#Juzeppe Marotta — yangiliklari

Joan Laporta: «Bu rost, men Lautaroni qanday bo'lmasin qo'lga kiritmoqchi edim. U ajoyib futbolchi va biz uni qo'ldan boy bermoqchi emasdik. Shu bois men prezident Marottaga qo'ng'iroq qildim, u esa menga o'yinchi sotilmasligini aytdi. Shuningdek, u hech qanday sharoitda futbolchi ketish-ketmaslik masalasini hal qilmasligini, chunki «Inter» uni saqlab qolishni istashini bildirdi. Shu sababli, men juda qadrlaydigan Juzeppe oldidagi hurmatim yuzasidan biz shu bosqichda to'xtadik».

❓Odatda «Barselona» qaysidir o'yinchini xohlasa, oxir-oqibat uni sotib oladi. Nega bu safar bunday bo'lmadi?

Joan Laporta: «Hammasi qanday bo'lganini aytib beraman. Bir kuni men Juzeppe Marottaga qo'ng'iroq qildim. Faqat men va u, hech qanday vositachilarsiz. Men unga Lautaroni o'z jamoamda ko'rishni juda istashimni va bu o'yinchini yuqori baholashimni aytdim. Biroq u hatto gapimni oxirigacha eshitmadi. U o'yinchi sotilmasligini va ketish-ketmaslik masalasini u hal qilmasligini aniq tushuntirdi. Shunda men har qanday o'ylarni to'xtatdim. Oldinga siljishning imkoni yo'q edi. Men va Marotta o'rtasida o'zaro ishonchga asoslangan munosabatlar shakllangan. Biz unga va «Inter»ga bo'lgan hurmat tufayli muzokaralarni davom ettirmadik».

❓Ehtimol, siz Chempionlar ligasida Lautaro bilan raqib sifatida to'qnash kelarsiz.

Joan Laporta: «Bu sodir bo'lishi mumkin. Qiziqarli bo'lardi. Bu biz uchun juda muhim bo'lgan turnir».

Dario «Interista» Bacchin 2017-yilda «Inter»ga kelishidan avval Marottaning «Yuventus»ga o'tish haqidagi taklifini rad etgan edi.

«Inter» Pyero Auzilio ketganidan so'ng vorisiylik yo'lini tanladi va uning o'rnini egallaydigan o'rinbosari Dario Bacchinni ko'tardi.

1976-yilda tug'ilgan Bacchin klub ichida juda hurmatli shaxsga aylandi va uni «Inter» prezidenti Juzeppe Marotta ayniqsa qadrlaydi. U uzoq yillar davomida Auzilio soyasida ishlagan bo'lsa-da, asta-sekin «Inter»ning texnik va sport strategiyasini belgilashda nufuzli ovoz sohibiga aylandi.

Bacchin «Inter»ga 2017-yilda qo'shilgan. Novaralik mutaxassis futbolchilik faoliyati davomida himoyachi pozitsiyasida o'ynagan, «Yuventus» akademiyasidan o'tgan, so'ngra A Seriyada «Napoli» tarkibida debyut qilgan. Faoliyatini yakunlagach, u darhol boshqaruv faoliyatiga tayyorgarlik ko'rishni boshladi va 2012-yilda Koverchanoda sport direktori litsenziyasini a'lo baholar bilan qo'lga kiritdi.

«Inter»ga o'tishdan oldin Bacchin «Siyena»da skaut bo'lib ishlagan, u yerda Jorjo Perinetti bilan tanishgan. Keyinchalik Perinetti uni o'zining o'rinbosari sifatida «Palermo»ga olib ketgan.

Qizig'i shundaki, Marotta «Yuventus»da ishlagan davridayoq Bacchinni o'z safiga qo'shib olishga uringan. Biroq, «Inter» muxlisi bo'lgan Bacchin Auzilioning taklifini qabul qilib, «neradzurrilar» safiga qo'shilishni afzal ko'rgan.

Oradan yillar o'tib, Marottaning o'zi ham yakunda «Inter»da paydo bo'ldi. Endi, Auzilio bilan yonma-yon ishlagan ko'p yillardan so'ng, Bacchin o'zining eng katta imkoniyatiga ega bo'ldi va Auzilio Moratti davri tugaganidan keyingi o'tish davrida Marko Branka o'rnini egallagan yo'ldan boradi.

Gazzetta dello Sport

Jurnalist Sandro Sabatini «Inter»dagi vaziyat haqida o'z fikrlari bilan o'rtoqlashdi:

«Inter» haqida biroz. Har bir insonning faoliyatida shunday damlar bo'ladiki, aynan u barcha tanqidlar nishoniga aylanadi. Men Tohir davrida va Chjan boshqaruvi boshlangan ilk yillarda Ausilio hamma narsada aybdor deb ko'rilganini eslayman. Branka futboldan ketdi, lekin Ausilio — «Inter» muvaffaqiyatining siri. Uning shartnomasi yakunlanyaptimi? Demak, u «Inter»dan ketishi kerak, degan gaplar chiqadi.

Men doim takrorlayman, hech bir voqea abadiy davom etmaydi. Moratti bir safar menga hayotda hamma narsa vaqtinchalik ekanini aytgandi. Futbolda men doim kim yaxshiroq, kim yomonroq ekanini solishtirishni yoqtiraman. Men uchun Ausilio — Italiyadagi eng yaxshi sport direktori va Marottaning muvaffaqiyatlari ko'p jihatdan Pyero Ausilio bilan bog'liq. Agar u Luis Enrikeni 30 million yevroga sotib, Kertis Jonsni olib kelsa, yigitlar, bu haqiqiy asar bo'ladi. U «Inter»ni Yevropa darajasiga — Chempionlar ligasining eng kuchli to'rtligiga olib chiqadi va shu bilan birga klubning moliyaviy balansini saqlab qoladi. Bunday sport direktorini yana qayerdan topasiz?»

«Komo» prezidenti Suvarso Trevo Chaloba transferi borasida «Inter» rahbari Juzeppe Marotta bilan bo'lgan suhbatini so'zlab berdi:

«Men Marottaga qo'ng'iroq qilib, shunday dedim: «Bilasizmi nima? Nega endi boshqa jamoa prezidentiga qo'ng'iroq qilib, «Bu futbolchi sizga kerakmi?» deb so'ramasligim kerak? Agar kerak bo'lsa, harakat qiling, biz chekinamiz, rahmat. Ammo agar uni sotib olsangiz, menga o'z tarkibingizdan kimnidir bering». U esa shunday javob qaytardi: «Qo'ng'irog'ingiz uchun rahmat. Buni qadrlayman, kun oxirigacha sizga xabar beramiz. Agar biz bu yo'nalishda ishni davom ettirmasak, sizga kuzatuvimizdagi boshqa maqsadlarni taqdim etamiz. Siz bilan ma'lumot almashishdan mamnunmiz». Menimcha, bunday munosabatlar har ikki klub uchun ham foydali va barchamizning o'sishimizga xizmat qiladi».

Juzeppe Marotta: «Bugun «neradzurrilar» afsonasining yana bir qismi bizni tark etdi. Sandro Matsstola «Inter»ni o'zida mujassam etgan edi, u bu yerga yosh bola bo'lib kelgan va umrbod shu yerda qolishga qaror qilgan: birgina libos, o'n yetti mavsum, butun bir umr. Errera davridagi Grande Inter bilan u hech kim o'chira olmaydigan sahifalarni yozib qoldirdi. Bugun bizning burchimiz — uning xotirasini saqlab qolish, chunki klub aynan o'z xotirasi qanchalik buyuk bo'lsa, shunchalik buyukdir. Sandro haqidagi xotira esa biz bilan abadiy qoladi».

Rasman: «Inter» va Piero Auzilio bugundan e'tiboran o'zaro kelishuvga ko'ra xayrlashishga qaror qilishdi.

Auzilio klub tizimida qariyb 28 yil ishladi. Piero ko'plab mavsumlar davomida tashkiliy masalalar bo'yicha kotib, so'ngra yoshlar sektori direktori lavozimlarida faoliyat yuritgan. 2014-yilning fevral oyida u sport direktori hamda texnik qism uchun mas'ul etib tayinlangandi. Ushbu muhim rolda u to'qqizta sovrin: 3 ta Skudetto, 3 ta Italiya Kubogi va 3 ta Italiya Superkubogini qo'lga kiritishga o'z hissasini qo'shgan. Shuningdek, uning mehnati evaziga klub uchta yevrokubok finaliga: ikkita Chempionlar ligasi va bitta Yevropa ligasi finaliga qadar yetib borgan.

«Men butun klub, egalar va «neradzurrilar»ning katta oilasidagi har bir xodim nomidan Pieroga minnatdorchilik bildiraman. Bizni u bilan quvonchli damlar, g'alabalar, shiddatli mehnat va katta ishtiyoq bog'lab turadi», — dedi Juzeppe Marotta.

Birinchi jamoa va texnik qism bilan yaqin hamkorlikda ishlab kelayotgan Dario Bachchin bugundan e'tiboran sport direktori lavozimini egallaydi.

Simone Togna xabariga ko'ra, «Inter» prezidenti Juzeppe Marotta shu juma kuni jamoaning Germaniyadagi mashg'ulotlar yig'iniga yetib keladi.