Virjil van Deyk "Men in Blazers" kanaliga bergan intervyusida joriy mavsumdagi ambitsiyalari haqida gapirdi:
"Liverpul" sardori va klub futbolchisi sifatida men Premer-liga chempionligi uchun kurashmoqchiman, ammo real qarash kerak. "Arsenal" o'tgan yili qanchalik kuchli bo'lganini ko'rdik, ularning tarkibiga nazar tashlasangiz, hozirda juda yaxshi chuqurlikka ega ekanligini ko'rasiz.
Ammo men o'zimizga, tarkibimizga qarayman va chempionlik poygasida qatnashish uchun yetarli sifatga ega ekanligimizni his qilaman. Biroq biz o'tgan yilgiga qaraganda ancha yaxshiroq o'yin ko'rsatishimiz kerak, bu fakt."
U o'z tarkibiga va o'ziga bo'lgan ishonchi haqida ham to'xtalib o'tdi:
"Mening nazarimda, agar siz "Liverpul"da bo'lsangiz, o'z kuchingizga va eng yuqori darajada raqobat qila olishingizga ishonishingiz kerak. Menda bu tuyg'u doim bor. Klubda bo'lgan barcha vaqtim davomida bu narsa bir marta ham o'zgarmadi.
Har qanday darajadagi muvaffaqiyatning asosiy sharti — barqarorlik va biz buni topishimiz kerak. Shubhasiz, istalgan raqibni yengish uchun yuqori darajani ushlab turadigan alohida futbolchilar kerak. Ammo jamoa sifatida biz o'zimizga va sport formamizga e'tibor qaratishimiz lozim, shuning uchun bu omillar uyg'unligi muhim. Agar barqaror bo'lsangiz va jarohatlar ko'p bo'lmasa, barcha turnirlarda oxirigacha kurashish imkoniyati bo'ladi. Bizning maqsadimiz aynan shu bo'lishi kerak."
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!