#Oliver Glasner — yangiliklari

Sky Sports tahlilchisi Adam Beyt "Chelsi" nima uchun Maksans Lakruani tarkibga qo'shib olgani haqida fikr bildirdi:

▪26 yoshli Lakrua "Kristal Pelas"dagi ikki mavsumdan so'ng o'z faoliyatining cho'qqisida turibdi. Bo'yi 193 sm bo'lgan fransiyalik futbolchi jismoniy jihatdan juda baquvvat va Premer-liga talablariga tezda moslashib ketdi. Uning sifatlari ko'pchilikda yo'q va raqamlar buni tasdiqlaydi.

▪2024-yilda "Volfsburg"dan o'tganidan beri Lakrua Premer-liga markaziy himoyachilari orasida to'pni qaytarish bo'yicha uchinchi, to'pni olib qo'yish bo'yicha beshinchi, havodagi kurashlarda g'alaba qozonish bo'yicha yettinchi o'rinda va standart vaziyatlarda kutilgan gollar bo'yicha kuchli o'ntalikka kiradi.

▪"Birga-bir" vaziyatlarda Lakruadan o'tadigan futbolchi yo'q. U so'nggi ikki mavsumda 50 va undan ortiq shunday vaziyatga duch kelib, ko'p hollarda g'olib chiqqan va to'pni o'z jamoasiga qaytarib bergan (50.5%) Premer-ligadagi yagona o'yinchi.

▪Bundan tashqari, Lakrua Premer-liganing eng tezkor besh nafar markaziy himoyachisi qatoriga kiradi. Tezligi va birga-bir vaziyatlardagi mahorati tufayli unga ham markazda, ham qanotlarda ishonch bildirish mumkin. Bu uni raqiblar uchun eng xavfli himoyachilardan biriga aylantiradi.

▪Lakrua "Kristal Pelas"da vitse-sardor bo'lib, jamoa o'rtoqlari va muxlislarning hurmatini qozonib, yetakchilik qobiliyatini ham namoyish etdi.

U har qanday maqtovga loyiq, chunki u juda ko'p mehnat qildi, - degan edi u haqida Oliver Glasner.

Evangelos Marinakis: Jamoaga yangi bosh murabbiy kelganidan keyin o'z fikirlari bilan o'rtoqlashdi.

🎙 Oliver biz istagan murabbiy:

Oliver bilan bo'lgan suhbatlarimiz davomida biz bir xil qarashlarga, bir xil ambitsiyalarga va muvaffaqiyatga erishish uchun tinimsiz intilishga ega ekanligimiz ma'lum bo'ldi. U butun faoliyati davomida ajoyib jamoalarni shakllantirish va shiddatli raqobat sharoitida muvaffaqiyatga erishish qobiliyatini doimiy ravishda namoyish etib kelgan.

🎙 Biz kuchimizni hammaga ko'rsatishimiz kerak

Bizning maqsadimiz har doim "Nottingem Forest" ni Angliya va Yevropaning yetakchi klublari qatoriga qaytarish bo'lgan. Bizning maqsadimiz shunchaki raqobatlashish emas, balki g'alaba qozonish, yirik sovrinlar uchun kurashish va muxlislarimiz kelgusi yillarda faxrlanadigan futbol klubini yaratishdir. Oliver g'olib. U o'zining yetakchiligi, shaxsiyati va jamoalarining o'yin uslubi orqali muvaffaqiyatga erishdi. Biz uning bizni bu yangi bosqichga olib boradigan to'g'ri inson ekanligiga ishonamiz va men Oliverni klubga xush kelibdi deb bilaman.

The Telegraph jurnalisti Jon Persi xabariga ko'ra, «Nottingem Forest» hujumchi Liam Delapga qiziqish bildirmoqda.

Bundan tashqari, futbolchi «Kristal Pelas» bosh murabbiyi Oliver Glasnerga ham juda yoqadi.