O'zbekiston futbolida avgust oyining eng chiroyli goli muallifi nomi ma'lum bo'ldi. Bu nomga "Mash'al" futbolchisi Azizbek Choriyev loyiq ko'rildi.
⚽ Avgust oyining eng chiroyli goli muallifi — Azizbek Choriyev (Mash'al)
Andijon G'uzorda Mash'al ustidan g'alaba qozondi. O'yindagi yagona gol Po'latxo'ja Xoldorxonov hisobiga yozildi.
Ahmedov boshchiligidagi «Andijon» jamoasi G'uzorda «Mash'al»ga qarshi bo'lib o'tgan uchrashuvda o'zi uchun kerakli uch ochkoni qo'lga kiritishga muvaffaq bo'ldi.
Bahs taqdirini 53-daqiqada Po'latxo'ja Xoldorxonov tomonidan kiritilgan yagona gol hal qildi. Eʼtiborlisi, Xoldorxonov Superligadagi 100-oʼyinini oʼtkazdi va u oʼzining yubiley bahsida hal qiluvchi golni urdi.
Albatta, bahs mobaynida «Burgutlar»da ko'plab imkoniyatlar yuzaga keldi. Tashabbus ham vakillarimiz tarafida bo'ldi. Biroq birgina gol o'yinda yagona bo'lib qoldi.
Birinchi bo'limda Rustam Turdimurodov ham gol urgandi, lekin ofsayd tufayli inobatga olinmadi. Har qanday holatda ham «Andijon» mehmonda o'tgan qiyin o'yinda muhim uch ochkoni qo'lga kiritdi.
Endi jamoamizni 25 avgust kuni «Bobur arena»da «Xorazm»ga qarshi uchrashuv kutmoqda.
«Mash'al» - «Andijon» - 0:1 (0:0).
19 avgust. G'uzor. «Markaziy» stadion. 432 tomoshabin.Hakamlar: Rustam Choriev, Mahmud Turdiev, Feruz Dostonov
Zaxira hakami: Nurjahon Sulaymonov
VAR: Abdurashid Xudoyberganov
AVAR: Xusan Xudoyberdiev
Nazoratchi: Aleksandr Popov
Komissar: Samandar Ibragimov«Mash'al»: Doston To'xtaboev, Zafar Akramov (Muhammadbobur Mo'ydinov, 46), Stranija Bosnyak, Komiljon Tojiddinov, Sardor Abduraimov, Ibrohim G'anixonov (Mahmud Jo'raboev, 12), Humoyun Murtazoev (Tohir To'xtasinov, 46), Ifeani Ifeani (Ahror Rahimov, 52), Ergash Ismoilov, Pavel Bureyev, Azizbek Choriev (Normurod Ko'charov, 59).
«Andijon»: Artyom Potapov, Abdurahmon Komilov (Odil Abdumajidov, 83), Mahmud Maxamadjonov, Nemanya Chalasan, Islom To'xtaxo'jaev, Aleksandr Andronikashvili, Damir Temirov (Shoxmalik Komilov, 80), Xumoyunmirzo Iminov (Dragan Cheran, 46), Imeda Ashortia (Doniyor Abdumannopov, 74), Po'latxo'ja Xoldorxonov (Bekzod Sulaymonov, 74), Rustam Turdimurodov.
Gol: Po'latxo'ja Xoldorxonov, 53 – 0:1.
Ogohlantirishlar: Mahmud Jo'raboev, 45+4 – Xumoyunmirzo Iminov, 44. Aleksandr Andronikashvili, 59.
Darvozabon Vladislav Rusanov va markaziy himoyachi Drago Bumbar «Mash'al» tarkibida debyut qilishmoqda.
Darvozabon Vladislav Rusanov va markaziy himoyachi Drago Bumbar «Mash'al» tarkibida debyut qilishmoqda.
Nazorat uchrashuvi
Nazorat uchrashuvi
🔵“BUNYODKOR” - “MASH’AL”🔵 - 1:1
Gollar: Nosirjon Abdusalomov, 64 - 1:0. Mahmud Jo‘raboyev, 84 - 1:1.
Po'latxo'ja Xoldorxonov Superligadagi 100-o'yinini nishonladi. U “Mash'al”ga qarshi o'yinda g'alaba golini kiritib, yubiley uchrashuvini esda qolarli qildi.
Kecha G'uzorda Superliganing 18-tur doirasida Muborakning “Mash'al” jamoasiga qarshi o'tkazilgan o'yinda “Andijon” tarkibida maydonga tushgan 23 yoshli futbolchi Po'latxo'ja Xoldorxonov uchun bu uchrashuv yubileyga aylandi. ✅
Gap shundaki, Xoldorxonov Superligadagi 100-o'yinini o'tkazdi va yanada ahamiyatlisi, Po'latxo'ja yubiley uchrashuvda o'yin qahramoniga aylanib, bellashuv taqdirini hal qilgan yagona gol muallifiga aylandi.
Xoldorxonov mavsum boshidan beri “Andijon” tarkibidagi barcha o'yinlarda to'liq qatnashib kelayotgan futbolchi sanaladi.
U hozirga qadar jamoa safida Superligada 18 ta uchrashuvda maydonga tushib 2 ta gol urdi va 4 assistni amalga oshirdi. O'zbekiston Kubogida esa hozirgacha 3 ta bahsda qatnashib, 4 ta gol muallifiga aylandi. 👍
Murabbiy mag'lubiyatdan so'ng klubdagi moliyaviy qiyinchiliklar, oyliklar kechikayotgani va jamoadagi jiddiy muammolar haqida gapirib o'tdi.
Raqibni g'alaba bilan tabriklayman. Ular haqli tarzda yutishdi. Ikkita qo'pol xatomizdan foydalanishdi. Nimadir deyish qiyin. Teng o'yin bo'ldi va bir jamoa g'alabaga erishdi.
- Bugungi mag'lubiyatda jamoadan nimalar yetishmayotganini ko'rdingiz?
- Bizning ro'yxatimizda faqatgina yetishmovchiliklar bor. Ko'ngil to'layotgan hech narsa yo'q. Klubdagilar anchadan beri oylik olmayapti. Bunday holatda futbolchilarni ham to'g'ri tushunaman va ulardan biror nimani talab ham qila olmayman. Tanaffusda deyarli hech qanday ishlar qila olmadik va shu tarzda mavsumni yakunlashga majburmiz. Bizda faqat muammolar bor va buni sanash uchun soatlab vaqt kerak. Klubda juda katta muammolar bo'lgani uchun jadvalda chiroyli bo'lmagan joyda turibdi. Barchasiga qaramasdan o'ynashga harakat qilamiz. Bir qancha yaxshi harakatlarimiz bo'ldi. So'nggi soniyalargacha umid qilamiz.
O'zbekiston milliy terma jamoasi yarim himoyachisi Otabek Shukurov o'zining ilk akademiyasi bo'lgan Mash'al futbolchilari bilan uchrashib, ularni ruhlantirdi.
Superliga doirasidagi uchrashuvdan so'ng O'zbekiston milliy terma jamoasi a'zosi, Mash'al akademiyasi tarbiyalanuvchisi Otabek Shukurov Toshkentda jamoamiz futbolchilari bilan uchrashdi.
Uchrashuv davomida Shukurov futbolchilarga iliq tilaklarini bildirib, mavsumning qolgan qismida ishonch, jipslik va kurashchanlik bilan harakat qilishga chaqirdi. O'zi bosib o'tgan futbolchilik yo'li haqida gapirib, mehnat va intizom har qanday futbolchini katta yutuqlarga olib chiqishini ta'kidladi.
Shuningdek, Otabek Shukurov jamoaga o'z imzosi tushirilgan esdalik futbolkasini sovg'a qildi. Bu sovg'a futbolchilar uchun yoqimli xotira va qo'shimcha motivatsiya bo'ldi.
Aytish joizki, Otabek Shukurov aynan Mash'al akademiyasida kamol topib, katta futbolga yo'l olgan. Akademiya bugungi kunga qadar O'zbekiston futboliga Eldor Shomurodov, Otabek Shukurov va boshqa ko'plab iqtidorli futbolchilarni yetkazib bergan yurtimizdagi eng nufuzli futbol maktablaridan biri hisoblanadi.
Muborakning Mash'al klubi bosh murabbiyligiga Sergey Lushchan tayinlandi. Ildar Sakaev esa klub texnik direktori lavozimiga o'tkazildi.
Muborakning Mash'al futbol klubi murabbiylar shtabida o'zgarish amalga oshirildi.
Klubning amaldagi bosh murabbiyi Ildar Sakaev klub texnik direktori lavozimiga o'tkazilganligi munosabati bilan jamoa bosh murabbiyligiga tajribali mutaxassis Sergey Lushchan tayinlandi.
53 yoshli murabbiy Toshkent shahrida tug'ilgan. U futbolchilik faoliyati davomida Paxtakor, Navbahor, Rossiyaning Krilya Sovetov hamda Rostov klublari safida to'p surgan.
Murabbiy sifatida esa Bunyodkor, So'g'diyona, Dinamo, Belarusning Shaxtyor (Soligorsk) va Shaxtyor (Petrikov), shuningdek, Namanganning Navbahor klublarida faoliyat yuritgan. Uning so'nggi ish joyi Navbahor bo'lib, 2024–2025 yillar davomida jamoani boshqargan.
Mash'al futbol klubi Sergey Lushchanni bosh murabbiy lavozimiga tayinlangani bilan tabriklaydi hamda jamoamiz bilan yuksak natijalar va ulkan zafarlar tilaydi.
Fikr qoldirish va reaksiya uchun tizimga kiring.
