#Pep Chavarriga — yangiliklari

🔵 Pep Chavarriyaning «Chelsi» safidagi ilk intervyusi:

💬 Pep, Kobbhemga xush kelibsan! Seni bu yerda ko'rib turganimizdan xursandmiz. Endi sen rasman «Chelsi» futbolchisisan. Tuyg'ularing qanday?

Katta rahmat. Bu men uchun katta sharaf va amalga oshgan orzu. Bu dunyoning eng buyuk klublaridan biri va bugun hayotimdagi eng yaxshi kunlardan biri ekanligi aniq.

💬 Seni yaqinroq bilishni istagan muxlislar uchun o'zingni futbolchi va inson sifatida qanday ta'riflagan bo'larding?

Inson sifatida juda do'stona va ochiqko'ngilman, futbolchi sifatida esa hujum qilishni, himoyalanishni, jarima maydonidan jarima maydonigacha o'ynashni yaxshi ko'raman va yuqori intensivligim bilan ajralib turaman. Maydonda energiya bilan to'laman va nazarimda, bular mening asosiy kuchli tomonlarim.

💬 Bu Ispaniyadan tashqaridagi ilk transfering. Yangi muhitga tushib qolganing va yangi chaqiriqqa duch kelayotganingdan qanchalik hayajondasan?

Butun umrim davomida Ispaniyada o'ynaganman, ammo men uchun Premer-liga hozir dunyodagi eng yaxshi liga. Bu yerda daraja yuqori, intensivlik yuqori va menimcha, bu men uchun eng yaxshi chempionat.

💬 Xabi Alonso bilan gaplashishga ulgurdingmi?

Ha, Xabi bilan gaplashdim. Men aynan u tufayli shu yerdaman. U men uchun hozir eng yaxshi murabbiylardan biri. U shuningdek, eng yaxshi futbolchilardan biri bo'lgan va bu yerda bo'lish men uchun katta sharaf. Xabi bilan gaplashganimda, u menga: «O'zingni erkin his qil va avvalgidek harakat qil, hech narsani o'zgartirma», dedi.

💬 Bolaligingda futbolni ko'p tomosha qilganingni eshitganman. «Chelsi»ning sobiq futbolchilari orasida seni ilhomlantiradiganlar bormi?

Kichkinaligimda Drogba va Lempardni ko'rganman. «Chelsi»ning «Barselona»ga qarshi o'yinini eslayman va har doim bu klubni kuzatib borganman.

💬 Ispaniya futbolining quyi pog'onalaridan cho'qqisigacha bo'lgan yo'lni bosib o'tding. Shu darajaga yetib kelganingdan qanchalik faxrlanasan?

Bu men uchun katta sharaf, chunki bu klubga kirib kelish uchun juda ko'p mehnat qildim.

💬 Har doim professional futbolchi bo'lishingga ishonganmisan?

Ha, bolaligimdan. Ich-ichimdan har doim o'zimga professional futbolchi bo'lishimni aytganman. Har doim katta klubga o'tishimni o'ylaganman, lekin «Chelsi»da bo'lishimni tasavvur ham qila olmasdim.

💬 «Chelsi» futbolchisi sifatidagi kelajakdagi ambitsiyalaring qanday?

«Chelsi» har doim barcha sovrinlarni yutishi kerak va bizdagi kabi top-futbolchilar bilan bunga erishish mumkin deb o'ylayman. Bu Londonning eng yaxshi klubi. Biz qattiq ishlashimiz kerak.

💬 «Chelsi» muxlislariga biror narsa demoqchimisan?

Bu yerda ekanligimdan juda xursandman. Men uchun bu orzu. Barcha sovrinlarni yutish uchun qo'limdan kelganini qilaman.

Rasman: Pep Chavarría — «Chelsi» futbolchisi!

Transfer summasi 19 million yevroni tashkil etadi, shuningdek, 2 million yevro bonuslar ko'zda tutilgan. Futbolchi bilan 2032-yilning iyuniga qadar mo'ljallangan shartnoma imzolandi.

Xush kelibsan va omad yor bo'lsin!

Pep Chavarría «Chelsi» futbolchisi sifatidagi ilk intervyusini berdi. Asosiy fikrlar:

O'zi haqida:

Inson sifatida juda do'stona va ochiq ko'ngilman. Futbolchi sifatida esa ham hujumda, ham himoyada ishlashni, jarima maydonchasidan jarima maydonchasigacha yugurishni yaxshi ko'raman. Men intensiv o'yinchi hisoblanaman. O'ylaymanki, bular mening asosiy sifatlarim.

Xabi bilan suhbat haqida:

Men bu yerda Xabi tufayliman. Men uchun u ayni damda dunyoning eng yaxshi murabbiylaridan biri, o'z vaqtida esa eng yaxshi futbolchilardan biri bo'lgan. Bu yerda bo'lish men uchun katta sharaf. Men Xabi bilan gaplashdim va u menga: «Shu ruhda davom et, hech narsani o'zgartirma», dedi.

«Chelsi»dagi sevimli futbolchilari haqida:

Bolaligimda Drogba va Lempardni kuzatardim. «Chelsi»ning «Barselona»ga qarshi o'yinlari yodimda – men doim ushbu klubni kuzatib borganman.

«Chelsi»dagi maqsadlari haqida:

«Chelsi» doimo barcha sovrinlar uchun kurashishi kerak. Bu Londonning eng yaxshi klubi. Biz ko'p ishlashimiz kerak va o'ylaymanki, bunday saviyadagi o'yinchilar bilan bunga erishish mumkin.

Fabrisio Romano xabariga ko'ra, Pep Chavarría transferi bo'yicha «Here we go!» kelishuvi amalga oshdi.

Transfer summasi 19 million yevroni tashkil etadi, shuningdek, yana 2 million yevro bonuslar ko'rinishida nazarda tutilgan.

🚨 Chelsi Pep Chavarriga transferi bo'yicha harakatlarni kuchaytirdi.

London klubi chap qanot himoyachisi uchun Rayo Valyekanoga yangi taklif yubordi. Bonuslar bilan birga ushbu summa 25 million yevroni tashkil qiladi.

Futbolchi Chelsi bilan shaxsiy shartnoma shartlarini to'liq kelishib olgan va klublar yaqin orada murosaga kelishiga umid qilmoqda. Chavarriga Premer-ligada o'ynashni orzu qiladi va transferni osonlashtirish uchun maoshini kamaytirishga ham rozi bo'lgan.

Shu bilan birga, Rayo bonuslarsiz 25 million yevro talab qilishi mumkin. Yakuniy qaror muzokaralarni shaxsan olib borayotgan Rayo prezidentiga bog'liq bo'ladi.

Chavarriga transferi Xabi Alonsoning shaxsiy talabi hisoblanadi. Ispaniyalik murabbiy uni bir nechta pozitsiyada o'ynay olishi sababli ideal variant deb hisoblaydi.

💙 Pep Chavarría «Chelsi»ga o'tishi borasida o'z fikrlari bilan o'rtoqlashdi:

«Orzuyim ushaldi, chunki «Chelsi» dunyoning eng yirik klublaridan biri. Bu katta imkoniyat, men tayyorman va jamoaga muvaffaqiyat qozonishda yordam berish uchun astoydil mehnat qilaman».

«O'yinchi sifatida hujum qilishni, himoyalanishni, maydonning butun kengligi bo'ylab harakat qilishni yoqtiraman va menda juda yuqori intensivlik darajasi bor. Maydonda menda energiya ko'p. Bular mening asosiy kuchli tomonlarim».

«Butun umrim davomida Ispaniyada o'ynaganman, lekin men uchun Premer-liga hozir dunyodagi eng yaxshi liga. Bu yerda ekanligimdan juda xursandman va yangi jamoadoshlarim bilan tanishishni istayman».

🔥 Pep Chavarría «Chelsi» futbolchisiga aylandi.

Himoyachi 2031-yilning yoziga qadar mo‘ljallangan shartnomani imzoladi.

Fabrisio Romano xabariga ko'ra, Pep Chavarría bugun tibbiy ko'rikdan o'tish va shartnoma imzolash uchun Angliyaga uchib ketadi. 🚨

Tomonlar 19 million yevro va qo'shimcha 2 million yevro bonus evaziga kelishuvga erishgan.

Fabrisio Romano xabariga ko'ra, Pep Chavarría bugun tibbiy ko'rikdan o'tish va shartnoma imzolash uchun Angliyaga yo'l oladi.

Pep Chavarría bugun «Chelsi»dagi tibbiy ko'rik va shartnoma imzolash uchun Angliyaga uchib ketmoqda. 19 million yevro va qo'shimcha 2 million yevrolik kelishuv kecha tunda yakunlandi.

BBC xabariga ko'ra, "Rayo Valyekano" Pep Chavarría uchun avval so'ralgan 20-25 million funt sterling bilan kifoyalanmayapti. Endilikda klub futbolchining tovon puli sifatida 42,4 million funt talab qilmoqda 🙃