Usmon Diomande «Nottingem Forest»ga o'tmoqda
Fabrisio Romano xabariga ko'ra, «Nottingem Forest» «Sporting» himoyachisi Usmon Diomande transferi bo'yicha kelishuvga erishdi.
Fabrisio Romano xabariga ko'ra, «Nottingem Forest» «Sporting» bilan 22 yoshli ivuarlik markaziy himoyachi Usmon Diomande transferi bo'yicha kelishuvga erishdi. Bitim summasi 40 million yevroni tashkil etadi (A Bola ma'lumotiga ko'ra, yana 5 million yevro bonuslar ko'rinishida). Shartnoma besh yilga mo'ljallangan. Tibbiy ko'rik hafta boshida bo'lib o'tadi.
«Sporting» Diomandeni 2023-yil yanvarida Daniyaning «Midtyulland» klubidan 7,5 million yevroga sotib olgan edi. «Sporting» bu transferdan 38 million yevro foyda ko'rmoqda, «Midtyulland»ning qayta sotuvdan 20 foizlik ulushini hisobga olganda, bu summa 30,4 million yevroga tushadi.
«Nottingem» uchun transfer yiliga 8 million yevroga tushadi (besh yillik amortizatsiya) hamda futbolchining maoshi. Bonuslar faqat ular faollashganda xarajatlarga qo'shiladi.
Bu juda yaxshi kelishuv. «Sporting» yosh futbolchini rivojlantirib, katta foyda bilan sotishga muvaffaq bo'ldi. «Forest» esa himoyani bozor narxida kuchaytirib olmoqda. Ivuarli futbolchi uzoq vaqt davomida «Arsenal», «MYu» va «Real» kabi top-klublar nishonida bo'lgan, ammo «Forest» tezroq harakat qildi. Diomande «Forest» himoyasining o'ng qanoti uchun ideal figura hisoblanadi – u Murillo va Milenkovich bilan birga uchlikda o'ynashi kutilmoqda.
