#Shergi — yangiliklari

Mark Gehi Rayan Sherki haqida:

U fantastik futbolchi, uning oldida katta kelajak turibdi. U allaqachon ko'p narsani o'zgartirdi va odatda har qanday o'yinga ta'sir o'tkaza oladi. Biz uni yaxshi ko'ramiz va u rivojlanishda davom etishini istaymiz. U doimo tabassum qiladi — shunchaki ajoyib yigit, uni yonimizda ko'rish yoqimli.

PFA (Professional futbolchilar assotsiatsiyasi) yakunlangan mavsum yakunlariga ko'ra APLning ramziy terma jamoasini e'lon qildi.

Ushbu ro'yxatdan Niko O'Rayli, Erling Xoland, Rayan Sherki va Antuan Semenyo kabi futbolchilar o'rin olishdi.

📊 Rayan Sherki o'tgan mavsum boshidan buyon APLda o'yindan assistlar amalga oshirish bo'yicha yetakchi hisoblanadi (12 ta).

⬜️ Bugun u 2021-yilda Gyundogandan keyin zaxiradan maydonga tushib, bitta o'yinda 2 ta assist qayd etgan ilk "Manchester Siti" futbolchisiga aylandi.

Enzo Mareska yangi mavsum va futboldagi yangi tendensiyalar haqida o'z fikrlari bilan o'rtoqlashdi.

Moslashish kerak. Agar uch yil avvalgi holat bilan solishtirsak, hozirgi asosiy farq — standart vaziyatlar va deyarli barcha jamoalar qo'llayotgan shaxsiy pressing. "Arsenal" standartlarga juda katta urg'u beradi. Ular o'yinlarda g'alaba qozonish uchun turli usullardan foydalanishadi. Biz ham standartlar borasida yaxshilanishga harakat qilamiz, chunki ular o'yin taqdirini hal qilishi mumkin.

Shaxsiy himoyalanish tendensiyasi uzoq davom etishiga ishonmayman. Masalan, o'tgan mavsum "Nyukasl" "Barselona"ga qarshi o'ynadi — 2:7. "Atalanta" "Bavariya" bilan — 1:6. "Chelsi" PSJga qarshi shaxsiy himoyalanishga urinib ko'rdi va ular bizni tor-mor etishdi — ikki o'yin natijasiga ko'ra 8:2.

Odatda himoyalanayotgan jamoalar shaxsiy himoyadan yechim topishadi. Ammo endi to'p bilan o'yin quradigan jamoalar bunga qarshi choralar izlashni boshlashdi. Qachonligini bilmayman, lekin shaxsiy himoyalanish borasida o'zgarishlar bo'ladi deb o'ylayman. Ko'plab jamoalar shunday o'ynashini bilamiz, shuning uchun yechimlar izlayapmiz. Bu qancha davom etishini bilmayman. O'tgan mavsum jamoalar kuchli raqiblarga qarshi shaxsiy himoyalanishga uringanda, juda ko'p gol o'tkazib yuborishdi. Shaxsiy himoyaga qarshi son jihatidan ustunlik yarata oladigan futbolchilar kerak.

PSJga qarang. Nega ular bunchalik kuchli? Deyarli barcha raqiblar ularga qarshi shaxsiy himoyalanishadi, lekin ularda qanotda Ashraf Hakimi bor — birga-bir vaziyatda ajoyib. Nunu Mendesh — birga-birda ajoyib. Vingerlar, yarim himoyachilar... Shu bilan birga, bu o'yinchilarning ko'pini jismonan juda baquvvat deb bo'lmaydi.

Mendesh, Hakimi, Dezire Due yoki Bredli Barkolani jismoniy jihatdan yirtqichlar deb bo'lmaydi. Lekin ular kuchli, chunki raqibini birga-bir vaziyatda dog'da qoldira oladi, undan o'zib ketadi va to'pni oldinga olib o'tadi. Aynan shuning uchun PSJ so'nggi ikki-uch yilda shunchalik kuchli: ularda birga-bir vaziyatlarda g'olib chiqadigan futbolchilar bor.

Sizga birga-bir vaziyatlarda kuchli va to'pni dribling bilan oldinga olib o'ta oladigan o'yinchilar kerak. Raqibni bir marta aldab o'tishning o'zi yetarli emas — shundan keyin to'p bilan harakatni davom ettirish kerak. Rayan Sherki aynan shunday sifatlarga ega. Lekin gap faqat bitta pozitsiya haqida ketmayapti. Shaxsiy himoyalanadigan jamoalarga qarshi sizga qanot himoyachilari ham, raqibini birga-bir vaziyatda yengib o'ta oladigan boshqa futbolchilar ham kerak...

Rasman: Niko O'Rayli, Rayan Sherki, Erling Xoland va Antuan Semenyo PFA talqiniga ko'ra Premer-liganing ramziy terma jamoasidan joy olishdi.

To'liq tarkib: Raya; Timber, Saliba, Gabriel, O'Rayli; Rays, Fernandesh, Sherki; Semenyo, Xoland, Tyago.

Enzo Mareska Fil Foden va Rayan Sherki haqida quyidagicha fikr bildirdi:

Ular birga, turli pozitsiyalarda o'ynay olishadi. Lekin ular bir-biriga juda o'xshash. Agar kuchli jamoa qurmoqchi bo'lsangiz, raqobat kerak. Fil va Rayanda raqobat borligi yaxshi, lekin ba'zi o'yinlarda ular bemalol birga harakat qilishlari mumkin.