarorga kelgan va futbolchini o'z safiga qo'shib olish uchun bor imkoniyatini ishga solgan.
Muzokaralar ijobiy ruhda o'tgan, biroq yakunda Rodri boshqa variantni tanlagan.
Vinisius Junior «Real Madrid» bilan shartnomasini 2032-yilgacha uzaytirdi.
🚨 Rasman: Vinisius Junior «Real Madrid» bilan shartnomasini uzaytirdi.
Yangi shartnoma 2032-yilning 30-iyuniga qadar amal qiladi.
Fikr qoldirish va reaksiya uchun Telegram orqali kiring.