#Xakan Chalhanog'lu — yangiliklari

Xushxabar: Stounzda mushak uzilishi aniqlanmadi. Qaytish sanasi ma'lum bo'ldi.

«Bugun ertalab Jon Stounz Rozzanodagi Humanitas institutida klinik va instrumental tekshiruvdan o'tdi. Testlar chap son bukuvchi mushaklarida zo'riqish borligini ko'rsatdi. Futbolchining holati yaqin kunlarda qayta baholanadi».

17 sentyabr kuni e'lon qilingan rasmiy bayonot orqali Milan klubi ingliz himoyachisining holati borasida muxlislarni xotirjam qildi.

Kristian Kivu va tifozilar uchun eng ijobiy yangilik shundaki, «Manchester Siti»ning sobiq futbolchisi A Seriya doirasidagi «Udineze»ga qarshi bahsda (5:3 hisobidagi g'alaba) jiddiy jarohatdan qutulib qoldi. Muammo mushak spazmi bilan cheklangan, shu bois uning 10 oktyabr kuni, ya'ni xalqaro tanaffusdan keyingi ilk o'yinda «Parma»ga qarshi maydonga qaytishi kutilmoqda.

Terma jamoalar uchun tanaffus «Inter» ustozi uchun jarohatlar bilan bog'liq vaziyatda haqiqiy najot bo'ladi. Hakan Chalxanog'lu, Jed Spens va Stounzning o'zi «Roma»ga qarshi (19 sentyabr, shanba) uchrashuvni o'tkazib yuborish xavfi bor, shundan so'ng ular Italiya chempionatida safga qaytishlari mumkin.

Turkiyada hech qanday variant istisno qilinmayapti — hatto Chalxanog'lu 2-oktyabr kuni Lyejda va 5-oktyabr kuni Bolonyada Italiyaga qarshi o'ynashga urinib ko'rish uchun terma jamoa ixtiyorida tiklanish kursini o'tashi ham mumkin. Juma kuni chaqirilgan futbolchilar ro'yxati e'lon qilinadi. «Inter» esa u Milanda qolishini ma'qul ko'rgan bo'lardi.

FcInterNewsit

Rasman: Hakan Chalxanog'luda o'ng son yaqinlashtiruvchi mushagining cho'zilishi aniqlandi.

Besh tur ham o'tmay 🤦🏻‍♂️

Chalxanog'lu «Roma»ga qarshi o'yinda ham maydonga tushmaydi.

Daniele Mari

Hakan Chalhanoglu «Inter»ni tark etmaydi. U klub uchun asosiy o'yinchi hisoblanadi.

Shunga qaramay, dekabr yoki yanvar oylaridan boshlab shartnomani uzaytirish bo'yicha muzokaralar boshlanishi kutilmoqda va bu jarayon qanday kechishini kuzatish muhim bo'ladi.

Hozirgi vaqtda tomonlarning hech biri uning kelajagi haqida gapirmayapti.

Fabrisio Romano xabariga ko'ra.

Hakan Chalxanog'lu mushaklaridagi charchoq tufayli «Udineze»ga qarshi bahsda ishtirok etmaydi.

Inter mavsumni ishonchli g'alaba bilan boshladi va San-Siroda Monzani 4:1 hisobida mag'lub etdi. Neradzurrilar 6-daqiqada Chalxanog'lu goli evaziga hisobni ochishdi, ammo 29-daqiqada Varela muvozanatni tikladi. Ikkinchi bo'limda Kivu shogirdlari hujumga o'tishdi: 48-daqiqada Zelinski hisobni 2:1 ko'rinishiga keltirdi, 55-daqiqada Pio Espozito uchinchi golni urdi, 63-daqiqada esa Bissek g'alabani rasmiylashtirdi.

Udineze va Komo o'rtasidagi bahs esa 1:1 hisobida yakunlandi. Udineze 29-daqiqada Kamara goli bilan oldinga chiqib olgandi, ammo Komo ikkinchi bo'limning 54-daqiqasida Duvikasning goli evaziga hisobni tenglashtirdi. Yakuniy natija – 1:1, jamoalar bir ochkodan bo'lishib olishdi. Inter hisobida uch ochko, Udineze va Komoda esa bir ochkodan mavjud. Monza hali ochko jamg'ara olmadi.

Hakan Chalhanoglu o'z fikrlari bilan o'rtoqlashdi:

Albatta, hammada Myunxendagi voqealardan keyin yangi mavsumni muddatidan avval boy berdik, degan o'y bo'lgan edi. Jamoaning ruhiyati kuchli edi. Qiyinchiliklarga duch kelganimizda, maydonda munosib javob qaytardik va aynan shu narsa hal qiluvchi rol o'ynadi. Inzaghi haqida yomon gapira olmayman. U meni "Inter"da ko'rishni chin dildan istagan va men u bilan birga ham futbolchi, ham shaxs sifatida juda o'sdim.

Kivu esa boshqacha: uni insoniy fazilatlar ko'proq qiziqtiradi. U uchun futbol shaxsiyatdan muhim emas, o'zingni qanday his qilishing birinchi o'rinda. U har doim ochiq, ishonch bag'ishlaydi va kayfiyatni ko'taradi. Albatta, muhim taktik jihatlar ham bor. U mashg'ulotlarda 100 foiz kuch sarflashingni istaydi, lekin u xuddi aka va do'stdek. U bilan istalgan mavzuda gaplashish mumkin, u har doim yordam qo'lini cho'zadi va bu menga yoqadi. Ko'p narsalar ustida ishlashim kerak edi va u menga juda katta yordam berdi. Buning uchun unga minnatdorman.

Maqsad har doim bitta — yana g'alaba qozonish. 5 yil ichida 8 ta sovrin yutdim va Chempionlar ligasining 2 ta finalida ishtirok etdim. Hech bo'lmaganda bittasini yutishni istardim va biz yana urinib ko'ramiz.

Gazzetta.it xabariga ko'ra, Hakan Chalhanog'lu "Betis"ga qarshi o'yinda kichik jarohat olgan. Muammo jiddiy ko'rinmayapti, ammo yarim himoyachining holati A Seriya doirasidagi "Monza"ga qarshi shanba kungi bahsdan oldin tekshiruvdan o'tkaziladi. 🚨

Gazzetta dello Sport xabariga ko'ra, Hakan Chalxanog'lu o'zining «Inter»dagi kelajagi haqida gapirdi:

«Men bu yerda ekanligimdan xursandman. Milan shahrida, rafiqam bilan birga o'zimizni juda yaxshi his qilyapmiz, «Inter»da ham shunday. Bizning ko'plab do'stlarimiz bor, farzandlarimiz maktabga borishadi. Kelajagim esa menga emas, klubga bog'liq».

— Bu sizga ham bog'liq-ku.

«Yo'q, chunki shartnomani uzaytirish bo'yicha hech qanday aloqalar bo'lmadi. Men futbolchiman va faqat o'yin haqida o'ylayman. Ammo besh yil ichida biz ko'p yaxshi ishlarni qildik deb hisoblayman: 8 ta sovrin, 2 ta Chempionlar ligasi finali. Muxlislar meni yaxshi ko'rishadi, men ham ularni sevaman. Nima bo'lishini kuzatamiz».