Xabi Alonso Enzo Fernandesning tarkibga kiritilmagani sababini tushuntirdi

🚨 Xabi Alonso Enzo Fernandesning "Luton"ga qarshi o'yin qaydnomasiga kiritilmagani sababiga ishora qildi:

Bizga maydonga tushish uchun eng yaxshi holatda bo'lgan futbolchilar kerak. Biz hamma narsani hisobga olishimiz kerak: kim yaxshi formada, kim o'yin uchun zarur energiyani his qilmayapti.

Men uchun futbolchilarning chinakamiga o'ynashni xohlashlari va o'yinga to'liq tayyorgarlik bilan kelishlari juda muhim. Biz Enzo [Fernandes] bilan gaplashib oldik va bugun u uchun qaydnomaga kiritilmaslik yaxshiroq degan qarorga keldik.

💬 Tarkibdagi o'yinchilar soni haqida:

Biz dastlab tuzgan rejamizga ancha yaqinmiz. Hammasi qanday yakunlanishini, rejani to'liq amalga oshirish imkoniyati bormi yoki hal qilinmagan masalalar qoladimi, buni ko'ramiz.

Umuman olganda, tarkib balansi yaxshi bo'ladi deb o'ylayman. So'nggi kunlarda voqealar rivojini kuzatamiz. Hozircha jamoa bosqichma-bosqich shakllanmoqda. Bu vaqt talab qiladigan jarayon. Biz yaxshi holatdamiz va oldimizda yana bir necha kun bor.

💬 "Brayton"ga qarshi o'yin oldidan futbolchilarning holati haqida:

Levi [Kolvill] olgan jarohatdan so'ng, unga o'yin ritmini asta-sekin tiklab olish kerakligini tushunamiz. Bir haftada uchta o'yin — bu juda katta yuklama, shuning uchun keyingi qadamni qo'yish uchun unga vaqt kerak. Biz voqealarni tezlashtirishni yoki unga ortiqcha bosim o'tkazishni istamaymiz. Uning o'zi o'zini qulay his qilishi muhim.

Moyzes Kaysedo mashg'ulot o'tkazmoqda va umid qilamanki, juma kuni ham umumiy guruhda ishlaydi. Ammo biz hali uning holatini baholashimiz kerak. "Brayton"ga qarshi o'yin bo'yicha hali qaror qabul qilinmagan.

💬 "Chelsi"ning "Brayton"ga qarshi o'yindagi darvozaboni haqida:

So'ramang [Robert Sanches o'ynash-o'ynamasligini]. Kim darvozada bo'lishini bilaman, lekin buni avval futbolchilarning o'ziga aytishni ma'qul ko'raman.

💬 Denni Uelbekning ta'siri haqida:

U ko'plab sifatlarga ega. U juda aqlli o'yinchi, o'yinni yaxshi bog'laydi va jarima maydonchasi tashqarisida sheriklari bilan o'zaro harakat qila oladi. Jarima maydonchasi ichida esa u bo'shliqni juda yaxshi his qiladi va kerakli joyda paydo bo'la oladi — buni payshanba kuni ko'rdik.

Kundalik ishda u qolgan futbolchilarga katta ta'sir ko'rsatadi. U juda qattiq mashg'ulot o'tkazadi, mashg'ulotlarda butun jamoa oldiga yuqori talablar qo'yadi va biz buni juda muhim deb hisoblaymiz.

💬 Muxlislar tomonidan qo'llab-quvvatlash haqida:

Muxlislar meni qanday qabul qilganidan xursandman. Birinchi kundan boshlab ularning qo'llab-quvvatlashini his qildim — biz bilan birga yangi bosqich boshlanganidan xursand ekanliklari ko'rinib turibdi. Endi natijalar bilan javob berish vaqti keldi. Har dam olish kunlari maydonda buni isbotlash vaqti keldi.