#Mattyu Lui-Jan — yangiliklari

Karim Benzema «Al-Hilol»dan ketganidan so'ng erkin agentga aylangandi va yozda «Lion»ga qaytishi mumkinligi haqida mish-mishlar tarqalgandi. Biroq, yakunda shartnoma shartlari tufayli bu transfer amalga oshmadi. Dushanba kuni «Lion» sport direktori Mattyu Lui-Jan matbuot anjumanida ushbu mish-mishlar haqida gapirib o'tdi.

«Deyarli fantastika. Yozda bir vositachi bilan bog'lanish bo'lgandi. Keyinroq ish u yoqqa o'tmadi — shartnoma masalalari tufayli bu imkonsiz edi. Biz bu voqeani rivojlantirmadik, chunki bizga tezroq hujumchi kerak edi va biz Openda ustida ishlayotgandik. U hali ham federatsiya (Saudiya Arabistoni) bilan shartnoma ostida, shuning uchun biz u yoqqa bormadik. U buyuk o'yinchi. Men u bilan gaplashmadim va bu masalani davom ettirmadim», — dedi «Lion» rahbari.

Mattyu Lui-Jan klubning Paulu Fonseka bilan ishlashni davom ettirish istagi haqida gapirdi 👀

Maqsadimiz - Paulu bilan ishlashda davom etish. Biz har doim o'zimizga qulay vaqt keldi deb hisoblaganimizda, muzokara stoliga o'tirib, buni muhokama qilishimizni aytganmiz.

Paulu - o'z qadrini biladigan juda tajribali inson va biz ham uning qanchalik qadrli ekanini bilamiz. Bu ikki tomonlama istak bo'lishi kerak. O'ylaymanki, unga Lionda haqiqatan ham juda yoqadi.

Men Pauluning ishidan juda mamnunman. Maqsad - yanada yaxshiroq bo'lish. Tushunaman, ehtimol, deyarli bir hafta oldin sodir bo'lgan voqealardan keyin buni aytish uchun eng mos vaqt emasdir, ammo o'tgan mavsumdagi natijamiz so'nggi olti yil ichidagi eng yaxshisi bo'ldi.

Biz shoshilmaymiz va hammasini Paulu bilan muhokama qilamiz, lekin, albatta, shaxsan men uchun maqsad - Paulu bilan ishlashda davom etish.

🎙️ Mattyu Lui-Jan:

Uning qolishi juda ham mumkin. Malikka faol qiziqish bildirayotgan bir nechta klublar bor, ammo bizning o'z rejamiz bor va biz unga amal qilamiz, nima qilishimiz kerakligini bilamiz. Biz kursni o'zgartirmaymiz. Vaziyatimizni to'g'rilash uchun to'rt kunimiz bor, biz sotishimiz kerak. Gap narxda emas, biz uchun mavjud variantlarda va biz o'zimiz uchun eng yaxshi bo'lgan ishni qilishimiz kerak.

1-sentabr 2026-yil «Lion» uchun juda uzun kun bo'ldi. Klub sport rahbariyati Malik Fofana bilan bog'liq vaziyatga to'liq e'tibor qaratdi va kun davomida qarama-qarshi ma'lumotlarni qabul qildi. «Sanderlend»? «Kristal Pelas»? Oxirgi daqiqada paydo bo'lgan qaysidir klub? Hech kim bu voqea qanday yakunlanishini aniq tushunmasdi va yechimni Angliya transfer oynasining so'nggi daqiqalarigacha kutishga to'g'ri keldi.

Yakunda aynan «Sanderlend» ertalabki holatga ko'ra asosiy da'vogar bo'lib qoldi, biroq Pyer Saj o'zining sobiq o'yinchisini «Kristal Pelas»ga qaytarishga harakat qilib ko'rdi.

«Malik bilan bog'liq barcha narsa tez, shu bilan birga tartibsiz kechdi: ko'plab klublar o'ylashdi, agentlar bilan muzokaralar olib borishdi. Seshanba kuni tushdan keyin biz vaziyatni nazoratga olishga qaror qildik. Biz oila bilan, Malik bilan gaplashdik, toki u o'z kelajagi borasida aniq qaror qabul qila olsin. Bu transfer muhim edi».

Sotuv «Lion»ning moliyaviy ahvoli uchun o'ta muhim edi, biroq yakuniy qaror cho'zilib ketdi. Mattyu Lui-Jandan bu haqda yana so'rashganida, u biroz tarangroq ko'rinardi, ayniqsa gap o'yinchining atrofidagilar haqida ketganda. Aynan shu jihat jarayonni ko'p soatlar davomida sekinlashtirgani aniq.

Malik Fofananing Roc Nations vakillari Londonda, o'yinchining o'zi esa Lionda edi va deyarli bir sutka davomida haqiqiy tartibsizlik yuzaga keldi.

«Bu ancha murakkab epizod bo'ldi. Biz ikkita klub bilan kelishuvga erishdik. Boshqa klublarning ayrim takliflari bizni qoniqtirmadi. Oxirgi kuni qaror qabul qilishda muammo yuzaga keldi, shuning uchun ma'lum bir vaqtda biz agentlar bilan bog'liq vaziyatni o'z nazoratimizga olishga qaror qildik.

Malik uchun qiyin edi va biz unga vaziyatni tushunib yetishga yordam berdik, — deb tan oldi Mattyu Lui-Jan. — „Sanderlend“ Lionda tibbiy ko'rik tashkil qildi, bu esa shartnoma imzolashni osonlashtirdi.

Ammo agentlar, jarayonda juda faol ishtirok etadigan oila tufayli hamma narsa murakkablashib bormoqda va bu o'yinchining diqqatini jamlashiga xalaqit berishi mumkin. Biz tobora ko'proq odamlar bilan muloqot qilishga majbur bo'lyapmiz. Bu qiyin».

Hammasi yaxshi yakunlandi deb aytish mumkin, garchi bu voqea zamonaviy futbol biznesining salbiy tomonlarini yanada kuchliroq ta'kidlagan bo'lsa ham.

Mattyu Lui-Jan transfer kampaniyasi haqida fikr bildirdi:

Biz natijadan ko'proq mamnunmiz. Albatta, biroz yaxshiroq ishlashimiz ham mumkin edi. Umuman olganda, ushbu transfer kampaniyasidan, ayniqsa, yangi xaridlarimizdan ko'nglimiz to'q. Bugun kechqurun ham tarkibimiz to'liq shakllanganini ko'rib turibmiz. Transfer oynasi boshidan buyon Paulu, skautlar bo'limi, Ben va Mixael bilan birgalikda aynan shu maqsadga erishmoqchi edik — tarkibni yanada to'liqroq qilishni juda istagandik. O'tgan mavsumda rotatsiya bilan bog'liq qiyinchiliklar bo'lgandi. O'ylaymanki, bu mavsumda biz kuchliroq va yaxshiroq jamlangan jamoaga aylandik.