Uesli Fofana: «Chelsi» bilan sovrin yutishni orzu qilaman»

Uesli Fofananing The Athletic nashriga bergan intervyusidan ikkinchi qism.

Kerakli o'zgarishlar haqida:

O'ylaymanki, barchamiz barqarorlik kerakligini tushunib turibmiz. O'tgan mavsumda direktorlar bilan bu haqda gaplashganmiz va ular ham futbolchilar kabi fikrda. Albatta, natijalar kerak, chunki har bir o'yinda yutqazsangiz, nimadir o'zgartirishga to'g'ri keladi. Ammo bizga barqarorlik kerak va Xabi bunga mos deb o'ylayman. U yosh murabbiy, bizda yosh jamoa bor, o'zi esa ajoyib futbolchi bo'lgan, shuning uchun o'yinni va uning detallarini juda yaxshi tushunadi. Ustiga-ustak, bizda juda kuchli shtab bor. Futbolchilarning Entso [Mareska] bilan munosabatlari ajoyib edi, chunki u bilan ishlashga, uni bilishga va jamoadan nima xohlashini tushunishga vaqtimiz bo'lgan. O'ylaymanki, Xabi bilan ham shunday bo'ladi. Biz ishlashimiz, o'rganishimiz, uni ham murabbiy, ham inson sifatida bilib olishimiz kerak. Vaqt o'tishi bilan biz haqiqatan ham kuchli narsa qura olamiz.

«Chelsi» bilan sovrin yutish istagi haqida:

Klub bilan sovrin yutmoqchiman, chunki har doim «Chelsi»da bo'lishni orzu qilganman. Ilgari ham sovrinlar yutganman, bu yerga kelganimda esa ambitsiyalarim juda katta edi. Klub bilan hamma narsani yutmoqchi edim – hech narsa o'zgarmadi. Agar jamoamizga qaraydigan bo'lsak, hozir muvaffaqiyat uchun kerakli barcha narsaga egamiz deb o'ylayman. Uelbek va Xenderson jamoaga kelishdi va ularning vazifasi – hammaga to'g'ri kayfiyatni saqlashga yordam berish, chunki o'tgan mavsumda bu borada muayyan muammolar bo'lgandi. Har bir pozitsiyada ikki-uchta ajoyib futbolchimiz bor, shuning uchun kelajak juda yaxshi bo'lishi mumkin. Ammo asosiysi – ishlashda davom etish, chunki boshqa jamoalar ham rivojlanmoqda va biz oldinga intilishimiz kerak. Kurashish kerak.