APLda 2026/27-yilgi mavsum uchun hakamlik qoidalari o'zgaradi
APL 2026/27-yilgi mavsumda hakamlik qoidalari o'zgaradi: vaqt cho'zish, VAR vakolatlari va darvozabonlarga nisbatan yangi tartiblar joriy etiladi.
🚨 APL 2026/27-yilgi mavsumi uchun hakamlikdagi asosiy o'zgarishlar:
• Darvozabonlarning taktik «jarohatlari»: agar darvozabon tibbiy yordam olsa, uning jamoasidan bir nafar maydon o'yinchisi kamida bir daqiqaga maydonni tark etishi kerak bo'ladi.
• Vaqt cho'zish: hakam aut yoki darvozadan zarba berish jarayonida vaqt cho'zilsa, 5 soniyalik hisobni ishga tushirishi mumkin. Agar belgilangan vaqtda amalga oshirilmasa, to'p raqibga o'tadi yoki darvozadan zarba o'rniga raqibga burchak zarbasi belgilanadi.
• O'zgarishlar: o'yinchi maydonni 10 soniya ichida tark etishi shart. Agar ataylab vaqt cho'zilsa, zaxiradan tushayotgan futbolchi darhol maydonga kira olmaydi.
• VAR xato berilgan ikkinchi sariq kartochkani, agar u chetlatishga olib kelgan bo'lsa, bekor qila oladi. Biroq VAR o'tkazib yuborilgan ikkinchi sariq kartochkalarni tekshirmaydi.
• Standart vaziyatlar: VAR hujumkor jamoaning to'p o'yinga kiritilgunga qadar sodir etgan yaqqol qoidabuzarligini, agar u golli vaziyatga ta'sir qilgan bo'lsa, tekshira oladi.
• Hakamlar qo'l bilan ushlab qolish holatlarini, ayniqsa jarima maydonchasi ichida, qat'iyroq jazolaydi.
• Burchak va jarima zarbalarida darvozabonga nisbatan to'sqinlik qilish holatlariga ko'proq e'tibor qaratiladi.
• Simulyatsiya va kontaktni ataylab bo'rttirib ko'rsatish uchun jazo choralari kuchaytiriladi.
• Shu bilan birga, APL falsafasi o'zgarmaydi: har qanday kontakt ham qoidabuzarlik emas, VAR esa faqat yaqqol va aniq xatolargina aralashishi kerak.
