Mario Gila mushaklaridagi jarohatdan so'ng Milan mashg'ulotlariga qaytdi. Ximenes va Pulishich esa hali individual ishlamoqda.
Milanello bazasidan yaxshi xabarlar ❤️🖤
Mario Gila mushaklaridagi jarohatdan so'ng jamoa bilan qisman mashg'ulotlarga qaytdi! 💪
Ximenes va Pulishich esa hozircha individual tarzda shug'ullanmoqda va ular hali umumiy guruhga qo'shilishga tayyor emas.
Gilaning qaytishi mavsumoldi tayyorgarlik davrida juda qo'l keladi! 🔥
Milan futbolchilari Mario Gila, Kristian Pulishich va Santyago Ximenes jarohatlari sabab jamoa bilan birga Avstraliyaga yo'l olishmadi.
🚑 Milan lazareti hali ham to'lmoqda.
❌ Mario Gila yakka tartibda shug'ullanishda davom etmoqda va Avstraliyada Interga qarshi o'yinda maydonga tushmaydi. Klub tavakkal qilmaslikka va himoyachiga to'liq tiklanish uchun vaqt berishga qaror qildi.
🏥 Kristian Pulishich va Santyago Ximenes Milanelloda qolishdi:
Pulishich boldir suyagining stress sinishidan so'ng tiklanish jarayonini o'tkazmoqda.
Ximenes to'piq paylaridagi cho'zilishni davolamoqda.
⏳ Jamoa Avstraliyadan qaytgach, shifokorlar ularning holatini baholashadi. Asosiy maqsad — har ikkisini ham A Seriya startiga tayyorlash. Milan 23-avgust kuni chempionat doirasida Torino bilan bahs olib boradi.
🔴 O'yinchilarning salomatligi har qanday o'rtoqlik o'yinidan muhimroq. Asosiysi — mavsum boshiga yangi asoratlarsiz yetib kelish.
ESPN jahon chempionatida o'z muxlislarini ko'proq xafa qilgan futbolchilardan iborat ramziy terma jamoani e'lon qildi.
ESPN nashri jahon chempionatida o'z muxlislarini ko'proq xafa qilgan futbolchilardan iborat ramziy terma jamoani e'lon qildi. Ushbu ro'yxatdan Kristian Pulishich ham o'rin oldi.
Kristian Pulishich Belgiya bilan o'yinda jarohat oldi. Futbolchi 3-6 haftaga safdan chiqdi va A Seriya startini o'tkazib yuborishi mumkin.
Tibbiyot shtabidan olingan yangi ma'lumotlarga ko'ra, Kristian Belgiya bilan o'yinning 60-daqiqasida kichik boldir suyagining yoriqini olgan 😟
Tiklanish muddati: 3-6 hafta.
Gazzetta dello Sport xabariga ko'ra, futbolchining A Seriya doirasidagi Torino bilan mavsum ochilish o'yinida maydonga tushishi so'roq ostida qolmoqda. Vaziyat shundaki, reabilitatsiya davri ta'til vaqtiga to'g'ri keladi, bu esa o'yinchining mashg'ulotlarga tayyorgarliksiz qaytishini anglatadi.
O'tgan mavsumda ham mushaklardagi jarohatlar bilan qiynalgan futbolchining jismoniy holati yana savol ostida qolmoqda. Kristian yangi loyihaning markaziy figurasi ekanligini hisobga olsak, klub uning yuklamalarini boshqarishda ehtiyotkor bo'lishi kerak 🔴⚫
Kristianning tezroq safga qaytishini tilab qolamiz.
Milan futbolchilari Kristian Pulisich va Matteo Gabbiya jarohatdan so'ng mashg'ulotlarga qaytishmoqda.
Milanellodan "Torino"ga qarshi o'yin oldidan yaxshi xabarlar kelmoqda! 🙌
"Milan"da jarohat olgan futbolchilar bilan bog'liq vaziyat asta-sekin yaxshilanmoqda.
Kristian Pulisich 41 kunlik tanaffusdan so'ng, mashg'ulotlarning birinchi qismini umumiy guruh bilan birga o'tkazdi! 💪
Ertaga esa to'pig'idagi muammo sabab so'nggi kunlarni o'tkazib yuborgan Matteo Gabbiya ham jamoaviy mashg'ulotlarga qaytishi kutilmoqda.
Pulisich yakshanba kuni "Torino"ga qarshi maydonga tusha oladimi yoki yo'q, hozircha noma'lum, ammo uning mashg'ulotlarga qaytishi mavsum oldidan ijobiy signal hisoblanadi. 🔥
Ruben Amorim uchun Gabbiya ham safga qaytayotgani muhim, murabbiy himoya chizig'ini shakllantirish uchun yana bir variantga ega bo'ladi.
Yangi mavsumning birinchi rasmiy o'yiniga ham oz vaqt qoldi! ⚽
Ruben Amorim Kristian Pulishichdan qanday foydalanmoqchi? Murabbiy amerikalik futbolchini «Milan»ning asosiy o'yinchilaridan biri sifatida ko'rmoqda.
Ruben Amorim ertaga ilk bor Kristian Pulishich bilan shaxsan uchrashadi. Murabbiy amerikalik futbolchini «Milan»ning asosiy o'yinchilaridan biri sifatida ko'rmoqda.
Amorim Pulishichni qanotda emas, balki chiziqlar orasida, markazga va hujumchiga yaqinroq hududda o'ynatmoqchi. Aynan shu pozitsiyada uning kombinatsion o'yini va harakatlari maksimal darajada ochilishi mumkin.
🔥 Pulishich va Gonsalu Ramush bog'lamasini kuzatish ayniqsa qiziqarli bo'ladi: qisqa paslar, pozitsiyalar almashinuvi va chiziqlar orasidagi o'yin.
So'nggi oylardagi qiyinchiliklardan so'ng, Kris uchun «San-Siro» muxlislari sevib qolgan o'sha Pulishich darajasiga qaytish imkoniyati paydo bo'lmoqda.
11-raqamning qaytishini kutamiz!
Kristian Pulishich jarohatidan tiklanish jarayonini davom ettirmoqda va yangi mavsumga tayyorgarlikni boshladi.
Milan lageridan yaxshi yangiliklar!
Kristian Pulishich Milanelloga qaytdi va yangi mavsumga tayyorgarlikni boshladi. Hozircha u individual dastur asosida ishlamoqda va jarohatidan tiklanish jarayonini davom ettirmoqda.
Asosiy maqsad — A Seriyaning birinchi turida Torinoga qarshi bahsga tayyor bo'lish.
Kristian Pulishichga qiziqish ortmoqda, ammo Milan futbolchini sotishni rejalashtirmayapti va u bilan yangi shartnoma imzolamoqchi.
Kristian Pulishichga qiziqish ortib bormoqda, ammo Milan o'z qarorini ma'lum qildi.
MLSdan keyin amerikalik futbolchi bilan Galatasaroy ham qiziqib qoldi.
Tuttomercatoweb xabariga ko'ra, Turkiya klubi Milan futbolchisi bo'yicha dastlabki so'rovni amalga oshirgan. Hozircha gap faqat ma'lumot yig'ish haqida ketmoqda: na futbolchiga va na rossonerilarga rasmiy takliflar kelib tushgan.
Biroq, Milan jamoa yetakchilaridan birini qo'yib yuborish niyatida emas. Qolaversa, Kardinale va Amorim Pulishichni yangi loyihaning asosiy figurasi qilmoqchi va unga yangi shartnoma tayyorlamoqda.
Fikr qoldirish va reaksiya uchun Telegram orqali kiring.