#Ansu Fati — yangiliklari

⚡️ Folarin Balogun va Ansu Fati «Monako»ning «Lans»ga qarshi o'yin uchun qaydnomasiga kiritilishi mumkin. Brunner ham o'yin uchun tayyor. Idumbo masalasi esa hali hal etilmagan.

«Monako» bosh murabbiyi Filipe Luis «Gurnik»ga qarshi bo'lajak o'yin oldidan fikrlarini bildirib o'tdi.

🔴 «Gurnik» haqida:

«Bu juda kuchli raqib. Biz ularning ko'plab o'yinlarini, ham o'tgan mavsumdagisini, ham joriy mavsumdagisini ko'rib chiqdik. Ularning o'yin uslubi tushunarli, asosan qarshi hujumlarga asoslangan. Tarkibida xavfli futbolchilar bor, ayniqsa qanotlarda. Ular bilan oson bo'lmaydi. Bu yevrokuboklarda o'ynash uchun imkoniyat, shuning uchun biz undan maksimal darajada foydalanishimiz kerak. Konferensiyalar ligasi — ajoyib turnir».

🔴 Matis Ablin va jarohatlar haqida:

«Koventri»ga qarshi oxirgi o'yinda Matis Ablin tovon qismiga zarba qabul qilib oldi. U qanchalik og'riq his qilayotganini ko'rishimiz kerak, ammo uning ishtiroki borasida shubhalarimiz bor. Ansu Fati ham o'ynamaydi. Matis Dyutyurbega kelsak, u yevrokuboklar uchun qaydnomaga kiritiladi va ushbu qarama-qarshilikning birinchi o'yinida maydonga tusha oladi».

🔴 Balogun haqida:

«U endigina mavsumoldi tayyorgarligini boshladi, chunki jahon chempionatidan kech qaytdi va kichik jismoniy muammosi bor edi. Hozir u yana guruh bilan birga mashg'ulot o'tkazmoqda. Umid qilamanki, tez orada maydonga qaytadi, chunki u biz uchun juda muhim. Katta ehtimol bilan, ertaga u hali tayyor bo'lmaydi».

🔴 «Koventri»ga qarshi o'yindagi muammolar haqida:

«Koventri» bilan o'yin qiyin kechdi. Bu bahs bizga keyingi ishlarimiz uchun yo'nalish berdi va nimani to'g'rilash kerakligini tushunishga imkon yaratdi. Ayniqsa, pressingni qanday amalga oshirishimiz borasida. Shuningdek, to'pga egalik qilganimizda xavfliroq bo'lishimiz kerak. Bizga qolgan yagona narsa — ishlashda davom etish. Ammo jamoa bu borada rivojlanishiga ishonchim komil».

🔴 Konferensiyalar ligasi haqida:

«Bu klub uchun juda muhim turnir, chunki «Monako» har mavsum yevrokuboklarda o'ynashi shart! Biz yaxshi mavsum o'tkaza olishimizga ishonamiz, shuning uchun yevrokuboklarda ishtirok etish muhim. Ammo buning uchun ushbu ikki o'yinlik qarama-qarshilikdan o'tishimiz kerak, u esa qiyin bo'ladi. «Gurnik» o'z yo'lini Chempionlar ligasida boshlagan, keyin Yevropa ligasi saralashida o'ynagan. Bu umuman oson raqib emas va biz ularga katta hurmat bilan qaraymiz».

🔴 Dayer haqida:

«Bu biz uchun juda muhim futbolchi, chunki o'z faoliyati davomida katta klublarda o'ynagan. O'tgan mavsum u uchun qiyin kechdi va o'zining eng yaxshi o'yinini ko'rsata olmadi. Ammo men uni hamon top-futbolchi deb hisoblayman. U o'zini yaxshi his qilishi, o'yin hissiyotlarini qaytarib olishi kerak — shunda u yana yaxshi saviyaga chiqadi. Biz jamoa sifatida unga yordam berish uchun birgalikda rivojlanamiz».

🔴 Zakariya haqida:

«Denis Zakariya sardor bo'lib qoladi. Uning bu rol uchun barcha sifatlari bor, chunki u haqiqiy yetakchi — ham xulq-atvori, ham so'zlari bilan. Uni barcha futbolchilar, murabbiylar shtabi va klub hurmat qiladi. U o'ynaydimi yoki yo'qmi, baribir o'sha-o'sha insonligicha qoladi. U faqat «Monako» uchun eng yaxshisini istaydi. U maydonda mening davomim bo'ladi».

🔴 Pogba haqida:

«Pol Pogba — fransuz futbolida katta iz qoldirgan futbolchi. Mavsumoldi tayyorgarlik vaqtida olingan jarohatdan so'ng, klub u bilan shartnomani bekor qilishga qaror qildi. Bu ajoyib inson va ko'zga ko'ringan futbolchi. Men unga tezroq sog'ayib ketishini va kelajakda eng yaxshilarini tilayman».

🔴 Chempionlik poygasi haqida:

«PSJ har qanday holatda ham favorit hisoblanadi. Buning aksini aytish yolg'on bo'lardi. Ularda eng katta byudjet, dunyodagi eng yaxshi murabbiy va fantastik futbolchilar bor. Ammo bu futbol — har narsa bo'lishi mumkin. Aynan shuning uchun hamma bu sportni yaxshi ko'radi. Albatta, ular oxirgi beshta chempionlik unvonini qo'lga kiritishdi va o'z tarixlariga yana ikkita Chempionlar ligasi g'alabasini qo'shishdi. Ammo doimiy g'alaba qozonish ham qiyin bo'lishi mumkin».

Sport xabariga ko'ra, «Barselona» Frenki de Yongning tiklanish jarayoni Ansu Fati bilan bog'liq vaziyatga o'xshab ketishidan xavotirda.

Garchi jarohatlar turlicha bo'lsa-da, klubda de Yongning jarrohlik amaliyoti o'rniga konservativ davolanishni tanlagani borasida xavotirlar mavjud.

Agar ushbu usul kutilgan natijani bermasa va yakunda baribir jarrohlik aralashuvi talab etilsa, «Barsa» tiklanish uchun qimmatli vaqt boy berilishidan xavfsiramoqda.

Stanis Idumbo, ehtimol, jarohati tufayli "Lans"ga qarshi o'yinni o'tkazib yuboradi — L'Équipe.

Yangi kongolik futbolchi bel mushagini shikastlab oldi va juma kungi uchrashuvni o'tkazib yuborishi mumkin. Filipe Luis vaziyatdan foydalanib, Folarin Balogunni tarkibga kiritishi mumkin.

Nice-Matin yozishicha, Ansu Fati hamon safda emas. Teze, Idumbo va Subeir faqat terma jamoalar o'yinlari uchun tanaffusdan keyingina qaytishlari mumkin, Madu Kulibalining tiklanishi esa yanada ko'proq vaqt talab qiladi.

Ansu Fati rasman «Xall Siti» futbolchisiga aylandi.

Ushbu transfer klub tarixidagi rekord darajadagi 24 million yevro evaziga amalga oshirildi.

Nice Matin xabariga ko'ra, ba'zi futbolchilar uning noan'anaviy usullariga nisbatan turlicha munosabatda bo'lishiga qaramay, Vadim Xetagov yanada ko'proq vakolatlarga ega bo'ldi va endilikda jamoaning jismoniy tayyorgarligi hamda tibbiy ta'minotini deyarli to'liq nazorat qilmoqda.

U bilan birga ishlashi kerak bo'lgan akademiya fizioterapevtlaridan biri uning ish uslublariga nisbatan shubha bildirganidan so'ng ishdan bo'shatildi. Bundan tashqari, yaqin vaqt ichida jismoniy tayyorgarlik va tibbiy ta'minot bo'limlarida yana bir nechta kadrlar o'zgarishi yuz berdi.

Eslatib o'tamiz, Xetagov klubga shaxsan Dmitriy Rybolovlevning tashabbusi bilan taklif etilgan. Aynan u o'tgan mavsumda Pol Pogba va Ansu Fatining individual tayyorgarligiga mas'ul bo'lgan.