#Zlatan Ibragimovich — yangiliklari

Zlatan Ibragimovich Viktor Dyokereshni himoya qildi:

Dyokeresh — dunyodagi eng yaxshi hujumchilardan biri. Uni "Arsenal"da yetarlicha gol urmayotgani uchun tanqid qilishsa, kulgim keladi. Agar u gol urmayotgan bo'lsa, o'zingizdan so'rang: unga vaziyat yaratib berishyaptimi? U o'tgan mavsum "Arsenal"ga o'tdi, ularga 22 yil ichida ilk chempionlik unvonini yutishda yordam berdi va 20 dan ortiq gol urdi. Haqiqiy hujumchilar shunday qilishadi.

Hujumchi hamma narsani o'zi yarata olmaydi. Unga imkoniyatlar yaratib berish kerak. Agar "Arsenal" vaziyatlar yaratsa-yu, u ulardan foydalana olmasa, tanqidni tushungan bo'lardim. Lekin men buni ko'rmayapman.

Uni Shvetsiya terma jamoasi tarkibida kuzating. Ular vaziyatlar yaratishadi, u esa gol uradi. Bizning Jahon chempionatiga chiqishimizning asosiy sabablaridan biri aynan u.

Men uchun u doim jahon darajasidagi hujumchi bo'lib qoladi. Unga imkoniyat bering. Shunda u gol uradi. Hammasi oddiy.

🗣️ Zlatan Ibragimovich — Markus Reshfordning mavsumi haqida:

Men Reshfordning «Manchester Yunayted»ga qaytishi yomon g'oya ekanligini aytgan edim. Agar «Barselona» u uchun hatto 30 million yevro to'lashga tayyor bo'lmasa, bu «Yunayted» uchun signal bo'lishi kerak edi.

U oltita o'yin o'tkazdi va birorta ham gol urmadi. Qiziq, unda jamoaga qo'shayotgan hissasi nimada? U shunchaki yugurib yuribdi, xolos.

👀 Zlatan Ibragimovich yoz davomida «Milan» atrofida kamroq ko'rinish bera boshladi.

AQSH va Fox Sports

🎙️ bir nechta intervyu

👤 ommaviy chiqishlar soni kamaydi

Ammo muhim jihat shundaki: Ibragimovich RedBird kompaniyasini tark etmagan.

Shved futbolchisi hamon Jerri Kardinalening maslahatchisi sifatida ishlamoqda, shunchaki endilikda klub egasining o'zi ko'proq e'tibor markazida bo'lmoqda.

🔥 Ibragimovich «Milan»dagi ta'sirini haqiqatan ham yo'qotdimi yoki u shunchaki ko'zdan chetda ishlashni afzal ko'rmoqdami?

Zlatan yana Luka Modrich haqida o'z fikrlarini bildirib o'tdi:

Luka — usta. Men uchun u shunchaki futbol o'ynamaydi, u futbolning aynan o'zi. U «Milan» bilan shartnomasini yana bir yilga uzaytirganidan juda xursandmiz.

Ibragimovich, shuningdek, Modrichni o'tgan mavsumda «Milan»ning eng yaxshi o'yinchisi deb hisoblaydi.

U imkoni boricha o'ynashi kerak. U biz bilan birga ekanligidan juda mamnunmiz. O'zi ham juda baxtli.

Zlatan Ibragimovich Netflix uchun bergan intervyusida shunday dedi:

Men Chempionlar ligasida g'alaba qozonishni juda xohlardim va Italiyadagi besh yillik faoliyatimdan so'ng yangi chaqiriq izlayotgan edim. «Barselona» men bilan bog'langanda, o'zimga «la'nati bo'lsin!» dedim. Ammo «Barselona»ga ketishimdan oldin Joze menga shunday dedi: «Sen u yerga Chempionlar ligasi uchun ketyapsan, lekin eslab qol, biz uni shu yil yutmoqchimiz». Men esa unga: «Qanaqa ahmoqsan!» deb javob berdim.

Yarim finalda Pep bilan gaplashib turganimda, Mourinyu orqadan yaqinlashdi. U nima deganini aniq eshitmadim, lekin u «biz hatto o'n kishi bo'lib qolsak ham, bugun finalga chiqamiz» qabilida gapirdi. Va Joze haq bo'lib chiqdi.

Zlatan Ibragimovich Netflix uchun bergan intervyusida Joze Mourinyo bilan ishlagan davrlari haqida gapirib o'tdi:

«Inter»da Joze oldindan aytib bo'lmas darajada edi, har kuni nimadir sodir bo'lardi. U mening o'yin uslubimni o'zgartirdi, maydonda o'zimni yengilmas his qilardim, u meni istalgan raqibni yo'q qilishga qodir qotilga aylantirdi. O'sha yili men eng yaxshi to'purar bo'ldim, gollar urdim, ularning ba'zilarini takrorlab bo'lmasdi. Bu mening egom emas, bu faktlar. Men va Joze g'alaba qozonishni xohlardik va men bunga tayyor edim.

U mening kallamga har bir o'yinda eng yaxshisi ekanligimni isbotlash kerakligini quyib qo'ydi. «Atalanta» bilan 2:2 hisobida durang o'ynayotgan edik, ertasi kuni esa A Seriyaning eng yaxshi futbolchisi sovrinini olishim kerak edi. Ammo tanaffusda u menga shunday dedi: «Uni olayotganingda, o'zingdan uyalasan». Men dovdirab qoldim. «Sen onangga buni loyiq emasligingni, o'yiningga qarab bunga haqli emasligingni aytishing kerak». Ikkinchi bo'limda men aqlbovar qilmas ruh bilan maydonga qaytdim, o'yladim: «Endi bu ahmoqning fikrini o'zgartiraman». U mening o'yinga bo'lgan psixologik yondashuvimni o'zgartirdi, u bu borada eng zo'ri. Va buning uchun men uni hurmat qilaman.

«Milan» klubi egasi Jerri Kardinale Zlatan Ibragimovich faoliyatini yakunlaganidan keyin aslida nimalar bilan shug'ullanishini batafsil tushuntirib berdi.

«Zlatan bilan tanishganimda, bizga yetakchilik yetishmayotganini tushundim. G'alaba qozonishni biladigan inson kiyim almashtirish xonasidagi muhitni o'zgartiradi».

Kardinale ularning birinchi suhbati haqidagi qiziqarli voqeani ham esladi:

Kardinale: «Men unga futbolchilikdan biznesmenlikka o'tishiga yordam bermoqchi edim».

Zlatan: «Zlatan doimo Zlatan bo'lib qoladi. Meni nazorat qilishga urinma».

😄

Kardinalening so'zlariga ko'ra, Ibragimovichning asosiy vazifasi transferlarni amalga oshirish emas, balki egalariga murakkab futbol olamida yo'nalish olishga va boshqalar e'tibor bermaydigan jihatlarni ilg'ashga yordam berishdan iborat.

Tyerri Anri va Zlatan Ibragimovich Fransiya terma jamoasining Marokash ustidan qozongan g'alabasini tahlil qilish jarayonida Maykl Oliseni Tom Brediga qiyoslashdi.

Anri:

Maykl Olisening paslari haqida gapirmoqchiman. To'pni qabul qilgan zahotingiz, hammasi tugadi. Biz hozir Foksborodamiz... Tom Bredi, bu sening oraliq paslaringdan biri.

Ibragimovich:

U yana ajoyib o'yin ko'rsatdi. U pleymeyker edi. Bugun u «Fransiyaning Tom Bredisi» bo'ldi. Olise kabi o'yinchiga ega bo'lsangiz, o'ylamang. Shunchaki yuguring, to'p aynan siz xohlagan joyga yetib keladi.

Ibrahimovich Reyndersning Saudiya Arabistoniga ko'chib o'tish qarorini qo'llab-quvvatladi: 🗣️

Odamlar futbolda niqob kiyishni va avliyo bo'lib ko'rinishni yaxshi ko'rishadi. Ular o'n millionlab dollarlik shartnomalarga imzo chekishadi va buni faqat «loyiha» yoki «an'ana» uchun qilgandek ko'rsatishadi. Bu bema'nilik.

Tijani butun dunyo oldida o'tirib, sof va tahrirlanmagan haqiqatni aytdi. U: «Men oilam va nabiralarimning kelajagini ta'minlamoqchiman, shunda hech kim boshqa ishlashga majbur bo'lmaydi», dedi. Bu nima ekanligini bilasizmi? Bu ochko'zlik emas. Bu o'z nasl-nasabi haqida qayg'uradigan haqiqiy erkak.

U qayerdan chiqqaniga qarang. O'n to'qqiz yoshida mashg'ulotdan so'ng, u shunchaki tirik qolish uchun Aldi supermarketida javonlarni to'ldirgan. U hayotning qadrini biladi. U hech narsaga ega bo'lmaslik nimaligini biladi. Shuning uchun, hayot sizga oilangiz avlodlar davomida qiynalmasligini kafolatlaydigan bitimni taklif qilsa, siz televideniyeda axloq darsini o'tmaysiz — shunchaki qog'ozga imzo chekasiz.

🔴 Kardinale «Milan» — «Benfika» uchrashuvini o'tkazib yuboradi

Bugun «rossonerilar» «San-Siro»da yevrokuboklar mavsumini boshlashadi.

Ammo Jyerri Kardinale bu mavsumda ilk bor o'yinda ishtirok etmaydi.

Shu paytgacha klub egasi barcha o'yinlarda hozir bo'lgan edi:

✅ «Torino»
✅ «Venetsiya»
✅ «Yuventus»
✅ «Latsio»

Kardinale yakshanba kuni «Lechche»ga qarshi o'yinda qaytishi kutilmoqda.

Uning «San-Siro»dagi o'rnini esa 👀 Zlatan Ibragimovich egallashi mumkin.

Ibra dushanba kuni uzoq tanaffusdan so'ng «Milanello»ga qaytdi — endi u mavsumdagi ilk o'yiniga tashrif buyurishi mumkin.

🏟️ «Benfika» bilan bahsda taxminan 60–65 ming tomoshabin kutilmoqda.

Bugun Ibrani «San-Siro»da ko'ramizmi? 🔴⚫

Ferran Torres debyutdayoq elita qatoriga qo'shildi:

Ispaniyalik futbolchi PSJ safidagi ilk o'yinidayoq dubl qayd etgan uchinchi o'yinchiga aylandi:

• Patrik Mboma – 1994-yil
• Zlatan Ibragimovich – 2012-yil
• Ferran Torres – 2026-yil

– va bu hali boshlanishi!

Joze Mourinyo Netflix uchun bergan intervyusida Zlatan Ibragimovichning «Barselona»ga o'tishi haqida shunday dedi:

Ibragimovich «Barselona»da? Eng muhim o'yinchimizni yo'qotish og'ir zarba bo'lgan. Yordamchilarimdan biri yig'lab: «Uzsiz biz halok bo'lamiz», degandi. Bizga nima kerakligini bilardik: tezkor jamoa va kreativ o'yinchi. Massimo Moratti muzokaralarda aqlbovar qilmas ishni amalga oshirdi: Ibragimovichni shunchaki pulga sotish o'rniga, ham pul, ham Eto'Oni qo'lga kiritdi.

«Mag'lubiyat — bu g'alabali yo'lning boshlanishi xolos. «Manchester Yunayted»dan uchralgan mag'lubiyat o'sha yo'lning boshlanishi edi. «Inter»dagi ishim o'sha paytda hali yakuniga yetmagandi», — deya qo'shimcha qildi murabbiy.

«Milan»ning «Chelsi»dan uchralgan mag'lubiyatidan bir necha daqiqa o'tib, Zlatan Ibragimovich o'rmonda grilda go'sht pishirayotgan surati bilan bo'lishdi va unga «Wild Chef» deb izoh qoldirdi 🥩🔥

Shundan so'ng barchasi boshlandi… 😬

«Rossoneri»ning katta maslahatchisi (Senior Advisor) muxlislar tomonidan tanqid qilindi. Jurnalist Sandro Sabatini esa bunday mag'lubiyatdan keyin bu kabi post yaxshi taassurot qoldirmasligini ta'kidladi.

🤔 Ibraning bu vaqt tanlovi haqida nima deb o'ylaysiz?

🗣️ Zlatan Ibragimovichning INEOS va "Manchester Yunayted" haqidagi fikrlari:

"Ortga nazar tashlaydigan bo'lsak, ehtimol, INEOSning boshqa murabbiyni jiddiy izlamaganining sababi bordir.

Qaysi top-murabbiy raqiblar uning asosiy transfer nishonlarini ilib ketayotganini, o'z jamoasi esa eng muammoli pozitsiyalarni kuchaytira olmayotganini ko'rib turib, klubni boshqarishga rozi bo'ladi?

Agar transfer bozoridagi ish bosh murabbiyning qarashlariga mos kelmasa, bunday loyiha muvaffaqiyat qozonish uchun real imkoniyatga ega bo'lguniga qadar barbod bo'lishi mumkin".