Dmitriy Ribolovlev «Monako»ni sotishdan voz kechdi. Klub moliyaviy barqarorlik uchun har yozda futbolchi sotishda davom etadi.
❌ «Monako» sotilmaydi. Hozircha. — L’Équipe
Dmitriy Ribolovlev 2024-yilda klubni sotish masalasini o'rganib chiqqandi: yigirmaga yaqin investor 300 million yevrodan ortiq mablag' evaziga bir nechta takliflar bilan chiqdi. Ularning barchasiga rad javobi berildi.
2025-yil boshidan buyon bu ish muzlatib qo'yildi. Ammo Ribolovlev 3 yil davomida klubga shaxsiy mablag'larini kiritmadi. Shu sababli, «Monako» o'z hisob-kitoblarini muvozanatlash uchun har yozda 100 million yevrodan ortiq summaga futbolchilar sotishi va ish haqi fondini qisqartirishi kerak.
Monako yozgi transferlar oynasida tarkibni yangilash va moliyaviy barqarorlikni ta'minlash uchun bir qator futbolchilarni sotuvga qo'ymoqchi.
L’équipe xabariga ko'ra, Monako klubidagi moliyaviy vaziyat oydinlashmoqda. Dmitriy Rybolovlev Skuro ishidan norozi bo'lsa-da, unga ishonch bildirishda davom etmoqda. So'nggi oylarda bosh direktorning iste'fosi masalasi ko'rib chiqilmadi.
Skuro oldida yozgi transferlar oynasi uchun murakkab, ammo zarur vazifalar turibdi:
• Futbolchilarni sotish orqali 150-200 million yevro ishlab topish (Chempionlar ligasisiz o'tgan mavsum fransuz futboli doirasida zarar keltirdi).
• Maoshlar fondini taxminan 20 foizga qisqartirish.
• Kelgusi mavsumda kuchli uchlik uchun kurasha oladigan tarkibni shakllantirish.
Transferlar bo'yicha vaziyat quyidagicha:
Akliush sotilishi shart. Liverpul poygaga qo'shildi, PSJ esa futbolchi uchun 50 million yevro atrofida to'rtinchi taklifini yubordi.
Balogun o'rniga Ablin ko'zlanmoqda, uning ketishi ham majburiy.
Golovin yaxshi taklif tushsa, jamoani tark etishi mumkin.
Lamin Kamara agentini o'zgartirgani va muvaffaqiyatsiz jahon chempionati sabab qiziqish uyg'otdi. Biroq rahbariyat hali ham unga taklif kutmoqda.
Teze yoki Vanderson qiziqarli taklif bo'lsa, ketishi mumkin. Bunday holda, Monako Truadan 20 yoshli Yavann Titini nishonga oladi. Unga Lill ham qiziqmoqda, ammo hozirgi klubi transferga to'sqinlik qilmoqda. Tezening ketish ehtimoli yuqoriroq, ammo ikkala futbolchi ham vaziyatni tezlashtirmoqda.
Erik Dayer ketishi mumkin bo'lgan nomzodlar qatorida. Uni sotish oson emas, ammo bu Yevropa Ittifoqidan tashqaridagi o'yinchilar uchun bo'sh joy ochadi.
Yan Lyenar ijaraga ketishi mumkin. Edan Diop va Lyuka Mishal katta ehtimol bilan klubni tark etadi.
Bamba ketgani sababli klub yarim himoyachi izlamoqda. Flamengo futbolchisi Pulgar nomzodlardan biri.
Nice Matin xabariga ko'ra, Vadim Xetagov «Monako»da jismoniy tayyorgarlik va tibbiy ta'minot bo'yicha to'liq nazoratni qo'lga kiritdi.
Nice Matin xabariga ko'ra, ba'zi futbolchilar uning noan'anaviy usullariga nisbatan turlicha munosabatda bo'lishiga qaramay, Vadim Xetagov yanada ko'proq vakolatlarga ega bo'ldi va endilikda jamoaning jismoniy tayyorgarligi hamda tibbiy ta'minotini deyarli to'liq nazorat qilmoqda.
U bilan birga ishlashi kerak bo'lgan akademiya fizioterapevtlaridan biri uning ish uslublariga nisbatan shubha bildirganidan so'ng ishdan bo'shatildi. Bundan tashqari, yaqin vaqt ichida jismoniy tayyorgarlik va tibbiy ta'minot bo'limlarida yana bir nechta kadrlar o'zgarishi yuz berdi.
Eslatib o'tamiz, Xetagov klubga shaxsan Dmitriy Rybolovlevning tashabbusi bilan taklif etilgan. Aynan u o'tgan mavsumda Pol Pogba va Ansu Fatining individual tayyorgarligiga mas'ul bo'lgan.