Roberto Sosa: «Napoli» o'yini va murabbiy qarorlari haqida
«Napoli»ning sobiq hujumchisi Roberto Sosa jamoaning o'yini va murabbiyning qarorlari haqida o'z fikrlarini bildirib o'tdi.
Roberto «El-Pampa» Sosa, «Napoli»ning sobiq hujumchisi, Tele A telekanali efirida:
«Barchasi «Jenoa» ustidan qozonilgan g'alabani maqtashdi, vaholanki, o'sha o'yinda ham «Napoli» 60 daqiqa davomida xuddi shunday qiyinchiliklarga duch kelgandi.
O'shanda gol o'tkazib yubormaganimizga sabab, Kolombo va Vitinya kabi o'yinchilarda Baturina, Duvikas va shunga o'xshash futbolchilar darajasidagi mahorat yetishmasligidir.
Biz hammamiz «Komo» tashabbusni o'z qo'liga olishini, «Napoli» esa himoyadan o'ynashini bilardik. Yomon formada ekanlik yoki omadsiz almashtirishlardan bahona izlash kerak emas. Ilgari murabbiy almashtirishlar orqali o'yinni topdi deyishardi, demak, bugun u xato qildimi? Masalan, Vergara bilan nima bo'ldi? Anchelotti har doim shunday derdi: agar almashtirishlar ish bersa, demak, asosiy tarkib noto'g'ri tanlangan bo'ladi, — biroq biz doimiy ravishda aynan almashtirishlar g'alaba keltirganini eshitib keldik.»