#Anjelo Manjante — yangiliklari

«Roma» Malik Fofana'ni o'z safiga qo'shib olishga bo'lgan urinishlarini davom ettirmoqda.

Angelo Manjante xabariga ko'ra, tomonlar futbolchining shaxsiy shartlari borasida kelishuvga yaqin turibdi. «Portu» bilan Rodrigo Mora transferi bo'yicha kelishuv yakunlangach, «jallorossi» ushbu hujumkor vingerning o'tishi borasida «Lion» bilan muzokaralarni boshlaydi. Tarkibdan ketishi mumkin bo'lgan futbolchilarga kelsak, Robinyo Vaz va Matias Sule diqqat markazida qolmoqda.

Jankluka Di Marsio xabariga ko'ra, «Al-Hilol» va «Vest Xem» futbolchi Sammervill transferi bo'yicha yakuniy kelishuvga erishdi. Transfer summasi bonuslar bilan birgalikda qariyb 80 million yevroni tashkil qiladi.

Futbolchi rasmiy e'londan oldin tibbiy ko'rikdan o'tib bo'lgan, uzoq muddatli shartnoma esa imzolangan va yakuniy tasdiqni kutmoqda. Avvalroq 46 million yevro taklif qilgan va ingliz klubidan rad javobini olgan «Roma» kurashdan chiqdi. Anjelo Manjante ma'lumotiga ko'ra, o'yinchi yiliga 20 million yevro maosh oladi.

"Roma" "Portu" iqtidorli futbolchisi Rodrigo Mora uchun jiddiy qiziqish bildirmoqda.

Sky Sport jurnalisti Anjelo Manjante xabariga ko'ra, "jallorossi" futbolchi uchun kurashga kirishgan va allaqachon aniq taklif bilan chiqqan. Rimliklar ushbu transfer yo'lida yana ikki klub bilan raqobat olib borishlari kerak. "Roma" taklifi 5 million yevro evaziga ijara va 45 million yevro evaziga sotib olish huquqini o'z ichiga oladi, bu esa umumiy hisobda 50 million yevroni tashkil etadi.

Jan Pero Gasperini Morani jamoada ko'rishga rozilik bergan va klub murabbiyning istagini qondirish uchun portugaliyalik futbolchini qo'lga kiritishning to'g'ri yo'lini izlamoqda.