#Toni Kroos — yangiliklari

📻 Cadena SER jurnalisti Pako Xo "Real Madrid"ning transfer siyosati haqida o'z fikrlari bilan o'rtoqlashdi:

Mening fikrimcha, ham Mourinyu, ham "Madrid" rahbariyati transfer oynasi yopilgunga qadar jamoaning markaziy chizig'ini kuchaytirishga harakat qilmasa, katta xatoga yo'l qo'ygan bo'ladi. Yoki "Real Madrid" shu yozdayoq "yangi Kroos"ni sotib oladi, yoki jamoaning yaqinlashib kelayotgan mavsumdagi yangi muammolari eski muammolar (markaziy chiziqda kreativlik yetishmasligi) bilan bir xil bo'lib chiqadi.

📻 Cadena SER jurnalisti Pulido Rodri haqida o'z fikrlarini bildirib o'tdi:

Rodri "Madrid" tarkibiga juda mos tushadi. Toni Kroos ketganidan keyin jamoaga aynan shunday futbolchi yetishmayotgandi.

📻 Onda Cero jurnalisti Serrano: "Madrid"ga "yangi Kroos" kerak. Ammo klub joriy yozda Rodrini tarkibga qo'shib olmoqchi emas va bu asr xatosi bo'lishi mumkin.

Jahon chempioni bo'lgan Ispaniya terma jamoasi aynan Rodri atrofida qurilgandi. "Madrid"ga esa aynan u kabi o'yin tempini nazorat qila oladigan futbolchi kerak.

Mundial starti arafasida "Manchester Siti" Rodrini 50 million yevroga baholagan edi. Biroq, JCHdagi yuqori saviyadagi o'yinlarini inobatga olsak, uning narxi 100 millionga ko'tariladi. "Madrid" esa Rodrini sotib olmaslik uchun aynan shu faktni bahona qiladi.

Villanueva (sport jarohatlari bo'yicha ekspert):

"Real Madrid" barcha sovrinlar uchun kurash olib borishi uchun atigi bitta transfer yetishmayapti. Rodri – ayni damda dunyoning eng yaxshi tayanch yarim himoyachisi.

Agar "Madrid"ga o'tganida, Rodri jamoaga xotirjamlik bag'ishlaydigan, o'yin sur'atini nazorat qiladigan va Kroos o'zining eng yaxshi yillarida qilganidek, o'yinga ritm bera oladigan futbolchiga aylangan bo'lardi.

Valentin (Radio Marca jurnalisti):

"Madrid"da Rodriga qiziqish yo'q, chunki unga himoyalanish qiyin. Xuddi shu muammoga avvalroq Buskets ham duch kelgan. Ammo bu ikki futbolchi o'yin jarayonini, birinchi navbatda, to'p bilan ishlash orqali boshqalardan ko'ra yaxshiroq nazorat qila oladi.

Tchuameni esa o'yinni bunday boshqara olmaydi. Biroq, unga ham o'tish fazalarida himoyalanish oson emas.

Shunga qaramay, "Real Madrid" o'z transfer siyosati bilan jamoa uslubi jihatidan Ispaniyadan ko'ra ko'proq Fransiya terma jamoasiga yaqinroq bo'lishi kerak deb hisoblayotganini namoyish etmoqda.

📰 R. Martin (AS jurnalisti):

Kroos ketganidan keyin "Madrid"da yangi yarim himoyachi sotib olmasdan ham ishni eplasa bo'ladi, deb qaror qilishdi. 2024-yil yozida bu qaror dadil qadamdek ko'ringandi.

2024/25-yilgi mavsum yakunlariga ko'ra, klub yana o'sha uslubdagi futbolchini xarid qilmadi. Bu qarorni allaqachon xavfli deb hisoblash mumkin edi.

Biroq, agar shu yozda ham "Real Madrid" yarim himoyachi sotib olmasa, bu klub rahbariyatining qarori emas, balki beparvoligi bo'ladi.

Sport jarohatlari bo'yicha ekspert Villanuevaning fikricha, Rodri hozirgi "Real Madrid" uchun ideal nomzod:

Rodri - bu hozirgi vaqtda tarkibni kuchaytira oladigan tayyor futbolchi. Uni qo'lga kiritish orqali "Real Madrid" darhol yetakchiga ega bo'ladi.

Rodri "Madrid"ning so'nggi ikki mavsum davomida o'yin qurishda duch kelayotgan muammolarini hal qilishga yordam beradi.

Rodri transferi "Real Madrid"ga yarim himoyada rotatsiyadan ko'proq foydalanish imkonini beradi. Bundan tashqari, u klubga "yangi Kroos"ni topish uchun yana 2-3 yil vaqt taqdim etadi.

"Real Madrid" klubi, prezidenti va direktorlar kengashi Ispaniya terma jamoasini JCH-2026 g'olibligi hamda mamlakat tarixidagi ikkinchi mundial zafari bilan tabrikladi.

"Shuningdek, "Real Madrid" Ispaniya Qirollik futbol federatsiyasini (RFEF) biz faxrlanadigan va juda xursand bo'lgan ispan futboli uchun tarixiy g'alaba bilan tabriklaydi.

Murabbiy de la Fuente va butun jamoani, klubimiz o'yinchisi Mark Kukurelyani, milliy terma jamoaning barcha a'zolarini va ayniqsa, ispan muxlislarini tabriklaymiz. Butun Ispaniyani tabriklaymiz!

Toni Kroos ijtimoiy tarmoqlarda: "Futbol g'alaba qozondi"