#Sturm Graz — yangiliklari

Kevin Jimenez xabariga ko'ra, «Strasbourg» va «Sturm Graz» Jeyland Mitchell transferi bo'yicha kelishuvga yaqin turibdi. Tomonlar bitimni yaqin kunlar ichida yakunlashni rejalashtirmoqda.

Mitchell kecha mashg'ulotlarda qatnashmadi va katta ehtimol bilan bugungi o'yinda maydonga tushmaydi. Shaxsiy shartlar kelishib olingan, futbolchining agentlari Kurt Morsink va Diego Fernandes bitimni rasmiylashtirish uchun Avstriyada bo'lib turishibdi.

«Fenerbaxche» Hakan Chalhanog'luni o'zining asosiy transfer maqsadlaridan biri deb belgiladi. Klub rahbariyati «Inter» yarim himoyachisini Istanbul jamoasiga o'tishga ko'ndirish uchun ilk qadamlarni tashladi. «Fenerbaxche» boshqaruv kengashi a'zosi Jihan Kamer Italiyaga tashrifi chog'ida turkiyalik futbolchining yaqinlari bilan bog'langan.

Fotomac xabariga ko'ra, Chalhanog'lu bilan bo'lib o'tgan so'nggi muzokaralar ijobiy o'tgan va futbolchi o'tishga rozilik bildirgan. Shu bilan birga, «Fenerbaxche» bitimni tezlashtirishi kutilayotgan sana ham ma'lum bo'ldi. Klub rahbariyati Chempionlar ligasi saralashi doirasidagi «Shturm»ga qarshi javob o'yinidan so'ng, ya'ni 11-avgustdan keyin yarim himoyachini xarid qilish harakatlarini kuchaytiradi. «Inter» Chalhanog'luni 25 milliondan 30 million yevrogacha baholamoqda.

Transfer bozori eksperti Alfredo Pedulla kecha kechqurun SportItalia efirida Gratsning Shturm klubi himoyachi Nosa Obaretin bilan qiziqayotganini ma'lum qildi.

Avstriyaliklar allaqachon futbolchi bilan bog'lanib, uning roziligini olishgan. Endi klublar o'zaro kelishib olishlari kerak.

Obaretin Napoli tomonidan transferga qo'yilgan futbolchi sifatida qaralayotgandi. Ammo Jenoa bilan muzokaralar muvaffaqiyatsiz yakunlangani va markaziy himoyachilarning jarohatlari sababli unga yangi jamoa izlash to'xtatilgan edi. Biroq Badyashil kelganidan so'ng, bu jarayon qayta tiklandi.