#Massimo Moratti — yangiliklari

Chap ustun yangiliklari

Massimo Moratti: «Tottini sotib olishga uringandim»
Internazionale Milano ↗ Matbuot

Massimo Moratti: «Tottini sotib olishga uringandim»

#Inter #AS Roma #Franchesko Totti #Massimo Moratti #Gabriel Batistuta

Massimo Moratti «Roma» afsonasi Franchesko Tottini «Inter»ga olib kelmoqchi bo'lgani va Gabriel Batistuta transferi haqida gapirdi.

Massimo Moratti: «Men Tottini sotib olishga uringandim. O'sha vaqtdagi prezident Franko Sensiga narx borasida savdolashmasligimni aytdim. U menga bu haqda gap ham bo'lishi mumkin emasligini aytdi. U biznesmen sifatida emas, chinakam romanist sifatida ish tutdi. «Roma»dan men Batistutani xarid qilganman. U atigi bitta gol urdi*, ammo men baribir bu transferni takrorlagan bo'lardim».

*Batistuta «Inter» safida ikkita gol urgan
Fikr bildirish
Massimo Moratti Kristian Kivu haqida xotiralari bilan o'rtoqlashdi
Internazionale Milano ↗ Matbuot

Massimo Moratti Kristian Kivu haqida xotiralari bilan o'rtoqlashdi

#Inter #Joze Mourinyo #Kristian Kivu #Massimo Moratti

Massimo Moratti Kristian Kivuning maydondagi yetakchilik qobiliyatlari va jarohatdan keyingi jasorati haqida gapirib berdi.

«Kivu meni har qanday vaziyatda, qog'ozda oddiy bo'lib ko'rinmasa ham, qanday xotirjamlik bilan harakat qilishi bilan hayratda qoldirdi. U jamoani boshqarishni va odamlarni o'ziga jalb qilishni biladi. Mourinyu ham uning yetakchilik fazilatlarini juda qadrlardi — u maydonda haqiqiy murabbiy edi. «Kyevo»ga qarshi o'yindagi bosh suyagi sinishidan so'ng, men uning sog'lig'i uchun jiddiy xavotirda edim. Ammo u o'zini qoyadek ko'rsatdi: bosh suyagida chuqurcha bo'lishiga qaramay, u darhol katta jasorat ko'rsatdi. Bir oy ham o'tmay, u yana maydonga qaytdi». 🗣

Massimo Moratti.

Fikr bildirish
Joze Mourinyo: «Ibragimovichning ketishi biz uchun og'ir zarba bo'lgan»
Internazionale Milano ↗ Matbuot Bog'langan

Joze Mourinyo: «Ibragimovichning ketishi biz uchun og'ir zarba bo'lgan»

#Manchester United #Barcelona #Inter #Joze Mourinyo #Zlatan Ibragimovich #Samuel Eto'O #Massimo Moratti

Joze Mourinyo Zlatan Ibragimovichning «Inter»dan «Barselona»ga o'tishi va o'sha davrdagi jamoasining rivojlanishi haqida gapirdi.

Joze Mourinyo Netflix uchun bergan intervyusida Zlatan Ibragimovichning «Barselona»ga o'tishi haqida shunday dedi:

Ibragimovich «Barselona»da? Eng muhim o'yinchimizni yo'qotish og'ir zarba bo'lgan. Yordamchilarimdan biri yig'lab: «Uzsiz biz halok bo'lamiz», degandi. Bizga nima kerakligini bilardik: tezkor jamoa va kreativ o'yinchi. Massimo Moratti muzokaralarda aqlbovar qilmas ishni amalga oshirdi: Ibragimovichni shunchaki pulga sotish o'rniga, ham pul, ham Eto'Oni qo'lga kiritdi.

«Mag'lubiyat — bu g'alabali yo'lning boshlanishi xolos. «Manchester Yunayted»dan uchralgan mag'lubiyat o'sha yo'lning boshlanishi edi. «Inter»dagi ishim o'sha paytda hali yakuniga yetmagandi», — deya qo'shimcha qildi murabbiy.

Fikr bildirish

O'ng ustun yangiliklari

Massimo Moratti Sandro Matsuolani xotirladi
Internazionale Milano ↗ Umumiy Bog'langan

Massimo Moratti Sandro Matsuolani xotirladi

#Inter #Massimo Moratti #Sandro Matsstola

«Inter»ning sobiq prezidenti Massimo Moratti Sandro Matsuola xotirasiga ta'sirli so'zlar bitdi.

Rahmat, Sandro — qoldirgan merosing uchun, uslubing uchun, qat'iyating uchun, bizga quvonch bag'ishlagan gollaring uchun. Sen butun umr hurmat uyg'otding, endi esa shuncha sermazmun yillardan so'ng orom topasan.

O'zing birga o'ynagan va g'alaba qozongan chempionlar safiga qo'shil. Biz seni hech qachon unutmaymiz.

Massimo Moratti

Fikr bildirish
Massimo Moratti: «Auzilio shartnoma muddati bo'yicha ko'proq narsani kutgandi»
Internazionale Milano ↗ Matbuot Bog'langan

Massimo Moratti: «Auzilio shartnoma muddati bo'yicha ko'proq narsani kutgandi»

#Piero Auzilio #Massimo Moratti

Massimo Moratti Auzilio bilan bo'lgan suhbat va uning klubdan ketishi haqidagi tafsilotlar bilan o'rtoqlashdi.

Massimo Moratti: «Men Auzilio bilan u ketganidan keyin, o'sha kuniyoq yoki ertasi kuni gaplashdim. U uzunroq muddatli shartnomaga umid qilgandi: bir yil unga kamlik qildi. U o'zini juda olijanob tutdi, hech qanday xafagarchiliklarsiz».

Fikr bildirish
Massimo Moratti: «Joze Mourinyo — fenomen»
Internazionale Milano ↗ Matbuot

Massimo Moratti: «Joze Mourinyo — fenomen»

#Real Madrid #Inter #Joze Mourinyo #Massimo Moratti

Massimo Moratti Netflix uchun bergan intervyusida Joze Mourinyo haqidagi xotiralari bilan o'rtoqlashdi.

Massimo Moratti Netflix uchun bergan intervyusida shunday dedi:

Joze menda juda katta taassurot qoldirgan. Muxlislar uni juda yaxshi ko'rishardi. Men u bilan shartnoma imzolashga majbur edim, chunki u fenomen. Murabbiy o'zini himoyalangan his qilishi juda muhim. U nima qilayotganini tushunish va uni qo'llab-quvvatlash kerak.
«Real» finaldan oldin unga murojaat qilganmi? Men bu haqda u bilan gaplashishni hech qachon istamaganman, chunki g'alaba sari intilayotgan jamoaning sehrini buzishni va bahs-munozaralar keltirib chiqarishni xohlamaganman. U g'alaba uchun qo'lidan kelgan barcha ishni qildi, bor kuchini 100 foiz sarfladi, men undan ortig'ini so'ray olmasdim.
Fikr bildirish