Niderlandiyalik himoyachi Sem Bekema «Napoli» va «Roma» o'rtasidagi o'yindan so'ng muxlislarga murojaat qilib, uzr so'radi.
🙏 Sem Bekema muxlislardan uzr so'radi
✍️ Niderlandiyalik markaziy himoyachi ijtimoiy tarmoqlarda shunday deb yozdi:
Kecha o'yin qanday yakunlangani uchun uzr so'rayman. Shunday lahzalar borki, ulardan saboq olish va yanada katta qat'iyat bilan boshqatdan boshlash kerak. Men shunday qilaman. Boshni baland ko'tarib, ishlashda davom etamiz.
Neapolitan jurnalisti Luka Chirillo "Napoli" - "Roma" uchrashuvidan so'ng Sem Bekemaning o'yinini keskin tanqid qildi.
1/2 🔥🔥🔥 "Sem Bekema – haqiqiy falokat!"
✍️ Neapolitan jurnalisti Luka Chirillo "Napoli" - "Roma" o'yinidan keyin o'z hissiyotlarini yashirmadi:
"Lorenso Lukka uchun sarflangan 35 million yevro "Napoli" muxlislarini asabiylashtirishda davom etayotgan bir paytda, Bekema uchun sarflangan taxminan 32 million yevro muammo tug'dirdi. 51-daqiqada jarohat olgan Badyashil o'rniga maydonga tushgan futbolchi, "Napoli" 2:0 hisobida oldinda borayotgan bir pallada, bir qator konseptual va pozitsion xatolarga yo'l qo'ydi. Bu xatolar mehmonlarga o'yinda jonlanish imkonini berdi. Avvalo, Sem ikkilanib qoldi va Matias Soulega zarba berish uchun bo'sh joy qoldirdi, bu esa "Roma"ni o'yinga qaytardi. Vaziyatga munosabat bildirishdagi bunday ojizlik bu darajada qabul qilib bo'lmas holat."
Sem Bekema jarohatdan to'liq forig' bo'ldi. Massimiliano Allegri uni «Inter»ga qarshi o'yinda asosiy tarkibda maydonga tushirishi mumkin.
Sem Bekema 100 foizga tiklanib oldi.
SKY Sport xabariga ko'ra, Massimiliano Allegri niderlandiyalik markaziy himoyachini «Inter»ga qarshi o'yinda asosiy tarkibda maydonga tushirish variantini ko'rib chiqmoqda.
Sem Bekema «Napoli»dagi faoliyati, shaharga bo'lgan muhabbati hamda jamoa bilan skudetto va sovrinlar yutish maqsadlari haqida gapirdi.
Sem Bekema «Napoli»dagi faoliyati, shahar hayoti va jamoaning maqsadlari haqida gapirib o'tdi.
«Napoli» men uchun noyob narsa!
Jamoaning bu yilgi imkoniyatlari haqida:
Albatta, biz imkon qadar yuqoriga ko'tarilishga umid qilamiz; biz eng cho'qqiga chiqishni istaymiz. Biz allaqachon buning ustida ishlashni boshladik.
Neapol shahri va jamoada o'ynash haqida:
Ikkalasi ham. «Napoli»da o'ynash — katta sharaf, shaharning o'zi esa juda go'zal. Bu yerda sayr qilish juda yoqimli.
Jamoadagi muhit haqida:
Paskuale Matsokkining borligi juda muhim. Jamoada Paskuale va Antonio kabi neapolliklar borligi juda yaxshi.
Yangi imij haqida:
Men Yaponiyada ta'tilda edim va oilam imijimni o'zgartirishni taklif qildi. Oxir-oqibat, bunga qaror qildim, garchi avvaliga biroz xavotirlangan bo'lsam ham. Bunday soch turmagi bilan juda qulay va shunchaki o'zgarishlar xohlagan edim.
Yevropa maydonlaridagi maqsadlar haqida:
Biz o'tgan yilgidan ko'ra yaxshiroq natija ko'rsatishni istaymiz, bu aniq. Biz Yevropa sahnasida ham maksimal muvaffaqiyatga erishmoqchimiz.
Superkubokdagi g'alaba haqida:
Bu «Napoli» bilan qo'lga kiritgan birinchi sovrinim edi, hislar aqlbovar qilmas darajada. Ammo men yanada ko'proq yutishga umid qilaman. Asosiysi - g'alaba qozonish!
Mavsumdagi shaxsiy maqsadlar haqida:
Albatta, Niderlandiya terma jamoasiga chaqiruv olish, shuningdek, «Napoli» bilan ko'plab sovrinlarni yutish va skudettoga ega chiqish!
Chempion jamoaga kelish va kelajak haqida:
Italiya chempioni sizni chaqirganda, faxr tuyasiz va darhol kelishni xohlaysiz! «Napoli»dan qo'ng'iroq bo'lganda xayolga keladigan birinchi fikr shu. Chempionlik unvonini himoya qilish yanada qiyinroq. Afsuski, o'tgan yili buni uddalay olmadik, ammo bu yil biz yana skudetto uchun kurashib ko'ramiz.
Sem Bekema qishki transfer oynasida «Napoli»ni tark etishi mumkin. Nikolo Skira xabariga ko'ra, himoyachining o'yini klubni qoniqtirmagan.
Sem Bekema qishki transfer oynasida «Napoli»ni tark etishi mumkin bo'lgan futbolchilar qatorida.
Nikolo Skira, transfer bozori eksperti yozishicha:
Sem Bekema qishki transfer oynasi vaqtida «Napoli»ni tark etishi mumkin. Niderlandiyalik markaziy himoyachining o'yini klubni qoniqtirmadi va u Allegri rejalarida asosiy futbolchi hisoblanmaydi.
2025-yil yozida «Bolonya»dan taxminan 30 million yevro evaziga 2030-yilgacha mo'ljallangan shartnoma bilan kelib qo'shilgan niderlandiyalik markaziy himoyachi asosiy tarkibdan joy olishda qiynalmoqda.
«Napoli» - «Roma» uchrashuvidagi xatolaridan so'ng Sem Bekema neapollik jurnalistlar tomonidan keskin tanqid qilindi.
Sem Bekema tanqidlar ostida qoldi.
«Napoli» - «Roma» uchrashuvining natijasiga ta'sir qilgan asosiy epizodlardan biri niderlandiyalik himoyachining rimliklar tomonidan urilgan uchinchi gol oldidan tushunarsiz harakatlari bo'ldi. Ushbu vaziyat partenopeyliklar tarkibidagi katta muammoni yuzaga chiqardi, bu haqda neapollik jurnalist Gaetano Gambrinella juda hissiyot bilan yozdi:
Reyting — bu uchta omilning o'rtacha qiymati.
1. O'yinchining qiymati, to'langan narxdan kelib chiqqan holda, ya'ni 32 million, bu Kvaraga to'langan narxdan to'rt baravar, Kavaniga to'langanidan deyarli ikki baravar ko'p. Samaradorlik va sarflangan pul nisbati uchun nol.
2. Bugungi o'yin: Soule gol urmoqda, Bekema kech harakat qilmoqda. Balerdi o'zining ikkinchi golini urganda o'yindan chiqib qolmoqda, yo'qolib qolmoqda. Demak, ishonchlilik uchun nol.
Sem Bekema jarohatdan qaytgani va jamoaga yordam berishga tayyor ekanligi haqida gapirdi. Shuningdek, u Allegri bilan ishlash jarayoni haqida to'xtaldi.
Sem Bekema Radio KissKiss nashriga intervyu berdi:
O'zimni a'lo darajada his qilyapman. Bir necha hafta oldin umumiy guruhga qaytdim. Men tayyorman va jamoaga yordam berish imkoniyatini intiqlik bilan kutyapman. Albatta, buni juda xohlayman va safdan chiqish menga yoqimsiz bo'ldi. Haqiqat shundaki, menda pay bilan bog'liq muammo bor edi va men mashg'ulot yig'inlarida to'liq kuch bilan ishlay olmadim, bu mavsumga eng yaxshi tayyorgarlik ko'rish uchun muhim davr, har bir futbolchi uchun fundamental ahamiyatga ega. Bu juda achinarli, ammo kelajakka nazar tashlaylik. Hozir o'zimni yaxshi his qilyapman va tayyorman.
Allegri barcha o'yinchilarga - himoyachilar, yarim himoyachilar va hujumchilarga doimo ko'rsatmalar berib boradi. U bizga har doim juda e'tiborli bo'lishni aytadi. Himoyada o'ynaganimizda, biz passiv bo'lmasligimiz, aksincha, yakkakurashlarda doimo faol bo'lishimiz kerak; bu juda muhim. Biz mashg'ulotlarda diqqatni jamlashimiz va har doim bor kuchimizni berishimiz kerak. Afsuski, so'nggi bir nechta o'yinda g'alaba qozona olmadik.
Niderlandiyalik himoyachi Sem Bekema axill payidagi surunkali jarohat sababli reabilitatsiya jarayonini o'tkazmoqda. Uning safga qaytish muddati aniq emas.
Sem Bekema bilan nimalar bo'lmoqda?
Kecha bo'lib o'tgan matbuot anjumanining boshida sport direktori Manna niderlandiyalik himoyachini o'tgan mavsumdan buyon qiynab kelayotgan muammolar haqida gapirib o'tdi.
Neapollik jurnalist Alessandro Sepe Mannaning so'zlariga aniqlik kiritdi. Unga ko'ra, Sem axill payining surunkali jarohatidan aziyat chekmoqda.
Ayni damda Bekema reabilitatsiya jarayonini o'tkazmoqda, biroq uning safga qaytish muddatlari hozircha noma'lum.