#Jessi Marsh — yangiliklari

Menimcha, «Manchester Siti»ni to'liq jazolash kerak. O'ylashimcha, ularni quyi ligaga tushirib yuborish lozim. Va aytgancha, hamma hamma narsani bilardi. Mutlaqo hamma.

2022-yilning yozida faqat «Lids» va «Man Siti» transfer oynasini foyda bilan yakunlaganini e'lon qilgandi. Biz haqiqatan ham «plyus»ga chiqqanmiz, chunki Rafinya va Fillipsni sotgan edik. Barcha xaridlarni hisobga olgan holda, bizda baribir balansda yaxshigina mablag' qolgandi. O'shanda «Lids» tejashga majbur bo'lmagan holatda emasdi. Egalarining cho'ntagi cheksiz emasdi.

Ammo «Siti» ham xuddi shunday bayonot berganida… Men o'shanda shunchaki o'yladim: «Sizlar hazillashyapsizmi? Bu qanaqa hazil?». Ular Erling Xolandni 52 million funtga sotib olganini e'lon qilganida, bu xuddi: «Ha, albatta, albatta», degandek ko'ringandi.

Men bularning barchasida yaqqol nomuvofiqliklar borligini tushunardim. Ammo bunday vaziyatda nima ham qila olardingiz? Shunchaki qo'l siltab: «Futbol shunaqa», deb qo'ya qolasiz.

Jessi Marsh Guardian nashriga bergan intervyusida.

Alfonso Devis Kanada terma jamoasining yaqin o'yinlarini o'tkazib yuboradi!

Alfonso to'y va asal oyi munosabati bilan o'rtoqlik uchrashuvlariga chaqirilmadi.

Jessi Marsh Devis hozirda ajoyib o'yin ko'rsatayotgani va yaxshi jismoniy holatda ekanligini ta'kidladi. Murabbiyning so'zlariga ko'ra, futbolchiga jahon chempionatidan so'ng tiklanib olish hamda noyabr va mart oylaridagi muhim o'yinlarga to'liq tayyorgarlik ko'rish uchun tanaffus kerak.