Genoa — yangiliklari

Transfer bozori eksperti Alfredo Pedulla kecha kechqurun SportItalia efirida Gratsning Shturm klubi himoyachi Nosa Obaretin bilan qiziqayotganini ma'lum qildi.

Avstriyaliklar allaqachon futbolchi bilan bog'lanib, uning roziligini olishgan. Endi klublar o'zaro kelishib olishlari kerak.

Obaretin Napoli tomonidan transferga qo'yilgan futbolchi sifatida qaralayotgandi. Ammo Jenoa bilan muzokaralar muvaffaqiyatsiz yakunlangani va markaziy himoyachilarning jarohatlari sababli unga yangi jamoa izlash to'xtatilgan edi. Biroq Badyashil kelganidan so'ng, bu jarayon qayta tiklandi.

Roma Robinio Vazning kelajagi borasida o'z qarorini o'zgartirgani yo'q.

Tuttomercatoweb.com xabariga ko'ra, so'nggi haftalarda futbolchiga Bolonya, Fiorentina, Jenoa va Venesiya klublari qiziqish bildirgan. Ushbu to'rt klub hujumchini ijaraga olish bo'yicha muzokara olib borgan, biroq Roma ularning barchasiga rad javobini bergan.

Rimliklar fransiyalik futbolchini sotish niyatida emas. Klub uni qo'yib yuborishi uchun to'liq transfer huquqini sotib olish bo'yicha munosib taklif bo'lishi kerak, aks holda Vaz poytaxtda qolishi mumkin.

Ekrem Konur xabariga ko'ra, ukrainalik hujumchi uchun kurashga «Vilyarreal» ham qo'shildi.

«Roma» doimiy transferni amalga oshirish uchun vositachilar bilan ishlamoqda: «Fiorentina» dastlabki rasmiy taklifni yubordi, agentlar «Jenoa» bilan bog'lanishdi, Ispaniyada esa «Betis» hamon futbolchiga qiziqish bildirmoqda.

📰 Lorenzo Bettoni, Sky Sport Italia:

Jenoa Elliot Strudning agentlarini sudga bermoqchi, chunki ma'lumotlarga ko'ra, shved qanot yarim himoyachisi Grifonlar bilan dastlabki shartnomani imzolagan, ammo so'nggi daqiqada Xall Siti safiga o'tishga qaror qilgan.

Elliotning Xall Sitiga kutilayotgan o'tishi Jenoa va futbolchining vakillari o'rtasida huquqiy nizoga sabab bo'lishi mumkin.

Yo'lbarslar hali Strudning transferini e'lon qilgani yo'q.

Jeff Ekhator muxlislar bilan uchrashuvda o'z taassurotlari bilan o'rtoqlashdi.

«Debyutim men orzu qilgandek o'tmadi, ammo hozirda imkon qadar tezroq tiklanish uchun astoydil mehnat qilyapman. Jamoadoshlarim — buyuk chempionlar va futbolchilar, ular menga juda ko'p yordam berishmoqda. O'zimni bu yerda ajoyib his qilyapman.

Turin shahriga qanday kelib qolganimga kelsak, shunchaki «Jenoa» yig'inlariga tayyor bo'lish uchun mashg'ulot o'tkazayotgan edim, keyin esa taklif tushdi...

Bu yerda o'zimni qanday his qilyapman? Bu aqlbovar qilmas his-tuyg'ular va shaxsiy g'ururim. Bolaligimdan beri shu ishni orzu qilgan inson uchun «Yuventus»da bo'lish — sodir bo'lishi mumkin bo'lgan eng yaxshi narsa. «Yuventus» klubi nomini eshitishning o'ziyoq ko'zlaringizni porlatishga yetarli.

Hozir 19 yoshdaman, shuning uchun faqat o'sish, kuchayish va jamoamga yordam berish haqida o'ylayapman.

Spalletti ajoyib murabbiy va menga juda ko'p yordam beryapti. Doimiy ravishda maslahatlar beradi, hatto bir necha bor individual ishlash uchun mashg'ulotlardan keyin ham qolganmiz».

"Jenoa" klubi Traoreni ijaraga olganini rasman e'lon qildi.

"Italiyaga qaytganimdan juda xursandman va menga imkoniyat bergani uchun "Jenoa"ga minnatdorchilik bildiraman. Murabbiy, jamoadoshlarim va muxlislarning ishonchini oqlashga umid qilaman."

Matteo Moretto xabar berishicha, hujumchi kelajakdagi klubi borasida ikkilanmoqda, shoshilmaslikni istaydi va boshqa takliflardan umidvor. Moliyaviy jihatlar ham kelishuvni sekinlashtirmoqda: ukrainalik futbolchi yiliga 3,5 million yevro maosh oladi, bu «rossoblu» uchun yuqori summa hisoblanadi, «Roma» esa transfer uchun 25 million yevro atrofida mablag‘ talab qilmoqda.

«Betis» esa hozircha soyada qolmoqda va hali hech qanday rasmiy taklif bilan chiqqani yo‘q.